(26-10-2015) ប៉ៃលិន៖ ល្ងាចថ្ងៃទី២៦ ខែតុលា ឆ្នាំ២០១៥ នៅសាលប្រជុំបក្សប្រជាជនកម្ពុជាខេត្តប៉ៃលិន ឯកឧត្តម កើតសុធា ប្រធានគណបក្សប្រជាជនកម្ពុជាខេត្តប៉ៃលិនបានអញ្ជើញសំណេះសំណាលជាមួយសមាជិកសមាជិការសាខាបក្សទី១០នៃមន្ទីរអប់រំយុវជននិងកីឡាខេត្តប៉ៃលិន។
លោក តង់ ធារ៉ា ប្រធានសាខាបក្សទី១០នៃមន្ទីរអប់រំយុវជននិងកីឡាខេត្តបានលើកឡើងពីចំនុចសំខាន់ៗដើម្បីពង្រឹងការងារគណបក្សក្នុងអង្គភាពដូចជា៖ទី១/ពង្រឹងការគ្រប់គ្រងសមាជិកបក្ស រៀបចំរចនាសម្ព័ន្ធ ។ទី២/ពង្រឹងសតិអារម្មណ៏និងគោលជំហសមាជិកបក្ស ធ្វើការរៀបចំប្រជុំជីវភាពសាខាគណៈកម្មាធិការ និងសាខាគណបក្សជាប្រចាំ។ទី៣/កសាងសមាជិកថ្មីរបស់គណបក្សក្នុងជួរមន្រ្តីរាជការនិងសិស្សនិងនិសិត្ស។ទី៤/បន្តពិនិត្យ និងជំរុញការបើកប្រាក់កម្រៃបង្រៀនម៉ោងបន្ថែម ប្រាក់កម្រៃបង្រៀនថ្ងៃព្រហស្បត៏ជូនគ្រូបង្រៀននិងដោះស្រាយបាតុភាពនិងសំណូមពរសមស្របរបស់បុគ្គលិកអប់រំ។ទី៥/ពង្រឹងសមត្ថភាពមន្រ្តីគ្រប់គ្រង និងសកម្មជនគណបក្សគ្រប់ថ្នាក់ លើការងារដឹកនាំ គ្រប់គ្រងដើម្បីធ្វើគំរូល្អដល់សមាជិកគណបក្ស។ទី៦/បន្តត្រួតពិនិត្យការងាររដ្ឋបាលគ្រប់គ្រងនៅតាមអង្គភាព។ទី៧/យកចិត្តទុកដាក់ចំពោះយុវជនជាមន្រ្តីរាជការ យុវជនជាសិស្សនិងនិសិ្សតនៅតាមអង្គភាព និងគ្រឹះស្ថានសិក្សានិងមូលដ្ឋាន។ទី៨/ជំរុញសកម្មភាពកីឡានៅតាមគ្រឹះស្ថានសិក្សា ក្នុងគោលដៅប្រមូលផ្តុំនិងគ្រប់គ្រងយុវជនងាយស្រួលបញ្រ្ជៀបការងារគណបក្ស។ទី៩/រៀបចំសិក្ខាសាលាផ្សព្វផ្សាយដល់មន្រ្តីរាជការសិស្ស និស្សិត អំពីវឌ្ឍនភាពរបស់រដ្ឋាភិបាល ការអប់រំ ស្ថានភាពនយោបាយ សន្តិសុខ បញ្ហព្រំដែន។ទី១០ /ទប់ស្កាត់ និងចាត់វិធានការរាល់សកម្មភាពនយោបាយនៅតាមគ្រឹះស្ថានសិក្សាសាធារណៈនិងឯកជន។
ឯកឧត្តម កើត សុធា ប្រធានគណបក្សប្រជាជនកម្ពុជាខេត្តប៉ៃលិនបានមានប្រសាសន៏ថា៖ ដើម្បីរៀបចំរចនាសម្ព័ន្ធអោយបានកាន់តែច្បាស់និងពង្រឹងសមត្ថភាពការងារ ដល់សមាជិកសមាជិការបក្សទី១០ អោយរឹងមាំថែមទៀត ព្រមទាំងធ្វើការដោះស្រាយនូវបញ្ហាកើតឡើងដែលបងប្អូនជួបប្រទះកន្លងមក សមាជិកសមាជិការទាំងអស់ត្រូវតែយកចិត្តទុកដាក់ស្វែងយល់ អោយកាន់តែច្បាស់អំពីគោលនយោបាយរបស់គណបក្សប្រជាជនកម្ពុជា ដែលមាន សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើអោយប្រទេសជាតិមានសុខសន្តិភាព និងបានកសាង សមិទ្ធិផលបានយ៉ាងច្រើន។ដូច្នោះហើយយើងទាំងអស់ត្រូវគាំទ្រ គណបក្សប្រជាជនកម្ពុជាជារៀងរហូត។ឯកឧត្តមផ្តាំផ្ញើដល់សមាជិកសមាជិការទាំងអស់ត្រូវពង្រឹងសាមគ្គីភាពឯកភាពគ្នាអោយល្អនិងខិតខំបំពេញភារៈកិច្ច របស់ខ្លួនអោយបានល្អ ជាពិសេសត្រូវបំរើការងារផ្តល់សេវាជូនដល់បងប្អូនប្រជាពលរដ្ឋនៅតាមមូលដ្ឋានដែលជួបនូវបញ្ហាប្រឈមនានាអោយបានជាប្រចាំ ដើម្បីអោយបងប្អូនប្រជាពលរដ្ឋទាំងអស់ជឿទុកចិត្តមកលើគណបក្សប្រជាជនកម្ពុជា។
[youtube id= “_PiOW0dyXgE”]
