ផ្លូវលំ១ខ្សែប្រវែង១៧៦០ម៉ែត្រ ស្ថិតនៅសង្កាត់ទូលល្វា ត្រូវបានបើកការដ្ឋានជួសជុលឡើងវិញដើម្បីសម្រួលដល់ការធ្វើដំណើររបស់ប្រជាពលរដ្ឋនិងដឹកជញ្ជូនកសិផល


(02-12-2015) ប៉ៃលិន៖ ​ថ្ងៃ​ទី២​ ខែធ្នូ​ ឆ្នាំ​២០​១៥ ​លោក ​ស៊ុន ​យី ​អភិ​បាល​ក្រុង​ប៉ៃលិន​ ព្រម​ទាំង​ថ្នាក់​ដឹកនាំ​មន្ត្រី​រាជ​ការ​ បង​ប្អូន​ប្រជា​ពល​រដ្ឋ​បាន​អញ្ជើញ​បើក​ការ​ដ្ឋាន ​ជួស​ជុល​ផ្លូវ​ក្រាល​គ្រួស​ល្បាយ​ភ្នំ​១ខ្សែ​ប្រវែង​១៧​៦០​ម៉ែត្រ​ស្ថិត​នៅ​ភូមិ​វាល​វង្ស​សង្កាត់​ទូល​ល្វា ​ក្រុង​ប៉ៃលិន​ ខេត្ត​ប៉ៃលិន​។​

លោក​ សម​ ភួង​ ចៅ​សង្កាត់​ទួល​បាន​អោយ​ដឹង​ថា​៖​ផ្លូវ​មួយ​ខ្សែ​នេះ​បាន​ធ្វើ​ជា​ជំហ៊ាន​ៗ​ចំនួន​៤​ដង​មក​ហើយ ​គឺ​ទី១​/​ មាន​ការ​ឧបត្ថម​ពី​សាលា​ខេត្ត ​ទី២​/​មាន​ការ​ឧបត្ថម​ពី​ថវិកា​មូល​និធិ​សង្កាត់​ទួល​ល្វា ​ទី៣​/​មាន​ការ​ឧបត្ថម​ពី​មន្ទីរ​អភិ​វឌ្ឍន៏​ជន​បទ ​និង​លើក​ទី៤​នេះ​គឺ​បាន​មក​ការឧបត្ថម្ភ​ពី​សាលា​ក្រុង​ប៉ៃលិន​ដោយ​មាន​ការ​គាំ​ទ្រ​ពី​ប្រទេស​ស៊ុយ​អែត​មាន​ប្រវែង​១៧​៦០​ម៉ែត្រ​ ទទឹង​ ៥ម៉ែត្រ​ ចាប់​ពី​ចំណុច​ភូមិ​វាល​វង្ស ​ទៅ​ដល់​ភូមិ​ថ្មី​នៅ​ត្រង់​ចំណុច​អាង​ជីង​ចក់​ចំណាយ​ចវិកា​សរុប​ ៦៣.​ ៦២៣.​៦០០​រៀល​។​

​           លោក ​ស៊ុន ​យី ​អភិ​បាល​ក្រុង​ប៉ៃលិន​មាន​ប្រសាសន៏​ថាៈ​ផ្លូវ​លំ​១ខ្សែ​នេះ​ពិត​ជា​មាន​សារៈ​សំខាន់​ណាស់​ក្នុង​ការ​សំរួល​ដល់​ការ​ធ្វើ​ដំណើរ​និង​ដឹក​ជញ្ជូន​កសិក​ផល​របស់​បង​ប្អូន​ប្រជា​ពល​រដ្ឋ​យើង​ពី​កន្លែង​មួយ​ទៅ​កន្លែង​មួយ ​ជា​ពិសេស​ដឹក​ជញ្ជូន​ទៅ​កាន់​ទីផ្សា​បាន​យ៉ាង​ឆាប់​រហ័ស​ផង​ដែរ​។​ លោក​បន្ត​ថា​៖​រាជ​រដ្ឋា​ភិបាល​កម្ពុជា​ក្រោម​ការ​ដឹក​នាំ​របស់​សម្តេច​តេជោ​ ហ៊ុន​សែន​ ជា​នាយក​រដ្ឋ​មន្ត្រី​បាន​ធ្វើ​អោយ​ប្រទេស​ជាតិ​មាន​សុខ​សន្តិ​ភាព​និង​បាន​កសាង​និង​អភិ​វឌ្ឍន៍​ប្រ​ទេស​ជាតិ​យើង​រីក​ចំរើន​លើ​គ្រប់​វិស័យ ​។​ជាក់​ស្តែង​នៅ​ខេត្ត​ប៉ៃលិន​ក្រោម​ការ​ជួយ​ឧបត្ថម្ភ​គាំ​ទ្រ​ពី​រាជ​រដ្ឋា​ភិបាល ​បាន​កសាង​សម្មិ​ទ្ធិ​ផល​ថ្មី​ៗ​ជា​ច្រើន​ដូច​ជា​៖ផ្លូវ​ ស្ពាន​ សាលា​រៀន​ មន្ទីរ​ពេទ្យ​ និង​ វត្ត​អារាម​ ដើម្បី​បំរើ​ដល់​ជីវ​ភាព​រស់​នៅ​ប្រចាំ​ថ្ងៃ​របស់​បង​ប្អូន​ប្រជា​ពល​រដ្ឋ​យើង​អោយ​ប្រសើរ​ឡើង​។​លោក​ក៏​បាន​សំណូពរ​ដល់​ក្រុម​ហ៊ុន​ដែល​ទទួល​សាង​សង​ផ្លូវ​១ខ្សែ​នេះ​ត្រូវ​យក​ចិត្ត​ទុក​ដាក់​ធ្វើ​អោយ​មាន​គុណ​ភាព​ រឹង​មាំ ​និង​អនុ​វត្ត​ទៅ​តាម​កិច្ច​សន្យា​។​ទន្ទឹម​នេះ​បង​ប្អូន​ប្រជា​ពល​រដ្ឋ​ត្រូវ​ចេះ​ជួយ​ថែ​រក្សា​ការពារ​ផ្លូវ​នេះ ​ដោយ​ជៀស​វាង​កុំ​ដឹក​លើស​ទំងន់​ដែល​នាំ​អោយ​ផ្លូវ​ឆាប់​ខូច​ជា​ពិសេស​សុំ​បង​ប្អូន​ប្រជា​ពល​រដ្ឋ​ទាំង​អស់​បើ​មាន​បញ្ហា​អ្វី​ កើត​ឡើង​នៅ​តាម​មូល​ដ្ឋាន​ត្រូវ​រាយ​ការណ៏​មក​សមត្ថ​កិច្ច​អោយ​បាន​ទាន់​ពេល​វេលា​ដើម្បី​ចាត់​វិធាន​ការ​។​ ក្នុង​ឱកាស​នោះ​ដែរ​លោក ​ស៊ុន ​យី ​អភិបាល​ក្រុង​ប៉ៃលិន​និង​ក្រុម​ការងារ​ បាន​បញ្ជា​គ្រឿង​ចក្រ​ជា​និមិត​រូប​បើក​ការ​ដ្ឋាន​ផង​ដែរ​។

cpp-02-12-2015-001 cpp-02-12-2015-002 cpp-02-12-2015-003 cpp-02-12-2015-004 cpp-02-12-2015-005 cpp-02-12-2015-006vv

[youtube id= “qg57jLpwCAk”]