ដំណើរកំសាន្តរបស់ FORD ADVENTURE ចែកអំណោយដល់ប្រជាពលរដ្ឋក្រីក្រ ២០០គ្រួសារ នៅខេត្តប៉ៃលិន


​(10-12-2015) ប៉ៃលិន៖ នៅ​រសៀល ​ថ្ងៃទី​១០ ​ខែធ្នូ​ ឆ្នាំ​២០១៥​នេះ ​កម្ម​វិធី​ដំណើរ​កម្សាន្ត​របស់​អតិ​ថិជន​ Ford A​dven​ture​ បាន​មក​ដល់​ខេត្ត​ប៉ៃលិន​ និង​រៀប​ចំ​ពិធី​ចែក​អំណោយ ​ជូន​ដល់​ប្រជា​ពល​រដ្ឋ​ក្រីក្រ ​ប្រមាណ​២០០គ្រួសារ​ នៅ​ខេត្ត​ប៉ៃលិន​។​ ពិធី​នេះ​ចែក​អំណោយ​មាន​ការ​អញ្ជើញ​ចូល​រួម​ជា​អធិបតី​ភាព​ពី​សំណាក់​ឯក​ឧត្តម ​កើត​ សុធា​ អភិ​បាល​ខេត្ត​ប៉ៃលិន ​និង​តំណាង​ក្រុម​ហ៊ុន ​RMA​ Cam​bo​dia​ ដែល​ចែក​ចាយ​រថយន្ត ​Ford​ ។ ​

​តំណាង​ក្រុម​ហ៊ុន​បាន​អោយ​ដឹង​ថាៈ​ដំណើរ​កម្សាន្ត​ Ford​ Ad​ve​nture​ ឆ្នាំ​២០១៥​នេះ ​បាន​ចេញ​ដំណើរ​ នៅ​ព្រឹក​ព្រលឹម​ថ្ងៃ​ទី ​១០​ ខែធ្នូ​ ឆ្នាំ​២០១៥​នេះ ​ដោយ​ក្បូន​រថយន្ត Ford​ ចំនួន​៥២​គ្រឿង ​ដឹក​អតិ​ថិជន​ និង​ក្រុមការងារ​ចំនួន​ជិត​៣០០​នាក់ ​បាន​ចេញ​ដំណើរ​ពី ​Show ​Room ​របស់​ក្រុម​ហ៊ុន ​Ford​ ផ្លូវ​មុនីវង្ស​ ឆ្ពោះ​តាម​បណ្តាយ​ផ្លូវ​ជាតិ​លេខ​៥ ​នៅ​កាន់​ខេត្ត​បាត់​ដំបង ​ប៉ៃលិន ​របស់​កម្ពុជា ​និង​ឆ្លង​ទៅ​ខេត្ត​ចន្ទបូរី​ ប្រទេស​ថៃ​។​  ​ក្នុង​ដំណើរ​កំសាន្ដ​ដ៏​អស្ចារ្យ​នេះ ​មាន​រយៈ​ពេល​៤ថ្ងៃ ​៣យប់ ​គឺ​ចាប់​ពី​ថ្ងៃទី​១០ ​ដល់​ថ្ងៃ​ទី១៣​ ខែធ្នូ ​ឆ្នាំ​២០១៥​ ដែល​អ្នក​ចូល​រួម​នឹង​រីករាយ ​ជា​មួយ ​ទេស​ភាព​ព្រៃ​ភ្នំ​នៅ​តាម​ដង​ផ្លូវ​ និង​ទឹក​ធ្លាក់​ ដ៏​ស្រស់​ស្អាត ​ក្នុង​ទឹកដី​ខេត្ដ​ប៉ៃលិន​ រួម​ជា​មួយ​នឹង​បទ​ពិសោធន៍ ​បោះ​ជំរុំ​ដ៏​រ៉ូមែន​ទិច​ នៅ​លើ​ឆ្នេរ​សមុទ្រ ​យ៉ាង​ស្រស់​ត្រកាល​ នៃ​ខេត្ដចន្ទ​បុរី​ ប្រទេស​ថៃ​។​

​ឯក​ឧត្តម ​កើត​សុធា ​ អភិបាល​ខេត្ត​បាន​មាន​ប្រសាសន៍​ថាៈ​ខេត្ត​ប៉ៃលិន​មាន​សក្តា​នុពល​ទេសចរណ៏​ វប្បធម៌​ ធម្ម​ជាតិ​ល្អ​ស្រស់​បំព្រង ​ខ្យល់​អាកាស​ល្អ​បរិសុទ្ធ ​ដែល​មាន​ភាព​ទាក់​ទាញ​​ភ្ញៀវ​ទេសចរណ៏​ជាតិ​ អន្តរ​ជាតិ​ មក​កំសាន្ត ​ដូច​ជា ​តំបន់​វប្បធម៌ ​ប្រវត្តិ​សាស្រ្ត ​ភ្នំយ៉ាត​ ភ្នំក្បាល់​ដំរី​តំបន់​ធម្មជាតិ​ទឹក​ធ្លាក់​៧ជាន់ ​ក្បាល​ជ្រោះ​ទឹក​ធ្លាក់​អូរតាវ៉ៅ​ភ្នំខៀវ ​រម្មណីយ៏​ដ្ឋាន​ធម្មជាតិ​ស្ទឹង​ភ្នំដំបង ​រម្មណីយ៏​ដ្ឋាន​ធម្មជាតិ​ទឹក​ធ្លាក់​អូរអែម ​រម្មណីយ៏​ដ្ឋាន​ធម្ម​ជាតិ​ចំការ​ខ្នុរ​ស្ទឹង​ប៉ៃលិន ​អូរឈើ​ក្រំ ​ដងស្ទឹង​កុយ ​សុទ្ធ​តែ​សំបូរ​ទៅ​ដោយ​ជីវៈ​ចំរុះ​ និង​មាន​ចំនុច​គោល​ដៅ​កំសាន្ត​។​ឯក​ឧត្តម ​កើត ​សុធា ​ក៏​បាន​ថ្លែង​អំណ​គុណ​ដល់​ក្រុម​ហ៊ុន​ Ford ​ដែល​បាន​ រៀប​ចំ​ដំណើរ​កម្សាន្ត​នៅ​ខេត្ត​ប៉ៃលិន​ហើយ​បាន​ផ្តល់​អំណោយ​មនុស្ស​ធម៌​ជូន​ប្រជា​ពល​រដ្ឋ​ខេត្ត​ប៉ៃលិន​ផង​ដែរ​។​ អំណោយ​ដែល​ចែក​ជូន​ប្រជា​ពល​រដ្ឋ​ទាំង​២០០គ្រួសារ​ក្នុង​១គ្រួសារ​ទទួល​បាន ​អង្ករ​២៥គីឡូ​ក្រាម​ មី១កេះ ​ទឹកត្រី​១យួ ​មុង១​ ភួយ១​និងថវិកា ​មួយ​ចំនួន​ ។

cpp-10-12-2015-005 cpp-10-12-2015-006 cpp-10-12-2015-007 cpp-10-12-2015-008 cpp-10-12-2015-009 cpp-10-12-2015-010 cpp-10-12-2015-011 cpp-10-12-2015-012vv

[youtube id= “jugvqig80kk”]