ស្នងការនគរបាលខេត្តប៉ៃលិនប្រជុំផ្សព្វផ្សាយ ផែនការរបស់អគ្គស្នងការនគរបាលជាតិ និងផ្សព្វផ្សាយវេនប្រចាំបញ្ជាប្រចាំឆ្នាំ២០១៦


​(25-12-2015) ប៉ៃលិន៖ ព្រឹក​ថ្ងៃ​ទី​២៥​ ខែ​ធ្នូ​ឆ្នាំ​២០១៥ ​នៅ​ស្នង​ការ​ដ្ឋាន​នគរ​បាល​ខេត្ត​ប៉ៃលិន​បាន​ប្រជុំ​ផ្សព្វ​ផ្សាយ​ ផែន​ការ​របស់​អគ្គ​ស្នង​ការ​នគរ​បាល​ជាតិ​ និង​ផ្សព្វ​ផ្សាយ​វេន​ប្រចាំ​បញ្ជា​ប្រចាំ​ឆ្នាំ​២០១៦​ ក្រោម​អធិបតី​ភាព​លោក​ឧត្តម​សេនីយ​ត្រី​ ជា​ ចាន់​ ឌិន ​ស្នង​ការ​នរគបាល​ខេត្ត​ប៉ៃលិន​ និង​មាន​ការ​អញ្ជើញ​ចូល​រួម​ពី​សំណាក់​លោក​ស្នង​ការ​រង​ និង​លោក​អធិការ​ មេ​បុស្តិ៏​ ព្រម​ទាំង​មន្ត្រី​នគរ​បាល​ជា​ច្រើន​នាក់​ផង​ដែរ​។​​

​បន្ទាប់​ពី​លោក​វរសេនីយ៏​ត្រី​ ផង់​ ជឿម​ នាយ​ការិ​យាល័យ​កិច្ច​ការ​ប៉ុស្តិ៏​នគរ​បាល​រដ្ឋបាល​បាន​អាន​របាយ​ការណ៏​វេន​ប្រចាំ​បញ្ជា​រួច​មក​ លោក​វរសេនីយ៏​ឯក​ អ៊ុន​ សេរី​រត្ន​ ស្នង​ការ​រង​ និង​ជា​ប្រធាន​សេនា​ធិការ​ បាន​អាន​ច្បាប់​ចរាចរណ៏​ស្តី​ពី​ការ​ពង្រឹង​វិធាន​ការ​អនុវត្ត​ច្បាប់​ចរាចរណ៏​ផ្លូវ​គោក​អោយ​មន្រ្តី​នគរ​បាល​ជំនាញ​យល់​ជ្រាប់​កាន់​តែ​ច្បាស់​លាស់​ក្នុង​ការ​ចុះ​អនុវត្តការងារ​ជាក់​ស្តែង​អោយ​មាន​ប្រសិទ្ធិ​ភាព​។

​លោក​ឧត្តម​សេនីយ​ត្រី​ ជា​ ចាន់​ ឌិន ​ស្នង​ការ​នរគ​បាល​ខេត្ត​ប៉ៃលិន​បាន​មាន​ប្រសាសន៏​ណែ​នាំ​ដល់​មន្ត្រី​នគរ​បាល​ទាំង​អស់​អោយ​ខិត​ខំ​ប្រឹង​ប្រែង​ធ្វើ​ការងារ​ និង​ត្រូវ​ចេះ​សាម​គ្គី ​សហការ​គ្នា​ទៅ​វិញ​ទៅ​មក​ ដើម្បី​រក្សា​ការពារ​សណ្តាប់​ធ្នាប់​ជូន​ប្រជា​ពលរដ្ឋ​ទូទាំង​ខេត្ត​ប៉ៃលិន​។​លោក​មាន​ប្រសាសន៏​បន្ត​ថា​៖​ស្នង​ការ​រង​និង​មន្រ្តី​ជំនាញ​ត្រូវ​ក្តាប់​សភាព​ការ​បទ​ល្មើស​ផ្សេងៗ​អោយ​បាន​ច្បាស់​លាស់​និង​ត្រូវ​សហ​ការ​ជា​មួយ​អាជ្ញា​ធរ​មូល​ដ្ឋាន​អោយ​បាន​ជាប់​ជា​និច្ច​ដើម្បី​មាន​ភាព​ងាយ​ស្រួល​​ធ្វើ​ការ​បង្ក្រាប​អោយ​បាន​ទាន់​ពេល​វេលា​។ ​លោក​ក៏​បាន​សំនូម​ពរ​ដល់​មន្រ្តី​នគរ​បាល​ចរាចរណ៏​ត្រូវ​យក​ចិត្ត​ទុក​បំផុត​ចំពោះ​ប្រជា​ជន​ដែល​គាត់​ផាក​វិន័យ​ ត្រូវ​ចេះគោរព​ និង​ប្រើ​ពាក្យ​សំដី​អោយ​បាន​សមរម្យ​ ជៀស​វៀង​បញ្ហា​កើត​ឡើង​ដែល​ធ្វើ​អោយ​អាប់​អោន​កត្តិយស​ដល់​សមត្ថ​កិច្ច​។​ហើយ​ត្រូវ​ផាក​វិន័យ​អោយ​បាន​ត្រឹម​ត្រូវ​តាម​ការ​កំណត់​ដែល​ក្រសួង​មហា​ផ្ទៃ​ដាក់​អោយ​អនុវត្តន៏​  ទទឹម​នឹង​នេះ​ដែរ​លោក​ក៏​បាន​អោយ​មន្រ្តី​នគរ​បាល​ទាំង​អស់​ត្រូវ​ជួយ​ថែរ​ទាំ​ អនាម័យ​ ទីធ្លា​និង​កន្លែង​ធ្វើការ​ខ្លូន​ឯង​ផ្ទាល់​ ជា​ពិសេស​ត្រូវ​គោរព​វិន័យ​អោយ​ជាប់​ជានិច្ច​ផង​ដែរ​។ ​ឆ្លៀត​ក្នុង​ឱកាស​នោះ​ដែរ​ឧត្តម​សេនីយ​ត្រី​ ជា​ ចាន់​ ឌិន​ក៏​បាន​ធ្វើ​ការ​ផ្សព្វ​ផ្សាយ​ផែន​ការ​របស់​អគ្គ​ស្នង​ការ​នគរ​បាល​ជាតិ​ដែល​បាន​ដាក់​អោយ​អនុវត្ត​ជាក់​ស្តែងមាន​ដូច​ជា​៖១/​លោក​ អ៊ី​ គឹម​ ស៊ាន​ ទទួល​ការ​បើក​ករណី​បទ​ល្មើស​ផ្សេងៗ​ដែល​កើត​មាន​ឡើង​ និង​បូក​សរុប​របាយ​ការណ៏​អោយ​ច្បាស់​លាស់​។​ទី២/​លោក​ សោម​ ប៉ិម ​ទទួល​បទ​ល្មើស​គ្រឿង​ញៀន​ដែល​នៅ​សេស​សល់​ ។​ទី៣​/លោក​ សេរី​ វុធ​ ទទួល​បទ​ល្មើស​ឆក់​ប្លន់​ត្រូវ​ ចុះ​បង្ក្រាប​អោយ​បាន​ទាន់​ពេល​វេលា​។​ ទី៤​/សណ្នាប់​ធ្នាប់​ត្រូវ​រក​កន្លែង​ទុក​ដាក់​យាន​យាន្ត​ដែល​បាន​ផាក់​ដើម្បី​រក្សា​ទ្រព្យ​សម្បត្តិ​បង​ប្អូន​ប្រជា​ពលរដ្ឋ​។ ​ទី៥/​ត្រៀម​បង្ការ​បទ​ល្មើស​និង​ទុប​ស្កាត់​ជា​ប្រចាំ​។​ទី៦/​គ្រប់​មន្ត្រី​នគរ​បាល​ទាំង​អស់​ត្រូវ​ចេះ​ស្វែង​រក​ព័ត៌​មាន​ដើម្បី​ស៊ើប​អង្កេត​បទ​ល្មើស​ផ្សេងៗ​។ ​ទី៧/​ត្រូវ​មាន​ផែន​ទី​ក្នុង​ការ​កំណត់​មុខ​សញ្ញា​បទ​ល្មើស​​ផ្សេងៗ​។

ទី៨/​ត្រូវ​ចេះ​​បែង​ចែក​មុខ​សញ្ញា​និង​តួនាទី​ភារ​កិច្ច​អោយ​បាន​ត្រឹម​ត្រូវ​ក្នុង​ការ​ចុះ​បង្រ្កាប​បទ​ល្មើស​។​ទី៩/​ត្រូវ​បន្ត​ធ្វើ​អត្ត​សញ្ញាណ​ប័ណ្ណ​ជូន​ប្រជា​ពលរដ្ឋ​អោយ​បាន​ទាន់​ពេល​វេលា​។​ទី​១០/​មន្រ្តី​ចរាចណ៏​និង​សណ្នាប់​ធ្នាប់​ទាំង​អស់​ត្រូវ​ត្រៀម​ប្រជុំ​ និង​ធ្វើ​របាយការណ៍​អោយ​បាន​ច្បាស់​លាស់​នៅ​ពេល​ថ្ងៃ​ទី​២៨​ខាង​មុខ​នេះ​។

cpp-25-12-2015-009 cpp-25-12-2015-010 cpp-25-12-2015-011 cpp-25-12-2015-012 cpp-25-12-2015-013 cpp-25-12-2015-014vv

[youtube id= “BmfV4jdti68”]​