ឯកឧត្តម វេង សុធី អនុរដ្ឋលេខាធិការក្រសួងពាណិជ្ជកម្ម លោកជំទាវ តោ ពិឡា ទីប្រឹក្សាសម្តេចក្រឡាហោម ស ខេង និងជាក្រុមការងារអចិន្រ្តៃយ៍មូលនិធិរបស់ឯកឧត្តម ប៉ាន់សូ រសក្តិ រដ្ឋមន្រ្តីក្រសួងពាណិជ្ជកម្ម បាននាំយកអំណោយជាសម្ភារៈសិក្សាមួយចំនួនទៅចែកជូនដល់ក្មួយៗសិស្សានុសិស្សនិងលោកគ្រូអ្នកគ្រូ នៅសាលាបឋមសិក្សា ស ខេង អូរតាវ៉ៅ ខេត្តប៉ៃលិន

(08-06-2016) ប៉ៃលិន៖ រសៀលថ្ងៃទី ០៨ ខែមិថុនា ឆ្នាំ ២០១៦ នៅសាលាបឋមសិក្សា ស ខេង អូរតាវ៉ៅ ឯកឧត្តមវេង សុធី អនុរដ្ឋលេខាធិការក្រសួងពាណិជ្ជកម្ម និងជាក្រុមការងារអចិន្រ្តៃយ៍មូលនិធិរបស់ឯកឧត្តម ប៉ាន់សូរ សក្តិ រដ្ឋមន្រ្តីក្រសួងពាណិជ្ជកម្មលោកជំទាវ តោ ពិឡា ទីប្រឹក្សាសម្តេចក្រឡាហោម ស ខេង ព្រមទាំង ឯកឧត្តម ឡី ចាន់ ឆាយ ប្រធានក្រុមប្រឹក្សាខេត្ត អមដំណើរដោយប្រធានមន្ទីរអប់រំខេត្ត ប្រធានមន្ទីរពាណិជ្ជកម្មខេត្តប្រធានសាខាកាំកុងត្រូល បាននាំយកសម្ភារៈសិក្សាមួយចំនួនទៅចែកជូនដល់ក្មួយៗសិស្សានុសិស្សនិងលោកគ្រូអ្នកគ្រូ ដែលស្ថិតនៅភូមិ អូរតាវ៉ៅ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។

ឯកឧត្តម វេង សុធី អនុរដ្ឋលេខាធិការក្រសួងពាណិជ្ជកម្មបានមានប្រសាសន៍ថា៖ ការនាំយកអំណោយសម្ភារៈមកចែកជូនក្មួយៗសិស្សានុសិស្សនៅពេលនេះ គឺជាការយកចិត្តទុកដាក់ផ្ទាល់ពីសំណាក់ឯកឧត្តម ប៉ាន់សូរ សក្តិ រដ្ឋមន្រ្តីក្រសួងពាណិជ្ជកម្ម និងថ្នាក់ដឹកនាំខេត្តប៉ៃលិនដើម្បីជួយពង្រឹងការអប់រំនៅក្នុងខេត្តប៉ៃលិនទាំងមូលអោយកាន់តែមានគុណភាពនិងប្រសិទ្ធភាព។ ឯកឧត្តមមានប្រសាសន៏ថា សមិទ្ធផលនានាដូចជាហេដ្ឋារចនាសម្ព័ន្ធ ផ្លូវថ្នល់ មន្ទីរពេទ្យ វត្តអារ៉ាម អាគារសាធារណៈ ផ្សេងៗ ជាពិសេសសាលារៀន គឺដោយសារមានការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា ទើបយើងទាំងអស់គ្នាមានថ្ងៃនេះ។ មានសាលារៀន គឺកូនចៅយើងបានទទួលនូវចំណេះដឹង ចំណេះធ្វើ និងការរស់នៅប្រកបដោយភាពសុខសាន្តរហូតដល់ពេលនេះ។ នាឱកាសនោះឯកឧត្តមក៏បានផ្តាំផ្ញើរដល់ក្មួយៗសិស្សានុសិស្សទាំងអស់ ត្រូវខិតខំរៀនសូត្រ ស្តាប់បង្គាប់ឪពុកម្តាយ លោកគ្រូអ្នកគ្រូ និងធ្វើខ្លួនជាកូនល្អ មិត្តល្អ និងសិស្សល្អ ក្នុងសង្គមជាតិយើង។ ម្យ៉ាងវិញទៀតក្នុងការរស់នៅរៀនសូត្រត្រូវប្រកាន់ខ្ជាប់អនាម័យល្អ ហូបស្អាត មិនត្រូវលេងល្បែងអបាយមុខៗនានាដែលនាំអោយខាតពេលវេលានិងខូតអនាគតរបស់យើង ជាពិសេសក្មួយៗត្រូវមានការប្រុងប្រយ័ត្នចំពោះជនប្លែកមុខបោកប្រាស់មួយចំនួនដែលធ្វើការលួងលោមផ្សេងៗ ហើយប្រសិនបើប្អូនៗមានការសង្ស័យនោះ ត្រូវរាយការណ៍ប្រាប់ ឪពុកម្តាយ លោកគ្រូអ្នកគ្រូ មិត្តភក្តិ និងអ្នកជិតខាងជាបន្ទាន់ ជៀសវាងគ្រោះថ្នាក់កើតឡើងណាមួយនោះ។ យើងទាំងអស់គ្នាក៏ត្រូវចូលរួមគោរពច្បាប់ចរាចរណ៍ទាំងអស់គ្នាផងដែរ។

ចំពោះអំណោយសម្ភារៈសិក្សាដែលបានចែកជូនក្មួយៗសិស្សានុសិស្សចំនួន ៤១៩នាក់ ក្នុងម្នាក់ៗទទួលបានឃីដជាសម្ភារៈសិក្សាមួយកញ្ចប់ និងថវិកា ២៥០០រៀល ចំណែកលោកគ្រូអ្នកគ្រូ ១៥នាក់ ក្នុងម្នាក់ៗទទួលបាន ថវិកា ២ម៉ឺនរៀល ផងដែរ។

[youtube id= “J4tTCphMlRQ”]

គេហទំព័ររបស់គណបក្សតាមបណ្តារាជធានី ខេត្ត