(16-08-2016) ប៉ៃលិន៖ នៅសាលាខេត្តប៉ៃលិន ថ្ងៃទី១៦ ខែសីហា ឆ្នាំ២០១៦កន្លងទៅនេះ ឯកឧត្តមកើត សុធា អភិបាលខេត្តប៉ៃលិន និងជាប្រធានគណៈបញ្ជាការឯកភាពខេត្តបានដឹកនាំប្រជុំជាមួយថ្នាក់ដឹកនាំមន្ទីរជំនាញជុំវិញខេត្ត មន្ត្រីរាជការ កងកំលាំងប្រដាប់អាវុធ ដើម្បីរៀបចំសំអាតបរិស្ថានទីក្រុងនិងពង្រឹងកិច្ចការពារសន្តិសុខសណ្តាប់ធ្នាប់ជូនប្រជាពលរដ្ឋ។
ឯកឧត្តមកើត សុធា អភិបាលខេត្តប៉ៃលិនបានមានប្រសាសន៏ថា៖កិច្ចប្រជុំនៅពេលនេះគឺដើម្បីរៀបចំផែនការរក្សាការពារសន្តិសុខសណ្តាប់ធា្នប់ជូនប្រជាពលរដ្ឋ និងរៀបចំសំអាតបរិស្ថានទីក្រុង/ស្រុក/ឃុំ/សង្កាត់/ភូមិ អោយបានល្អ ជាពិសេសនៅតាមវត្តអារាម ផ្លូវសាធារណៈ សួនច្បារ និងរម្មនីយដ្ឋាននានានៅក្នុងខេត្តប៉ៃលិន។ ដូច្នេះគ្រប់អង្គភាពមន្ទីរជំនាញ មន្ត្រីរាជការ កងកំលាំងប្រដាប់អាវុធគ្រប់លំដាប់ថ្នាក់ ទាំងអស់ត្រូវយកចិត្តទុកដាក់ សហការគ្នាអោយបានជិតស្និទ្ធដើម្បីអនុវត្តការងារការពារសន្តិសុខសណ្តាប់ធ្នាប់ជូនប្រជាពលរដ្ឋអោយមានប្រសិទ្ធិភាព។ទន្ទឹមនេះ ត្រូវយកចិត្តទុកដាក់សំអាតបរិស្ថានអោយបានល្អជាប្រចាំ ទាំងនៅក្នងមន្ទីរស្ថាប័នរដ្ឋ កន្លែងសាធារណៈ សាលារៀន វត្តអារាម ជាពិសេសត្រូវបំផុសដល់ប្រជាពលរដ្ឋអោយពួកគាត់សំអាតនៅតាមគេហដ្ឋានរបស់បងប្អូនរៀងៗខ្លួនអោយបានល្អផងដែរ។ឯកឧត្តមបន្តថា៖ ក្រោមគោលនយោបាយឈ្នះឈ្នះរបស់សម្តេចហ៊ុនសែននាយករដ្ឋមន្រ្តីកម្ពុជាដែលធ្វើអោយប្រទេសជាតិមានសុខសន្តិភាព និងមានការកសាងហេដ្ឋារចនាសម្ព័ន្ធនានាជាច្រើនមានដូចជាសាលារៀន មន្ទីរពេទ្យ ផ្លូវថ្នល់ វត្តអារាម ប្រព័ន្ធធារាសាស្ត្រ ព្រមទាំងសមិទ្ធិផលជាច្រើនទៀតដែលបំរើអោយផលប្រយោជន៍ប្រជាពលរដ្ឋ ។ដូច្នេះគ្រប់ស្ថាប័នទាំងអស់ត្រូវចូលរួម សហការការពារ ថែរក្សា សមិទ្ធិផលទាំងអស់នេះអោយបានគង់វង្ស និងអោយមានការរីកចំរើនតទៅ ថ្ងៃអនាគត់។ទន្ទឹមនឹងនេះសូមអោយលោកមេឃុំ/សង្កាត់ស្មៀនត្រូវពង្រឹងសមត្ថភាពដើម្បីបំរើសេវាសាធារណៈជូនប្រជាពលរដ្ឋអោយបានទាន់ពេលវេលា ជាពិសេសត្រូវជំរុញប្រជាពលរដ្ឋអោយធ្វើអត្តសញ្ញាណប័ណ្ណដើម្បីមានសិទ្ធចុះឈ្មោះបោះឆ្នោតនៅពេលខាងមុខ។
vv
[youtube id= “sXN6NxO9ZqA”]
