(26-09-2016) ប៉ៃលិន៖ នៅទីបញ្ជាការកងការពារព្រំដែនគោកលេខ៥០៤ ស្ថិតក្នុងភូមិសាស្ត្រស្រែម្អម ឃុំសាលាក្រៅ ស្រុកសាលាក្រៅ ខេត្តប៉ៃលិន ព្រឹកថ្ងៃទី២៦កញ្ញាឆ្នាំ២០១៦ ឯកឧត្តម ប៉ាន់ សូរស័ក្តិ រដ្ឋមន្ត្រីក្រសួងពាណិជ្ជកម្មបានដឹកនាំគណៈប្រតិភូក្រសួងអញ្ជើញចុះសាកសួរសុខទុក្ខពលទាហាន នាយទាហាន និង នគរបាលការពារព្រំដែនគោកប្រចាំទិសយោធភូមិភាគ៥ដែលកំពុងឈជើងការពារបូរណៈភាពទឹកដីតាមបណ្តោយព្រំដែនកម្ពុជា ថៃ ក្នុងឱកាសបុណ្យកាន់បិណ្ឌ និងបុណ្យភ្ជំបិណ្ឌ។
ឯកឧត្តមឧត្តមសេនីយ៍ឯក ប៊ុន សេង មេបញ្ជាការរងកងយោធពលខេមរភូមិន្ទនិងជាមេបញ្ជាការយោធភូមិភាគ៥មានប្រសាសន៍ថាៈកងការពារព្រំដែនគោកចំណុះអោយយោធភូមិភាគ៥មានភារកិច្ចឈរជើងយ៉ាងរឹងមាំនៅតាមខ្សែរបន្ទាត់ព្រំដែនកម្ពុជា-ថៃ ជាពិសេសកងកម្លាំងបានសហការជាមួយសមត្ថកិច្ចពាក់ព័ន្ធចុះបង្ក្រាបបទល្មើសឆ្លងដែន ពង្រឹងការអនុវត្តគោលនយោបាយភូមិឃុំមានសុវត្តិភាព រក្សាបាននូវសន្តិសុខសណ្តាប់ធ្នាប់ជូនប្រជាពលរដ្ឋដែលរស់នៅតាមបណ្តោយព្រំដែនបានយ៉ាងល្អប្រសើរ។ឯកឧត្តមបានថ្លែងអំណគុណថ្លែងអំណរអគុណ ចំពោះរដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ ឯកឧត្តម ម៉ក ពេជ្ជរិទ្ធ អគ្គនាយកកាំកុងត្រូលនិងគណៈប្រតិភូក្រសួងពាណិជ្ជកម្ម ដែលបានចំណាយពេលវេលាដ៏មានតម្លៃ បានអញ្ជើញចុះបំពេញបេសកកម្មសួរសុខទុក្ខ សំណេះសំណាល និងពាំនាំយកអំណោយជាសំភារៈនិងថវិកាឧបត្ថម្ភដល់ពលទាហា នាយទាហាន និងនគរបាលការពារព្រំដែនគោកក្នុងទិសយោធភូមិភាគ៥ ដើម្បីជាការលើកទឹកចិត្តនិងចូលរួមចំណែកពង្រឹងលើវិស័យការពារជាតិអោយកាន់រឹងមាំ។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មបានមានប្រសាសន៍ពាំនាំការសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ព្រមទាំងសម្តេចកតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ជូនចំពោះពលទាហាន នាយទាហាន និងកងកម្លាំងនគរបាលការពារព្រំដែនគោកទាំងអស់ ហើយសម្តេចតែងតែគិតគូរខ្ពស់ពីសុខទុក្ខនិង ជីវភាពរស់នៅរបស់កងកម្លាំងយើងជានិច្ច ជាពិសេសនៅក្នុងរដូវបុណ្យទានតែម្តង។ឯកឧត្តមបានកោតសរសើនូវវីរៈភាពអង់អាចក្លាហានរបស់ពលទាហាននាយទាហាននិងកងកម្លាំងនគរបាលទាំងអស់ដែលបានលះអាយុជីវិតលះបង់កម្លាំងកាយចិត្តស្មារតី ដើម្បីការពារបូរណៈភាពដែនដីកម្ពុជាយើង អោយបានឋិតថេគង់វង់ជានិច្ច ។ឯកឧត្តមបានលើកឡើងថាៈគណៈប្រតិភូចុះសាកសួរសុខទុក្ខនិងនាំយកអំណោយឧបត្ថម្ភដល់កងកម្លាំងនាពេលនេះ គឺជាស្មារតីនិងវប្បធម៌ចែករំលែករវាងសមរភូមិក្រោយនិងសមរភូមិមុខអោយកាន់តែភាពជិតស្និទ្ធថែមទៀត។ដូច្នេះកងកម្លាំងប្រដាប់អាវុធទាំងអស់ត្រូវយកចិត្តទុកដាក់ពង្រឹងគោលជំហរស្មារតីសាមគ្គីភាពឯកភាពគ្នាអោយបានរឹងមាំ ដើម្បីការពាររដ្ឋធម្មនុញ្ញ ការពារព្រះមហាក្សត្រ ការពាររាជរដ្ឋាភិបាល និងទប់ស្កាត់នូវបដិវត្តពណ៌កុំអោយកើតមានលើទឹកដីព្រះរាជាណាចក្រកម្ពុជា ជាពិសេសចូលរួមសហការជាមួយសមត្ថកិច្ចពាក់ព័ន្ធពង្រឹងកិច្ចការពារសន្តិសុខសណ្តាប់ធ្នាប់ជូនប្រជាពលរដ្ឋនាពេលបុណ្យកាន់បិណ្ឌនិងភ្ជុំបិណ្ឌខាងមុខនេះអោយបានល្អប្រសើ។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មក៏បានប្រគល់អំណោយដល់ពលទាហាន នាយទាហាន និងកងកម្លាំងនគរបាលការពារព្រំដែនកម្ពុជា ថៃ រួមមានយោធាភូមិភាគទី៥ កុំព្យូទ័រ Desktop ចំនួន២គ្រឿង, Epson Inkjet Printer L360 ចំនួន២គ្រឿង។ ទីបញ្ជាការបាញ់គ្រាប់ពិត ស័ង្កសី ចំនួន១៧០០សន្លឹក ផ្ទាំងសូឡា 140w ចំនួន៣គ្រឿង ផ្ទាំងសូឡា 100w ចំនួន២គ្រឿង ផ្ទាំងសូឡា 80w ចំនួន៥គ្រឿង ។ ,សំរាប់អង្គភាពចំណុះ យោធាភូមិភាគទី៥ ទាំង៣២អង្គភាព (លើកលែងកងការពារព្រំដែនគោកលេខ៥០៣) ទទួលបាន អង្ករ ចំនួន១៧តោន ទឹកស៊ីអ៊ីវ ចំនួន ៦៦កេះធំ ទឹកត្រី ១៣២កេះធំ ត្រីខ ៨កេះធំ មីយើងចំនួន ៥៥កេះធំ នំស្រួយលីលី ចំនួន ២០កេះធំ ភេជ្ជៈគ្រប់មុខចំនួន ៣៣០កេះ ទឹកសុទ្ធចំនួន ២៥០យួរ កាហ្វេចំនួន ២៤កញ្ចប់ធំ និងថវិកា ឧត្ថម្ភ ៣២អង្គភាព ក្នុង១មួយអង្គភាពចំនួន២លានរៀល ថវិកាជូនកងទ័ពក្នុងកម្មវិធីបដិសណ្ឋារកិច្ច ចំនួន៦៥០នាក់ ម្នាក់ៗ ទទួល ២ម៉ឺនរៀល។តំបន់ប្រតិបត្តិការសឹករងខេត្តប៉ៃលិន ទទួលបាន ស៊ីម៉ងត៌ ចំនួន២០តោន ស័ង្កសី ចំនួន ៣០០សន្លឹក ។ កងការពារព្រំដែនលេខ ៥០៤ ទីបញ្ជាការទិសទី៣ប៉ៃលិន សំឡូត អធិការដ្ឋាននគរបាលស្រុកសាលាក្រៅ ទទួលបាន កៅអីជ័រ ចំនួន២០០កៅអី ទ្វារ ៣ទ្វារ បង្អួច ៣បង្អួច ថវិកាជួសជុលរថយន្តអគ្គីភ័យ ២លានរៀល ។
ដោយឡែកឯកឧត្តម ម៉ក ពេជ្ជរិទ្ធ អគ្គនាយកកាំកុងត្រូល បានឧត្ថម្ភ ដល់កងការពារព្រំដែន គោកលេខ ៥០៣ នៃយោធាភូមិភាគទី៥ សាងសង់ក្លោងទ្វារ និងប៉ុស្តិ៍យាមទីបញ្ជាការ សាងសង់ផ្ទះស្នាក់នៅក្រុមយាមប៉ុស្តិ៍ទីបញ្ជាការ ផ្ទាំងសូឡា 100w ១ កុំព្យូទ័រ Desktop ១គ្រឿង Epson Inkjet Printer L360 ១គ្រឿង អង្ករចំនួន ៥តោន មីចំនួន ២០កេះធំ ត្រីខចំនួន ២០០យួរ ទឹកត្រីចំនួន ២០០យួរ ទឹកស៊ីអ៊ីវចំនួន ២០០យួរ និងថវិកាចំនួន៤លានរៀល៕
vv
[youtube id= “OTI2mo2UDvQ”]
