(30-05-2015) ប៉ៃលិន៖ ព្រឹកថ្ងៃទី៣០ ខែឧសភា ឆ្នាំ២០១៥ ឯកឧត្តម ផាន់ ចាន់ធុល ប្រធានក្រុមការងារគណបក្សប្រជាជនកម្ពុជាចុះជួយសង្កាត់បយ៉ាខា ឯកឧត្តម អ៊ុក ប្រជា សមាជិកកណកម្មាធិការកណ្តាលគណបក្សប្រជាជនកម្ពុជា និងជា អនុប្រធានក្រុមការងារគណបក្សប្រជាជនកម្ពុជាចុះជួយសង្កាត់បយ៉ាខា លោក ស៊ុន យី អនុប្រធានក្រុមការងារគណបក្សប្រជាជនកម្ពុជាចុះជួយសង្កាត់បយ៉ាខា បានជួបប្រជុំជាមួយប្រធានក្រុមបក្សសង្កាត់ និងក្រុមបក្សភូមិទាំងអស់ក្នុងសង្កាត់បយ៉ាខាដើម្បី ដកស្រង់បទពិសោធ លើកការលំបាក និងការងាយស្រួលនៃការអនុវត្តការងារគណបក្សប្រជាជនកម្ពុជា នាពេលកន្លងមក, ការដោះស្រាយលើបញ្ហាកង្វល់នានារបស់ប្រជាពលរដ្ឋនៅក្នុងសង្កាត់ ក្រុងប៉ៃលិន ខេត្តប៉ៃលិន។
បន្ទាប់ពីលោកប្រធានភូមិ ដែលជាប្រធានក្រុមបក្សភូមិ បានរាយការអំពីស្ថានភាពនៃការរស់នៅរបស់បងប្អូនប្រជាពលរដ្ឋ , ការលំបាក និងការងាយស្រួលក្នុងការអនុវត្តការងារជាក់ស្តែងក្នុងភូមិរួចមក ឯកឧត្តម ផាន់ ចាន់ធុល និង ឯកឧត្តម អ៊ុក ប្រជា បានមានប្រសាសន៍ថា ក្រុមការងារគណបក្សប្រជាជនកម្ពុជាចុះជួយឃុំ /សង្កាត់ ទាំងអស់តែងតែមានការលឹក ដឹងគុណជានិច្ចដល់បងប្អូនក្រុមកាងារនៅថ្នាក់មូលដ្ឋាន ភូមិ ឃុំ និងប្រជាពលរដ្ឋទាំងអស់ ដែលបានខិតខំជួយជ្រោមជ្រែង គាំទ្រ គណបក្សប្រជាជនកម្ពុជា រហូតមក។ ឯកឧត្តមបានបន្តថា កន្លងមកក្រុមការងារគណបក្សមិនសូវបានមកជួបសំណេះសំណាលស្វែងយល់សុខទុក្ខដល់បងប្អូនប្រជាពលរដ្ឋនៅមូលដ្ឋានអោយបានញឹកញាប់ ដោយសារមានការមមាញឹកច្រើនក្នុងការងារបំរើជាតិ មាតុភូមិ ប៉ុន្តែថ្នាក់ដឹកនាំ ក្រុមការងារទាំងអស់តែងតែបានយល់ និងបានប្រឹងប្រែងជានិច្ចជួយដល់ប្រជាពលរដ្ឋមិនដែលព្រងើយកន្តើយឡើយ។
ក្នុងឱកាសនោះដែរឯកឧត្តម ផាន់ ចាន់ធុល និង ឯកឧត្តម អ៊ុក ប្រជា លោក ស៊ុន យី និងក្រុមការងារបក្សចុះជួយសង្កាត់បយ៉ាខា បានស្ម័គ្រចិត្តបរិច្ចាកថវិការតាមលទ្ធភាពចូលទៅក្នុងកញ្ចប់ថវិកាមូលនិធិរបស់ក្រុមការងារចុះជួយសង្កាត់បយ៉ាខា សំរាប់ទុកចាយវាយទៅលើសកម្មភាពជួយសង្គ្រោះដល់សមាជិកបក្សដែលមានជំងឺ អ្នកសំរាលកូន និងជួយក្នុងពិធីបុណ្យសពជាដើម។ឆ្លៀតក្នុងឱកាសនោះក្រុមការងារបក្សចុះជួយសង្កាត់បយ៉ាខា ក៏បានចូលរួមជាថវិកាគ្នា សរុបបានចំនួន៨០ម៉ីនរៀល នាំយកទៅជួយឧបត្ថម្ភដល់គ្រួសារលោក កែវ រី សមាជិកបក្សភូមិបតាំងស៊ូដែលមានជំងឺលើសឈាម និងដាច់សរសៃឈាម កំពុងសំរាកព្យាបាលនៅឯផ្ទះរបស់គាត់ក្នុងភូមិបតាំងស៊ូនេះ។
[youtube id= “bY3MdV8-X_4”]
