(13-10-2016) ប៉ៃលិន៖ នៅសាលាបឋបសិក្សាសខេង អូរតាវ៉ៅ ព្រឹកថ្ងៃទី១៣ តុលា ឆ្នាំ២០១៦ អាជ្ញាធរខេត្តប៉ៃលិន និង មន្ទីររៀបចំដែនដីនគរូបនីយកម្ម និងសំណង់ខេត្តប៉ៃលិនបានធ្វើពិធី ប្រកាសបិទផ្សាយជាសាធារណៈនូវឯកសារនៃការវិនិឆ្ឆ័យសំរាប់ការចុះបញ្ជីដីធ្លីមានលក្ខណៈជាប្រព័ន្ធ ក្រោមអធិបតីភាព ឯកឧត្តម សៅ សារ៉ាត់ អភិបាលរងខេត្តប៉ៃលិន ។
លោក ហុក សុផល ប្រធានមន្ទីររៀបចំដែនដីនគរូបនីយកម្ម និងសំណង់ខេត្តប៉ៃលិនបានធ្វើរបាយការណ៍ថា៖មានប្រជាពលរដ្ឋ៤៨៨គ្រួសារ ផ្ទៃដីសរុបក្នុងភូមិអូតាវ៉ៅមាន១០២២,២៧ហិកតា មានក្បាលដី ៧០១ក្បាលដី ដីលំនៅឋាន៣៨១ក្បាលដី ស្មើនឹង៦៧.៨៦ ហិកតា ដីកសិកម្ម ២៨៣ ក្បាលដី ស្មើនឹង៨១២.៩៤ ហិកតា សាលារៀន១ក្បាលដី ដីទំទាស់ ១ក្បាលដី ម្ចាស់មិនមកបំពេញទិន្នន័យចំនួន៣៥ ក្បាលដី។
ឯកឧត្តម សៅ សារ៉ាត់ អភិបាលរងខេត្តប៉ៃលិនបានមានប្រសាសន៏កោតសសើរដល់មន្ទីរដែនដីនគរូបនីយកម្ម និងសំណង់ខេត្តប៉ៃលិនដែលបានខិតខំប្រឹងប្រែងបំពេញការងារវាស់វែងដីធ្លីមានលក្ខណៈជាប្រព័ន្ធជូនប្រជាពលរដ្ឋក្លាយជាកម្មសិទ្ធិស្របច្បាប់របស់រដ្ឋ ជាពិសេសបានចូលរួមដោះស្រាយបញ្ហាទំនាស់ដីធ្លីដែលកើតមានឡើងនៅពេលដែលចុះអនុវត្តការងារជាក់ស្តែងតាមទីលំនៅដ្ឋាន ភូមិ ឃុំ សង្កាត់ ក្រុង ខេត្តបានដោយរលូន។ ដូច្នេះមន្ត្រីជំនាញដែលជាប់ពាក់ព័ន្ធទាំងអស់ត្រូវបន្តអនុវត្តការងារដីធ្លីនេះ បន្តែមទៀតដើម្បីអនុវត្តអោយប្រសើឡើង នូវគោលនយោបាយរបស់រាជរដ្ឋាភិបាលកម្ពុជាអោយទទួលបានប្រសិទ្ធិភាព។ឯកឧត្តមបន្តថា៖ការប្រកាសបិទផ្សាយជាសាធារណៈនូវឯកសារនៃការវិនិឆ្ជ័យសំរាប់ការចុះបញ្ជីដីធ្លីមានលក្ខណៈជាប្រព័ន្ធនៅពេលនេះគឺមានសារៈសំខាន់ណាស់ដល់បងប្អូនប្រជាពលរដ្ឋសំរាប់ធ្វើការត្រួតពិនិត្យឈ្មោះ និងក្បាលដី ទំហំ អោយបានច្បាស់លាស់ជៀសវៀងកុំ អោយមានបញ្ហទំនាស់ដីធ្លីកើតឡើង។ ឯកឧត្តមបាន ជំរុញដល់បងប្អូនប្រជាពលរដ្ឋត្រូវយកចិត្តទុកដាក់ផ្ទៀងផ្ទាត់ត្រួតពិនិត្យមើលឈ្មោះ ក្បាលដី ទំហំ និងព្រំដីអោយបានច្បាស់លាស់ដែលមន្ទីរបានបិទផ្សាយជាសាធារណៈនូវឯកសារនៃការវិនិឆ្ជ័យសំរាប់ការចុះបញ្ជីដីធ្លីមានលក្ខណៈជាប្រព័ន្ធនៅភូមិអូតាវ៉ៅនេះ គឺមានរយៈពេល១៥ថ្ងៃប៉ុន្នោះ។ដូច្នេះប្រជាពលរដ្ឋណាដែលមានចំងល់ឫមិនច្បាស់លាស់ត្រង់ណាសូមអោយបងប្អូនមកពិភាក្សាការងារជាមួយមន្រ្តីជំនាញដើម្បីអោយគាត់ធ្វើការដោះស្រាយជូនអោយបានទាន់ពេលវេលានិងមានប្រសិទ្ធិភាព។
vv
[youtube id= “tiYTO6UluW0”]
