(18-01-2017) ប៉ៃលិន៖ ថ្ងៃទី១៨ខែមករា ឆ្នាំ២០១៧ សាខាកាំកុងត្រូលប្រចាំខេត្តប៉ៃលិនសហការជាមួយមន្ទីរពាណិជ្ជកម្មខេត្តបានបន្តចុះត្រួតពិនិត្យទំនិញម្ហូបអាហារ ដែលដាក់តាំងលក់តាមតូបនិង បិទផ្លាកសញ្ញាផ្សព្វផ្សាយដល់អាជីវកនៅតាមភូមិបឌិននៀវ ភូមិប៉ាហ៊ី ស្ថិតក្នុងសង្កាត់ប៉ៃលិន ក្រុងប៉ៃលិន ខេត្តប៉ៃលិន។
លោក គិត សុវណ្ណា អនុប្រធានសាខាកាំកុងត្រូលប្រចាំខេត្តប៉ៃលិនបានអោយដឹងថាៈ សាខាកាំកុងត្រូលខេត្តបានចុះបិទផ្លាកសញ្ញាផលិតផលម្ហូបអាហារដើម្បីផ្សព្វផ្សាយជូនដល់បងប្អូនប្រជាពលរដ្ឋអោយយល់ដឹងពីសុខភាពនិងសុវត្តិភាពម្ហូបអាហារជារៀងរាល់ខែ និងជាពិសេសបន្តចុះត្រួតទំនិញខូចគុណភាព និងទំនិញលើសកាលបរិច្ឆេត ប្រើប្រាស់ដែលដាក់តាំងលក់នៅតាមទីផ្សានានាទូទាំងខេត្តប៉ៃលិនជាបន្តបន្ទាប់ដូចភ្លៀងរលឹម ដើម្បីដកហូតទំនិញខូចគុណភាពទាំងនោះយកទៅកំទេចចោល និងកុំអោយបន្តដាក់លក់នៅតាមទីផ្សា ដែលធ្វើអោយបងប្អូនប្រជាពលរដ្ឋដែលទិញយកទៅប្រើប្រាស់និងបរិភោគដែលនាំអោយប៉ះពាល់ដល់សុខភាព ។ លោក គិតសុវណ្ណាបានធ្វើការពន្យល់ណែនាំដល់អាជីវករទាំងអស់កុំអោយយកទំនិញណាដែលខូចគុណភាព ទំនិញដែលមិនមានច្បាប់អនុញ្ញាតិ ឬទំនិញដែលមិនមានស្លាកសញ្ញាត្រឹមត្រូវមកដាក់តាំងលក់ដែលធ្វើអោយប៉ះពាល់សុខភាពយ៉ាងធ្ងន់ធ្ងរ ។ ទន្ទឹមនេះអាជីវករទាំងអស់មុននិងទិញទំនិញយកមកដាក់តាំងលក់ត្រូវពិនិត្យមើលកាលបរិច្ឆេត ថ្ងៃ ខែ ឆ្នាំ ផលិត និងក្រុមហ៊ុនឲ្យបានច្បាស់លាស់ដើម្បីជៀសវាងពេលសមត្ថកិច្ចកាំកុងត្រូលចុះពិនិត្យឃើញហួសកំណត់ ដកហូតដែលនាំឲ្យខាតបង់ថវិការគ្រូសាររបស់បងប្អូន និង ខាតបង់ពេលវេលា ។លោកបាន អំពាវដល់ប្រជាពលរដ្ឋទាំងអស់ត្រូវមានការយល់ដឹងមុននឹងទិញទៅប្រើប្រាស់ និង បរិភោគចេះមើលទំនិញដែលខូចគុណភាព ហួសសុពលភាព ។ ចំពោះអាជីវករណាមិនគោរពនិងធ្វើតាមការណែនំារបស់សាខាកាំត្រូល នៅតែបន្តយកទំនិញខូចគុណភាពមកលក់ទៀតនោះ សាខាកាំកុងត្រូលនឹងចាត់វិធានការណ៍តាមផ្លូវច្បាប់ ទៅតាម មាត្រាទី១៦ និង៦៣ ដោយផ្តន្ទាទោសពី១ខែទៅ១ឆ្នាំ ។
ក្នុងពេលចុះពិនិត្យទំនិញសមត្ថកិច្ចកាំកុងត្រូលបានដកហូតទំនិញខូចគុណភាពមួយចំនួនពីអាជីវករដើម្បីយកទៅកំទេចចោលរួមមាន៖ទឹកក្រូចដប១៨ដប ស្រាបៀ២២ដប មីកំប៉ុង៤កំប៉ុង ទឹកដោះគោជូក្មេង២៨ដប នំកញ្ចប់ស្រួច០៦បញ្ចប់ ម្សៅស៊ុបរ៉តឌីកញ្ចប់២៤កញ្ចប់។
vv
[youtube id= “UNbJIM2DrOg”]
