(01-02-2017) ប៉ៃលិន៖ នៅមន្ទីរពាណិជ្ជកម្មខេត្តប៉ៃលិន ថ្ងៃទី០១ ខែកុម្ភៈ ឆ្នាំ២០១៧ ឯកឧត្តម កើត សុធា អភិបាលខេត្តប៉ៃលិន បានអញ្ជើញប្រជុំពិភាគ្សា ជាមួយមន្ទីរជំនាញពាក់ព័ន្ធ ដើម្បីត្រៀមធ្វើសន្និបាតបូកសរុបការងារវិស័យឯកជន ឆ្នាំ២០១៦ និងលើកទិសដៅការងារវិស័យឯកជន ឆ្នាំ២០១៧ ស្តីពីការនាំចូល នាំចេញ កសិផលគ្រប់ប្រភេទទៅកាន់ទីផ្សារអន្តរជាតិ ដែលជាកត្តាយ៉ាងសំខាន់ក្នុងការជួយលើកស្ទួយតម្លៃកសិផលរបស់កសិករ។
ឯកឧត្តម កើត សុធា អភិបាលខេត្តប៉ៃលិន បានលើកឡើងថា៖ ដោយសារបច្ចុប្បន្ននេះ នៅក្នុងខេត្តប៉ៃលិន ក៍ដូចជានៅទូទាំងប្រទេស គឺកំពុងជួបបញ្ហាតម្លៃកសិផលរបស់កសិករមានតម្លៃថោក ដូច្នេះការជួបជុំគ្នាក្នុងសន្និបាតបូកសរុបការងារវិស័យឯកជន ឆ្នាំ២០១៦ និងលើកទិសដៅការងារវិស័យឯកជន ឆ្នាំ២០១៧ ស្តីពីការនាំចូល នាំចេញ កសិផលគ្រប់ប្រភេទទៅកាន់ទីផ្សារអន្តរជាតិ នាពេលខាងមុខ គឺមានសារៈសំខាន់ណាស់ គឺយើងត្រូវរួមគ្នា ពិភាគ្សាឱ្យបានល្អិតល្អន់ និងគ្រប់ជ្រុងជ្រោយ ដើម្បីរកចំនុចខ្លាំង និងចំនុចខ្សោយរវាងវិស័យឯកជនដែលរកស៊ីនៅក្នុងខេត្តប៉ៃលិន និងស្ថាប័នពាក់ព័ន្ធ ហើយយើងនឹងយកបញ្ហាទាំងអស់នោះ ទៅដោះស្រាយឱ្យបានទាន់ពេលវេលា ទៅតាមសមត្ថកិច្ច និងលទ្ធភាពដែលយើងមាន។ឯកឧត្តម កើត សុធា ក៍បានសំនូមពរដល់មន្ត្រីជំនាញពាក់ព័ន្ធទាំងអស់ ត្រូវខិតខំសហការ និងសម្របសម្រួល បង្កលក្ខណៈងាយដល់វិស័យឯកជន ជាពិសេសមន្ត្រីជំនាញពាក់ព័ន្ធ ដែលឈរជើងនៅមាត់ច្រកទ្វារអន្តរជាតិព្រំ រវាងខេត្តប៉ៃលិន និងខេត្តចាន់បុរី ប្រទេសថៃ ត្រូវមានកិច្ចសហការល្អ ដោយស្មើភាពគ្នា ជាមួយសមត្ថកិច្ចជំនាញពាក់ព័ន្ធរបស់ភាគីថៃ ដោយធ្វើយ៉ាងណាសម្រួលដល់ការនាំចេញកសិផលរបស់អជីវករកម្ពុជាទៅលក់នៅប្រទេសថៃ បានដោយរលូន និងមានតម្លៃថ្លៃ។
គួរបញ្ជាក់ថា៖ បើតាមរបាយការណ៍របស់មន្ទីរពាណិជ្ជកម្មខេត្ត បានឱ្យដឹងថា៖ ខេត្តប៉ៃលិន មានសមាគមន៍នាំចេញដំឡូងមី ចំនួន ២ សហគមន៍នាំចេញផ្លែមៀនប៉ៃលិន ចំនួន ១ ក្រុមហ៊ុននាំចេញស្វាយកែវល្មៀតតាមច្រកទ្វារអន្តរជាតិព្រំ ចំនួន ៩ និងសៃឡូ ឬទីលានហាលសម្ងួត ដែលទទួលទិញកសិផលពីប្រជាកសិករ ចំនួន ៥៦កន្លែង។
vv
[youtube id= “VLDn_HIy9jM”]
