ឯកឧត្តម ផាន់ចាន់ធុល អភិបាលខេត្តអញ្ជើញបើកវិញ្ញាសារការប្រលងសញ្ញាបត្រមធ្យមសិក្សាទុតិយភូមិ ឆ្នាំ២០១៧-២០១៨


នៅព្រឹកថ្ងៃទី២០ ខែសីហា ឆ្នាំ២០១៨ ឯកឧត្តម ផាន់ ចាន់ធុល អភិបាល​នៃគណអភិបាលខេត្តប៉ៃលិន និងលោក តង់ ធារ៉ា ប្រធានមន្ទីរអប់រំយុវជន និងកីឡាខេត្ត បាន​អញ្ជើញ​​បើកវិញ្ញាសារ​​ប្រ​លងសញ្ញាបត្រ​មធ្យម​សិក្សា​ទុតិ​យ​ភូមិ​ ឆ្នាំ២០១៧-២០១៨ នៅវិទ្យាល័យហ៊ុនសែនក្រុងទេព​និម្មិត​ប៉ៃលិន ​ស្ថិតនៅភូមិអូរតាពុកក្រោម សង្កាត់​ទួលល្វា ក្រុងប៉ៃលិន ខេត្តប៉ៃលិន។

ឯកឧត្តម ផាន់ ចាន់ធុល អភិបាលខេត្តបានមានប្រសាសន៍ថា៖​ រាជរដ្ឋា​ភិ​បាលកម្ពុជាមានការ​យកចិត្តទុកដាក់​ខ្ពស់ ក្នុងការអនុវត្តនូវ​គោល​នយោបាយកំណែ​ទម្រង់លើ​វិស័យ​អប់រំ ប្រកបដោយគុណភាព ប្រសិទ្ធភាព ដើម្បីយុវជនខ្មែរមានធនធានចំណេះដឹង បច្ចេកទេសច្បាស់លាស់សំរាប់ការ    កសាងប្រទេសជាតិអោយបន្តរីកចំរើនថ្មីៗទៀត។ ឯកឧត្តមបានបន្តថា ថ្ងៃនេះជាថ្ងៃដ៏មានសារៈសំខាន់ និងមានខ្លឹមសារណាស់ សំរាប់ក្មួយៗសិស្សានុសិស្សដែលបានចូលរួមក្នុងការប្រលងសញ្ញាបត្រនាពេលនេះ ព្រោះជាពេលដែលក្មួយត្រូវបង្ហាញពីសមត្ថភាពរបស់ខ្លួន ថាមានចំណេះដឹងគ្រប់គ្រាន់ផ្នែកចំណេះដឹងទូទៅ និងឈានមួយជំហាទៀត គឺបន្តទៅសិក្សាជំនាញនៅថ្នាក់មហាវិទ្យាល័យ សំរាប់អនាគត់ដ៏ភ្លឺស្វាងរបស់ក្មួយៗ។ ឯកឧត្តមក៏បានណែ​នាំ​ដល់ក្មួយៗ​សិស្សា​នុសិស្ស​​ទាំង​អស់ ត្រូវខិតខំធ្វើកិ​ច្ច​ការ​​របស់​ខ្លួន​ដោយ​សមត្ថ​ភាព ​កុំចំលងគ្នា កុំមើលប្រយ៉ុង និងត្រូវធ្វើកិច្ចការ​ដោយ​​​ផ្ចិតផ្ចង់ប្រុងប្រយ័ត្នខ្ពស់ ជៀស​វាងការសរសេខុសដោយការធ្វេសប្រហែស នាំអោយលទ្ធផលប្រលងមិនបានល្អ​។​  ​​ឯកឧត្តមក៏បាន​ផ្តាំផ្ញើដល់អនុរក្សប្រចាំការ​តាមបន្ទប់​នីមួយៗ ត្រូវមើលសិស្សានុសិស្សជាបេក្ខជនប្រឡងអោយល្អ ហ្មត់ចត់ ហាម​ស៊ីសំណូកសូកម៉ាន់ ហើយបើ​មានហេតុការអ្វីមិនស្រួល​ត្រូវមាន​ចំណាត់​ការ​ណាមួយជាបន្ទាន់។

បើតាមការបញ្ជាក់ពីលោក តង់ ធារ៉ា ប្រធានមន្ទីរអប់រំ​យុវ​ជននិង​កីឡា​ខេត្ត​ប៉ៃលិន​បានអោយដឹងថា៖​ ខេត្តប៉ៃលិនមានមណ្ឌលប្រឡង​សញ្ញាប័ត្រ​មធ្យម​​​សិក្សាទុតិយភូមិសរុប ២មណ្ឌល គឺមណ្ឌលវិទ្យាល័យ​ហ៊ុនសែន​ក្រុង​ទេព​និម្មិតប៉ៃលិនប៉ែកខាងលិច គឺថ្នាក់វិទ្យាសាស្រ្ត, មាន​បេក្ខ​ជនសរុបចំនួន២៤៧នាក់ ស្រី១១៩នាក់  មាន​បន្ទាប់​សរុប​ចំនួន១០បន្ទាប់។ មណ្ឌល​វិទ្យាល័យហ៊ុនសែនក្រុងទេពនិម្មិត​ប៉ៃលិនប៉ែកខាង​កើត គឺថ្នាក់​ជាសង្គមវិទ្យា មានបេក្ខជនសរុបចំនួន១៣៩នាក់ ស្រី៧៩នាក់ ក្នុងនោះមាន​បេក្ខជនស្វៃរិន៧៨នាក់ ស្រី៤៥នាក់ ,មានបន្ទប់សរុបចំនួន ៦បន្ទប់៕ វួច ពឿន