ល្ងាចថ្ងៃទី ២៥ ខែ កញ្ញា ឆ្នាំ២១០៨, លោក សុទ្ធ ឃុនថាល់ ប្រធានក្រុមការងារគណបក្សប្រជាជនកម្ពុជាចុះជួយភូមិវត្ត និងភូមិអូរតាប្រាង រួមនឹងសមាជិក សមាជិការ ក្រុមការងារមួយចំនួនទៀត បានអញ្ជើញចុះសំណេះសំណាល សាកសួរសុខទុក្ខប្រជាពលរដ្ឋនៅក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។
លោក សុទ្ធ ឃុនថាល់ បានមានប្រសាសន៍ថា គោលបំណងនៃការចុះសំណេះសំណាល សាកសួរសុខទុក្ខនេះ គឺទី១៖ ដើម្បីថ្លែងអំណរគុណសារជាថ្មី ដល់បងប្អូនប្រជាពលរដ្ឋដែលបានបោះឆ្នោតជូនគណបក្សប្រជាជនកម្ពុជា។ ទី២៖ ដើម្បីផ្សព្វផ្សាយអោយប្រជាពលរដ្ឋ ទៅធ្វើអត្តសញ្ញាណប័ណ្ណសញ្ជាតិខ្មែរ អោយបានគ្រប់ៗគ្នា ពិសេសសម្រាប់អ្នកដែលបានបាត់អត្តសញ្ញាណប័ណ្ណ, ផ្សព្វផ្សាយអោយប្រជាពលរដ្ឋចុះសំបុត្រអាពាហ៏ពិពាហ៏ចំពោះអ្នកទើបរៀបការថ្មី ,ចុះសំបុត្រកំណើតអោយទារក ដែលទើបកើត និងត្រូវធ្វើសំបុត្រមរណភាព នៅពេលមានសមាជិកគ្រួសារណាម្នាក់បានស្លាប់។ ទី៣៖ សំរាប់ស្តាប់ និងចូលរួមដោះស្រាយបញ្ហាប្រឈម និងទទួលការសំណូមពរនានាពីប្រជាពលរដ្ឋនៅក្នុងភូមិ៕
ដោយ ៖ វួច ពឿន
