(23-10-2015) ប៉ៃលិន៖ ថ្ងៃទី២៣ ខែតុលា ឆ្នាំ២០១៥គណៈកម្មាធិការសាខាកាកបាទក្រហមកម្ពុជាខេត្តប៉ៃលិន ដឹកនាំដោយឯកឧត្តម នាយឧត្តមសេនីយ៍ អ៊ីឈាន ទីប្រឹក្សាផ្ទាល់ និងជា នាយករងខុទ្ទកាល័យសម្តេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តីនៃ ព្រះរាជាណាចក្រកម្ពុជា និងជាប្រធានកិត្តិយសសាខាកាកបាទក្រហមខេត្តប៉ៃលិន លោកជំទាវ បាន ស្រីមុំ អ្នកតំណាងរាស្រ្តមណ្ឌលខេត្តប៉ៃលិន និងជាប្រធានគណៈកម្មាធិការសាខាកាកបាទក្រហមខេត្តប៉ៃលិន បានអញ្ជើញចុះប្រគល់ផ្ទះកាកបាទក្រហម ចំនួន២ខ្នងបន្ថែមទៀត ជូនដល់ប្រជាពលរដ្ឋទី ទ័លក្ររស់នៅភូមិអូរខ្ទីង សង្កាត់ អូរតាវ៉ៅ ក្រុងប៉ៃលិនខេត្តប៉ៃលិន ដែលផ្ទះទាំងពីរខ្នងនេះជាអំណោយដ៏ថ្លៃថ្លារបស់សម្តចគតិព្រឹទ្ធបណ្ឌិត ប៊ុនរ៉ានីហ៊ុនសែនប្រធានកាកបាទក្រហម
កម្ពុជា តាមរយៈគណកម្មាធិការសាខាកាកបាទក្រហម កម្ពុជាខេត្តប៉ៃលិន។
លោកជំទាវ បាន ស្រីមុំ ប្រធានគណៈកម្មាធិការសាខាកាកបាទក្រហមខេត្តប៉ៃលិន បាន មានប្រសាសន៍ថា ចាប់តាំងពីឆ្នាំ២០១៣ មកដល់ពេលបច្ចុប្បន្ននេះ សាខាកាកបាទក្រហម កម្ពុជាខេត្តប៉ៃលិន បានកសាងផ្ទះកាកបាទក្រហមកម្ពុជា ផ្តល់ជូនប្រជា ពលរដ្ឋខេត្តប៉ៃលិន បានចំនួន៤៧ខ្នងមកហើយ ក្នុងគំរោងសាងសង់ផ្ទះកាកបាទ ក្រហម ចំនួន១០០ខ្នង ដែល សម្តចគតិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទ ក្រហមកម្ពុជា បានផ្តល់ជូនដល់ ប្រជាពលរដ្ឋខេត្តប៉ៃលិន តាមរយៈគណៈកម្មាធិការ សាខាកាកបាទក្រហមខេត្តប៉ៃលិន សំរាប់ជួយដល់ប្រជាពលរដ្ឋដែលរងគ្រោះដោយទឹកជំនន់កាលពីឆ្នាំ២០១៣ និងជួយដល់ ប្រជាពលរដ្ឋទីទាល់ក្រគ្មានផ្ទះសំបែង នៅក្នុងខេត្តប៉ៃលិន។
ឯកឧត្តម នាយឧត្តមសេនីយ៍ អ៊ី ឈាន បានមានប្រសាសន៍ពាំនាំនូវការនឹករលឹក សាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុនសែន នាយករដ្ឋ មន្រ្តី នៃព្រះរាជាណាចក្រកម្ពុជា និងសម្តចគតិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធាន កាកបាទក្រហម កម្ពុជា ជូនចំពោះបងប្អូនប្រជាពលរដ្ឋក្នុងភូមិអូរខ្ទីងនិងនៅទូរទាំងខេត្តប៉ៃលិនផងដែរ ។ ឯកឧត្តម បានមានប្រសាសន៍ថា សម្តេចទាំងពីរបាន គិតគូរជា ពិសេសអំពីសុខទុក្ខ និងជីវភាពរស់ នៅរបស់បងប្អូន ប្រជាពលរដ្ឋអ្នកប៉ៃលិន យើងទាំងអស់ ដោយលោកចង់ឃើញប្រជាពល រដ្ឋយើងបានរស់នៅធ្វើការងារ រកស៊ីចិញ្ចឹមជីវិតក្នុងជីវភាពធូរធាសមរម្យ និងមានសុខភាពល្អ មានសុភមង្គល សុខដមរម្យនា ក្នុងក្រុមគ្រួសារ។ ឯកឧត្តមបានបន្តទៀតថា ក្នុងបច្ចុប្បន្ន នេះ ទោះបី ឯកឧត្តមបានទៅបំពេញការងារភារកិច្ចនៅឆ្ងាយពីបងប្អូនប្រជាពលរដ្ឋយើងក្តី តែដួង ចិត្តរបស់ឯកឧត្តមនៅជាប់ជាមួយប្រជាពលរដ្ឋយើង និងនៅតែជួយដល់ប្រជា ពលរដ្ឋ យើង ជានិច្ច នៅពេលមានទុក្ខលំបាក។ ឯកឧត្តម អ៊ីឈាន ក៏បានរំលឹកនូវ អនុស្សាវរីយ៏នៃការ ដឹក នាំរួមសុខរួមទុក្ខ ដ៏កំសត់ កម្រ ជាមួយប្រជាពលរដ្ឋខេត្តប៉ៃលិន រហូតដល់ប្រទេសជាតិមាតុ ភូមិកម្ពុជា ទទួលបាននូវសុខសន្តិភាពពេញលេញបរិបូរណ៏ ។ ឯកឧត្តមបានរំលឹក មកវិញ នូវគុណបំណាច់មិនអាចកាត់ថ្លៃបានរបស់សម្តេចតេជោសែន វីរៈស្ថាបនិកនៃ នយោបាយ ឈ្នះឈ្នះ ដែលបានដឹកនាំនាវាកម្ពុជាកាត់ព្យុះសង្ឃរាសង្រ្គាម មកដល់ កោះត្រើយ សន្តិភាព ១០០%ជាស្ថាពរ ។ ឯកឧត្តមបញ្ជាក់ថា បច្ចុប្បន្ននេះ យើងទាំង អស់គ្នា និងប្រជាជន កម្ពុជា នៅតែត្រូវការសម្តេចតេជោដឹកនាំប្រទេសជាតិបន្ត ដើម្បី ធានាបាននូវនិរន្តរភាព សន្តិភាព និងការអភិវឌ្ឍន៏ជាតិលើគ្រប់វិស័យ ។ ការគោរព ការស្រឡាញ់ ការដឹងគុណ ការគាំ ទ្រ ចំពោះសម្តេចតេជោសែន សម្តេចកិតិ ព្រឹទ្ឋ បណ្ឌិត គឺជាសតិសម្បជញ្ញៈរបស់យើងគ្រប់គ្នា និងរបស់បងប្អូនប្រជាពលរដ្ឋយើង ឆ្លើយតបទៅនឹងការទទួលបាន មកនូវសុខសន្តិភាព ពេញលេញបរិបូរណ៏ ដែល សម្តេចតេជោលោកបានដាក់ជីវិតជាដើមទុនកន្លងមក ។
ឯកឧត្តមអ៊ីឈានបានជំរុញលើកទឹកចិត្តដល់ប្រជាពលរដ្ឋដែលទទួលបានផ្ទះថ្មី ត្រូវបន្ត ខិតខំកសាងជីវភាពគ្រួសារអោយបានកាន់តែល្អប្រសើរឡើងថែមទៀត និងត្រូវរៀបចំកែលំអរ បរិស្ថានជុំវិញផ្ទះអោយមានអនាម័យល្អ និងត្រូវនាំកូន ចៅទៅចុះឈ្មោះចូលរៀនអោយបាន គ្រប់គ្នាក្នុងឆ្នាំសិក្សាថ្មីនេះ ហើយក៏ត្រូវខិតខំអប់រំ កូនចៅអោយបានយល់ដឹងពី គ្រោះ មហន្ត រាយនៃ គ្រឿងញៀន ដែលជាសត្រូវស្លាប់ រស់របស់ជីវិតកូនចៅយើងគ្រប់គ្នា។
ក្នុងឱកាសប្រគល់ផ្ទះកាកបាទក្រហមនោះដែរ ឯកឧត្តម អ៊ី ឈាន និងលោកជំទាវ បាន ស្រីមុំ ក៏បានផ្តល់ នូវអំណោយរបស់សាខាកាកបាទក្រហម ជូនដល់ក្រុមគ្រួសារ ទាំងពីរ ដែលទទួលបានផ្ទះថ្មី ដោយក្នុងមួយគ្រួសារៗទទួលបាន អង្ករ៥០គ.ក្រ កន្ទេល១ ឆ្នាំង បាយ ១ ឆ្នាំងសម្ល១ ខ្ទះ១ ចានបាយ១០ ស្លាបព្រា១០ វែក៣ ប្រេងឆា១ លីត្រ ទឹកស៊ីអ៊ីវ១យួ ទឹក ត្រី ១យួ ត្រីខ១ឡូ មី១កេះ ទឹកសុទ្ធ២កេះ ទឹកក្រូច១កេះ ឃីត១(មុង១ ក្រម៉ា១ ភួយ១ សារ៉ុង១) និងថវិកា៥០ម៉ឺនរៀល ហើយឯកឧត្តម អ៊ី ឈាន ក៏បានផ្តល់ជូននូវថវិកាផ្ទាល់ខ្លួនបន្ថែម ចំនួន ៥០ម៉ឺនរៀលក្នុង១គ្រួសារ និងលោកឧក ញ៉ា សេង ឈុនឡេង ក៏បានឧបត្ថម្ភបន្ថែមជូនមួយ គ្រួសារៗ១០ម៉ឺន រៀលបន្ថែមទៀតផងដែរ ។ ចំពោះប្រជាពលរដ្ឋ ដែលបានអញ្ជើញចូល រួម ចំនួន ១០៣នាក់ ក្នុងម្នាក់ៗ ទទួលបានសារ៉ុង១ថវិកា១ម៉ឺនរៀល។
[youtube id= “s9dSBZ53n6Q”]
