(07-07-2016) ប៉ៃលិន៖ គណៈប្រតិភូយោធានៃព្រះរាជាណាចក្រថៃដឹកនាំដោយ លោកឧត្តមសេនីយ៍ឯក សឹង្ហាស័ក អ៊ុតថៃមង្គល ប្រធានទំនាក់ទំនងព្រំដែនកម្ពុជា ឡាវ មីយ៉ានម៉ា និងម៉ាឡេស៊ី នៅថ្ងៃទី៧កក្កដា ឆ្នាំ២០១៦នេះ បានអញ្ជើញជួបពិភាក្សាការងារជាមួយថ្នាក់ដឹកនាំរដ្ឋបាលខេត្តប៉ៃលិន ស្តីពីការកិច្ចពង្រឹងកិច្ចសហប្រតិបត្តិការ និងទំនាក់ទំនងគ្នាឲ្យបានល្អ រវាងខេត្តជាប់ព្រំដែនកម្ពុជា-ថៃ នៅសាលាខេត្តប៉ៃលិន។
ឯកឧត្តម កើត សុធា អភិបាលនៃគណៈអភិបាលខេត្តប៉ៃលិនបានមានប្រសាសន៍ថាៈការជួបពីភាក្សាគ្នារវាងរដ្ឋបាលខេត្ត និងគណៈប្រតិភូយោធាថៃពេលនេះគឺបានបង្ហាញអំពីការយកចិត្តទុកដាក់លើកិច្ចសហប្រត្តិបតិការជាមិត្តភាពរវាងព្រះរាជាណាចក្រកម្ពុជា និងព្រះរាជាណាចក្រថៃ ជាពិសេសរវាងខេត្តប៉ៃលិន និងកងទ័ពជើងថៃ។ឯកឧត្តមបន្តថាៈកិច្ចសហប្រតិបត្តិការល្អរវាងប្រទេសយើងទាំងពីរនិងនាំមកនូវសុខសន្តិភាពតាមបន្ទាត់ព្រំដែន ការបង្ក្រាបបទល្មើស និងការអភិវឌ្ឍន៍ ដែលផ្តល់ផលប្រយោជន៍ជូនប្រជាពលរដ្ឋនៃប្រទេសទាំងពីរ។ឯកឧត្តមក៏បានសំណូមពរដល់ភាគីថៃជួយពន្លឿនការសាងសង់ស្ពានជាប់ព្រំប្រទល់ច្រកអន្តរជាតិព្រំឲ្យបានលឿនដើម្បីសំរួលការដឹកជញ្ជូនទំនិញឆ្លងកាត់បានងាយស្រួល និងជួយសម្រួលការនាំចេញកសិផលនិងផ្លែឈើរបស់ប្រជាជនកម្ពុជាចូលប្រទេសថៃអោយបានស្របច្បាប់ ។
លោកឧត្តមសេនីយ៍ឯក សឹង្ហាស័ក អ៊ុតថៃមង្គល មានប្រសាសន៍ថា ការជួបជុំគ្នារវាងអាជ្ញាធរខេត្តប៉ៃលិន នាពេលនេះគឺបង្កើតឲ្យមានការយោគយល់គ្នាថែមទៀត ហើយពង្រីកកិច្ចសហការប្រតិបត្តិការលើគ្រប់វិស័យនិងរួមគ្នាដោះស្រាយបញ្ហាប្រឈមនានាដែលកើតមានឡើង ធ្វើយ៉ាងណាឲ្យប្រជាជនប្រទេសទាំងពីររស់នៅប្រកបមុខរបររកស៊ីផ្លាស់ប្តូពាណិជ្ជកម្មពីគ្នាទៅវិញទៅមកឲ្យល្អ។ ចំពោះសំណូមពររបស់ថ្នាក់ដឹកនាំខេត្តប៉ៃលិន លោកនិងយកបញ្ហានេះយកទៅពិគ្រោះយោបល់ជាមួយថ្នាក់ដឹកនាំខេត្តចាន់បុរីដើម្បីដោះស្រាយអោយបានឆាប់រហ័ស ។លោកបន្ថែមថា ការជួបគ្នារវាងអាជ្ញាធរខេត្តនាពេលនេះគឺជាការរួមចិត្តរួមគំនិតគ្នាដើម្បីពង្រឹងការចងសម្ព័ន្ធមេត្រីភាពជាមួយគ្នាឲ្យកាន់តែល្អ ហើយពង្រឹង និងពង្រីកកិច្ចសហប្រតិបត្តិការគ្នា អោយកាន់តែរឹងមាំបនែ្ថមទៀតធ្វើយ៉ាងណាឲ្យគ្រប់ភាគី និងសមត្ថកិច្ចពាក់ព័ន្ធទាំងអស់ត្រូវផ្តល់ព័ត៌មានជូនគ្នាទៅវិញទៅមកឲ្យបានទាន់ពេលវេលា៕
vv
[youtube id= “3tqDuRFb5jo”]
