(31-10-2016) ប៉ៃលិន៖ នៅសាលប្រជុំក្រុមប្រឹក្សាខេត្តប៉ៃលិនព្រឹកថ្ងៃទី៣១ ខែតុលា ឆ្នាំ២០១៦ សភាពាណិជ្ជកម្មកម្ពុជា និងសភាពាណិជ្ជកម្មថៃជួបប្រជុំពិភាក្សាការងារស្តីពីការនាំចេញនាំចូលផលិផល កសិផលទៅកាន់ទីផ្សាក្រៅប្រទេសអោយបានរលូន ដែលកិច្ចប្រជុំនេះស្ថិតក្រោមវត្តមានលោកជំទាវ ជា លាភ អភិបាលរងខេត្តប៉ៃលិន និង លោក និយម ផៃរ៉ាណា អនុប្រធានសភាពាណិជ្ជកម្មនៃប្រទេសថៃ និងមានការអញ្ជើញចូលរួមពីសំណាក់ ប្រធាន អនុប្រធានសភាពាណិជ្ជកម្មទាំង១៤ច្រកជាប់ព្រំដែនកម្ពុជា ថៃ និងប្រតិភូសភាពាណិជ្ជកម្មថៃជាច្រើននាក់ផងដែរ។
កិច្ចប្រជុំក៏បានពិភាក្សានិងលើកឡើងពីបញ្ហាប្រឈមនៃការនាំចេញកសិផលទៅកាន់ទីផ្សាក្រៅប្រទេស ដើម្បីធ្វើការដោះស្រាយរួមមានដូចជា៖១/ការធ្វើវិនិយោគកែឆ្នៃផលិតផលកសិផលតាមបណ្តោយព្រំដែនទាំង១៤ច្រក ។ ២/ការជំរុញវិនិយោគរវាងកម្ពុជានិងថៃតាមព្រំដែនអោយបានប្រសើឡើង ។ ៣/ការសំរួលពាណិជ្ជកម្មតាមបណ្តោយព្រំដែនកម្ពុជានិងថៃ ។៤/ការដឹកជញ្ជូនកសិផលទៅក្រៅប្រទេស និងនាំចូលទៅប្រទេសថៃអោយបានសមស្របតាមកិច្ចព្រមព្រៀងពាណិជ្ជកម្ម។៥/ការពង្រឹងកិច្ចសហប្រតិ្តបតិការណ៏រវាងកម្ពុជានិងថៃលើវិស័យទេសចរណ៏អោយបានល្អ។ទី៦/ស្នើសុំរដ្ឋាភិបាលទាំងពីរកម្ពុជានិងថៃពន្យាពេលបើកច្រកអន្តរជាតិអោយដល់ម៉ោង១២យប់។ទី៧/យោគយល់ផលិតផលកសិផលរបស់កម្ពុជាអោយនាំចូលប្រទេសថៃបានដោយរលូត។
លោក និយម ផៃរ៉ាណា អនុប្រធានសភាពាណិជ្ជកម្មថៃបានមានប្រសាសន៏ថា៖កិច្ចប្រជុំនៅពេលនេះគឺដើម្បីសហការសាមគ្គីរវាងកម្ពុជានិងថៃ និងពិភាក្សាការងារស្តីពី ការនាំ ចេញនាំចូលកសិផលនិងផលិតផលទៅក្រៅប្រទេសអោយមានភាពរលូន ដែលបញ្ហានេះសភាពាណិជ្ជកម្មថៃនិងកម្ពុជាត្រូវរិះរកគ្រប់មធ្យោបាយ ដើម្បីឆ្លើយតបលើបញ្ហាប្រឈមទាំងអស់នោះយកទៅដោះស្រាយអោយបានសមស្របទៅតាមនិតិវិធី។ លោកបន្តថា៖សភាពាណិជ្ជកម្មកម្ពុជានិងថៃត្រូវយកចិត្តទុកដាក់ពីបញ្ហាដែលលើកឡើងខាងលើនេះហើយត្រូវធ្វើសំណើទៅរដ្ឋាភិបាលរបស់ខ្លួនដើម្បីរកដំណោះស្រាយអោយបានសមស្រប និងទទួលបានប្រសិទ្ធិភាព។
លោកជំទាវ ជា លាភ អភិបាលរងខេត្តប៉ៃលិនបានមានប្រសាសន៏ កោតសរសើ ដល់លោក និយម ផៃរ៉ាណា អនុប្រធានសភាពាណិជ្ជកម្មនៃប្រទេសថៃ និងប្រតិភូដែលបានជួបប្រជុំពិភាក្សាការងារជាមួយថ្នាក់ដឹកនាំខេត្តនិងសមាជិកសភាពាណិជ្ជកម្មកម្ពុជាពេលនេះគឺបង្ហាញពីកិច្ចសហប្រតិបត្តិការល្អរវាងប្រទេសទាំងពីរធ្វើយ៉ាងរកដំណោះស្រាយក្នុងនាំចេញនាំចូលកសិផលនិងផលិតផលទៅក្រៅប្រទេសអោយទទួលបានប្រសិទ្ធិភាព។ជំទាវបន្តថា៖សភាពាណិជ្ជកម្មទាំង១៤ច្រកនៃកម្ពុជានិងខិតខំយកចិត្តទុកដាក់សហប្រតិបត្តិការជាមួយសភាពាណិជ្ជកម្មថៃដើម្បីអោយការនាំ ចេញនាំចូលកសិផលនិងផលិតផលទៅកាន់ទីផ្សាក្រៅប្រទេសបានល្អ និងសមស្របទៅតាមបទដ្ឋានគតិយុទ្ធ និងបច្ចេកទេស។ លោកជំទាវលើកឡើងថាៈ រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយករដ្ឋមន្ត្រីមានគោលនយោបាយបើកទីផ្សាទូលាយដោយផ្តល់ឱកាសក្នុងការនាំចេញ កសិផលរបស់ប្រជាពលរដ្ឋទៅកាន់ទីផ្សាក្រៅប្រទេសអោយបានទូលំទូលាយដើម្បី ផ្តល់ការងារនិង លើកកំពស់ជីវភាពរស់នៅរបស់ប្រជាពលរដ្ឋអោយប្រសើរឡើង។
vv
[youtube id=”G3FSmGSicrQ”]
