លោកជំទាវ សោ មុន្នីរ័ត្ននាំយកអំណោយស្បៀងទៅចែក​ជូនពលរដ្ឋក្រីក្រចំនួន៦០គ្រួសារនៅសង្កាត់បយ៉ាខា


(14-12-2016) ប៉ៃលិន៖ ថ្ងៃ​ទី១៤ ​ខែធ្នូ​ ឆ្នាំ២០១៦ ​លោក​ជំទាវ​ សោ ​មុន្នី​រ័ត្ន ​អភិ​បាល​រង​ខេត្ត​ប៉ៃលិន​ តំណាង​ឯក​ឧត្តម ​កើត​ សុធា ​អភិ​បាល​នៃ​គណ​អភិ​បាល​ខេត្ត​ប៉ៃលិន ​រួម​ដំណើរ​ដោយ​លោក​ស្រី ​ប៊ុន ​គឹម​ហេង ​អនុ​ប្រធាន​មន្ទីរ​សង្គម​កិច្ច ​អតីត​យុទ្ធ​ជន ​លោក​ស្រី​គង់ ​សុភ័គ្រ ​លោក​អភិ​បាល​រង​ក្រុង​ប៉ៃលិន​ និង​មន្រ្តី​រាជការ​មួយ​ចំនួន​ទៀត​ បាន​អញ្ជើញ​នាំ​យក​អំណោយ​ជា​អង្ករ​ និង​ទឹក​សុទ្ធ​ទៅ​ចែក​ជូន​ដល់​ប្រជា​ពល​រដ្ឋ​ក្រីក្រ​ចំនួន ​៦០​គ្រួសារ​ រស់នៅ​ក្នុង​សង្កាត់​បយ៉ាខា ​ក្រុង​ប៉ៃលិន ​ខេត្ត​ប៉ៃលិន​។​

​ប្រជា​ពល​រដ្ឋ​ដែល​បាន​មក​ទទួល​អំណោយ​នា​ពេល​នោះ​ ក្នុង​មួយ​គ្រួសារៗ​ទទួល​បាន​ អង្ករ​២៥​ គីឡូ​ក្រាម ​និង​ទឹក​សុទ្ធ​មួយ​យួរ​។​

​មាន​ប្រសាសន៍​សំណេះ​សំណាល​ ណែនាំ​ដល់​ប្រជា​ពល​រដ្ឋ​នា​ឱកាស​នោះ ​លោក​ជំទាវ ​សោ ​មុន្នីរ័ត្ន​ អភិ​បាល​រង​ខេត្ត​ប៉ៃលិន  ​លោក​ស្រី ​ប៊ុន ​គឹម​ហេង ​ និង ​លោក​សេង​ វណ្ណថា ​អភិបាល​រង​ក្រុង​ប៉ៃលិន​ បាន​ណែនាំ​អោយ​ប្រជា​ពល​រដ្ឋ ​យក​ចិត្ត​ទុក​ដាក់​លើ​ការងារ​ធ្វើ​សំបុត្រ​កំណើត​កូន​ចៅ,​ ការ​ធ្វើ​អត្ត​សញ្ញាណ​ប័ណ្ណ ​និង​សៀវ​ភៅ​គ្រួសារ​អោយ​បាន​ត្រឹម​ត្រូវ​ ច្បាស់​លាស់ ​ជា​ពល​រដ្ឋ​ខ្មែរ​។​ លោក​ជំទាវ​បាន​មាន​ប្រសាសន៍​ថា​ ទារក​ទើប​នឹង​កើត​រហូត​ដល់​មុន​អាយុ១​ខែ ​គឺ​យើង​មិន​ចាំ​បាច់​បង់​ប្រាក់​ថ្លៃ​សេវានោះ​ទេ ​ប៉ុន្តែ​បើ​មាន​អាយុ​លើស​ពី​មួយ​ខែ ​នោះ​យើង​ត្រូវ​បង់​ប្រាក់​១០០០០​រៀល​សំរាប់​សេវា​ធ្វើ​សំបុត្រ​បញ្ជាក់​កំណើត​មួយ​។ ​ចំណែក​អត្ត​សញ្ញាណ​ប័ណ្ណ  ​គឺ​យើង​ត្រូវ​បង់​សេវា​១០០០០រៀល​ក្នុង​ម្នាក់ ​ ហើយ​យើង​ត្រូវ​មក​ធ្វើ​នៅ​អធិការ​នគរ​បាល​ក្រុង​ប៉ៃលិន​រៀង​រាល់​ម៉ោង​ធ្វើ​ការ​។ ​លោក​ជំទាវ​បាន​បន្ត​ថា ​បញ្ហា​ការ​ផ្ទេរ​ ការ​លក់​ដូរ​ដី​កម្ម​សិទ្ធ ​គឺ​យើង​ត្រូវ​មក​ដល់​ការិយា​ល័យ​ច្រក​ចេញ​ចូល​តែ​មួយ ​នៅ​សាលា​ក្រុង​តែ​ម្តង ​ ដើម្បី​ពិនិត្យ​លើ​តារាង​តម្លៃ​សេវា​រដ្ឋបាល​ដែល​តម្រូវ​អោយ​បង់​ចូល​រដ្ឋ ​ជៀស​វាង​យើង​ពឹង​ពាក់​អ្នក​ទី៣​ រត់​ការ​អោយ​យើង ​ ដោយ​ចំណាយ​ថវិកា​ច្រើន។​ លោក​ជំទាវ ​ក៏​បាន​សំណូម​ពរ​សូម​អោយ​ប្រជា​ពល​រដ្ឋ​គ្រប់​រូប​ត្រូវ​ចូល​រួម​ជា​មួយ​អាជ្ញាធរ​ សមត្ថកិច្ច​ពាក់​ព័ន្ធ​ អនុវត្ត​គោល​នយោ​បាយ​ភូមិ​ ឃុំ​មាន​សុវត្ថ​ភាព​របស់​រាជ​រដ្ឋា​ភិបាល​ ចូល​រួម​ទប់​ស្កាត់​ការ​លេង​ល្បែង​ស៊ីសង​ កា​រប្រើ​អំពើ​ហឹង្សា​ក្រុម​គ្រួសារ ​អប់​រំ​ណែនាំ​កូន​ចៅ​កុំ​អោយ​សែប​គ្រឿង​ញៀន​ កុំ​អោយ​ប្រមូល​ផ្តុំ​បក្ស​ពួក​បង​តូច​ បង​ធំ​ ក្នុង​ភូមិ​សង្កាត់​របស់​យើង ​,ជំរុញ​អោយ​កូន​ចៅ​មក​រៀន​សូត្រ​ និង​តាម​ដាន​ការ​សិក្សា​របស់​កូន​, ហើយ​ក៏​ត្រូវ​ណែនាំ​កូន​ចៅ​អោយ​បើក​បរ​ត្រូវ​គោរព​ច្បាប់​ចរាចរណ៍ ​កុំ​បើក​បរ​ហួស​ល្បឿន​កំណត់​ បើក​បរ​ត្រូវ​ចេះ​គោរព​សិទ្ធ​អាទិ​ភាព​អ្នក​ដទៃ​។ ​លោក​ជំទាវ​ ក៏​បាន​ណែនាំ​សូម​អោយ​ប្រជា​ពល​រដ្ឋ​ទាំង​អស់​កុំ​ធ្វើ​ចំណាក​ស្រុក​ដោយ​ប្រថុយ​ប្រថាន ​តែ​ត្រូវ​ចំណាក​ស្រុក​ដោយ​មាន​ច្បាប់​អនុញ្ញាតិ​ត្រឹម​ត្រូវ​ ព្រោះ​ការ​ចំណាក​ស្រុក​ខុស​ច្បាប់​តាម​ រយៈ​ការ​អូស​ទាញ​របស់​មេ​ខ្យល់ ​ អាច​នាំ​អោយ​ជួប​គ្រោះ​ថ្នាក់​ពី​ការ​ជួញ​ដូរ​មនុស្ស​ ការ​កេង​ប្រវ័ញ្ញ​កំលាំង ​  ពល​កម្ម​ និង​កេង​ប្រវ័ញ្ញ​ផ្លូវ​ភេទ​ ។​ លោក​ជំទាវ​ក៏​បាន​ណែនាំ​ដល់​ប្រជា​ពល​រដ្ឋ​ទាំង​អស់​ក៏​ត្រូវ​ប្រុង​ប្រយ័ត្ន​ថែ ទាំ​សុខ​ភាព​អោយ​បាន​ល្អ ​ត្រូវ​មាន​បង្គន់​អនាម័យ,​ ត្រូវ​ហូប​ស្អាត​, ផឹក​ស្អាត,​ រស់​នៅ​ស្អាត ​និង​ត្រូវ​ដេក​ក្នុង​មុង​៕​

cpp-14-12-2016-007 cpp-14-12-2016-008 cpp-14-12-2016-009 cpp-14-12-2016-010vv

[youtube id= “rbEqkElg5fQ”]