(09-02-2017) ប៉ៃលិន៖ ថ្ងៃទី៩ ខែកុម្ភៈឆ្នាំ២០១៧ មន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តប៉ៃលិន បានធ្វើ សន្និបាតបូកសរុបលទ្ធផលការងារឆ្នាំ២០១៦ និងលើកទិសដៅការងារអនុវត្តបន្តសំរាប់ឆ្នាំ២០១៧។ សន្និបាតនេះបានធ្វើឡើងនៅសាលាខេត្តប៉ៃលិន ក្រោមអធិបតីភាព ឯកឧត្តម លាង មុន្នីរិទ្ធ អនុរដ្ឋលេខាធិការក្រសួងរៀបចំដែនដី នគរូបនីយកម្ម សំណង់ និងសុរិយោដី និងដោយមានការអញ្ជើញចូលរួមពីសំណាក់ឯកឧត្តម សៅ សារ៉ាត់ អភិបាលរងខេត្តប៉ៃលិន ឯកឧត្តមសមាជិកក្រុមប្រឹក្សាខេត្ត លោកប្រធានសាលាដំបូងខេត្ត លោកអភិបាលក្រុង ស្រុក លោកប្រធាន អនុប្រធានមន្ទីរ មន្រ្តីរាជការ កងកំលាំងប្រដាប់អាវុធ លោកមេឃុំ ចៅ សង្កាត់ និងតំណាងអង្គការនានាមួយចំនួនទៀត។
លោក ហុក សុផល ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី បានបញ្ជាក់ថា ផែនការធ្វើប្លង់គោលខេត្តប៉ៃលិននាពេលខាងមុខគឺជាយុទ្ធសាស្រ្តតំរង់ទិស សំរាប់ការអភិវឌ្ឍន៍នគរូបនីយកម្ម និងសេដ្ឋកិច្ចខេត្តប៉ៃលិនប្រកបដោយនិរន្តភាព។ ប្លង់គោលខេត្តប៉ៃលិនធានាដល់ការប្រើប្រាស់ដីធ្លី និងសក្តានុពលដែលមានស្រាប់ប្រកបដោយប្រសិទ្ធភាព និងសមធម៌ ដើម្បីគាំទ្រដល់ការអភិវឌ្ឍន៍សេដ្ឋកិច្ច សង្គមកិច្ច សន្តិសុខស្បៀង សោភ័ណភាព និងគុណភាពបរិស្ថាន។ លោកបានបន្តថា ក្នុងឆ្នាំ២០១៦កន្លងមកនេះមន្ទីរបានចេញលិខិតអនុញ្ញាតិសាងសង់លើសពី៥០០ម៉ែត្រការ៉េបានចំនួន១៣គំរោង មានផ្ទៃក្រលា១១.១៩៧ម៉ែត្រការ៉េ និងទទួលបានសេវាសំណង់ប្រចាំឆ្នាំចំនួន៤៧.០៣០.០០០រៀល ។ លោកបានបន្តថា ការងារចុះបញ្ជីដីលើកដំបូងតាមលក្ខណៈដាច់ដោយដុំ បានចំនួន៧៤ក្បាលដី មានទំហំ៤.៨៩២.៣៧៦ ម៉ែត្រការ៉េ ក្នុងនោះមានដីកសិកម្មចំនួន៤៧ក្បាលដី , ដីសាងសង់ក្នុងក្រុងចំនួន១៤ក្បាលដី , ដីសាងសង់ក្រៅក្រុង១៤ក្បាលដី និងការចុះបញ្ជីដីរដ្ឋមានចំនួន២ក្បាលដី។ ការចុះបញ្ជីដំលើកដំបូងជាលក្ខណៈប្រព័ន្ធ គឺមន្ទីរបានកំណត់ព្រំ និងវាស់វែង បានចំនួន២.៥២៧ក្បាលដី វិន្និច្ឆ័យបានចំនួន២.៥២៧ក្បាលដី ,គូសក្បាលដីបានចំនួន២.២៩៦ក្បាលដី ,បញ្ចូលទិន្ន័យបានចំនួន២.២៦១ក្បាលដី, ចែកប័ណ្ណបានចំនួន៦៧៧ក្បាលដី។ លោកបានបន្តទៀតថា ទិសដៅការងារក្នុងឆ្នាំ២០១៧នេះ មន្ទីរនឹងបន្តចុះបញ្ជីដីមានលក្ខណៈជាប្រប័ន្ធ ជូនប្រជាពលរដ្ឋអោយបានរួចរាល់ក្នុងសង្កាត់ទួលល្វា និងសង្កាត់អូរតាវ៉ៅ ក្រុងប៉ៃលិន និងត្រៀមលក្ខណៈបើកតំបន់វិន្និច្ឆ័យនៃការចុះបញ្ជីដីធ្លីជាលក្ខណៈប្រព័ន្ធនៅសង្កាត់ថ្មីបន្តទៀត។ បន្តចែកបណ្ណកម្មសិទ្ធជូនប្រជាពលរដ្ឋអោយបានឆាប់រហ័ស។ បន្តជំរុញការដោះស្រាយទំនាស់ដីធ្លីដែលនៅសេសសល់តាមយន្តការគណកម្មាការសុរិយោដី គណកម្មាការរដ្ឋបាល និងក្រុមដោះស្រាយទំនាស់ដីចល័ត។ បន្តពង្រឹង ត្រួតពិនិត្យ រាល់ការដ្ឋានសំណង់ដែលសាងសង់ដោយគ្មានច្បាប់អនុញ្ញាតិ។
ឯកឧត្តម លាង មុន្នីរិទ្ធ អនុរដ្ឋលេខាធិការក្រសួងរៀបចំដែនដី នគរូបនីយកម្ម សំណង់ និងសុរិយោដីបានមានប្រសាសន៍ថា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ប្រទេសជាតិកំពុងមានកិត្យានុភាព ដែលកាន់តែរីកស្រស់ត្រកាលជាលំដាប់។ ជាក់ស្តែងក្នុងឆ្នាំ២០១៦ជាឆ្នាំវិសេស ដែលរាជរដ្ឋាភិបាលបានសំរេចធ្វើការកែទម្រង់ស៊ីជំរៅ សំដៅការពារផលប្រយោជន៍ដ៏ពិសិដ្ឋរបស់ប្រជាជន។ ឯកឧត្តមបានបន្តថា តាមរយៈអង្គសន្និបាទនេះនឹងមានធ្វើការយកចិត្តទុកដាក់ស្វែងយល់ចែករំលែក អោយគ្នាទៅវិញទៅមក នូវបទពិសោធន៍នៃការអនុវត្តការងារកន្លងមក និងធ្វើការកំណត់អំពីចំណុចសកម្ម អសកម្ម បញ្ហាប្រឈម និងដាក់វិធានការដោះស្រាយបញ្ហានានា ពិសេសលើការងារដីធ្លី និងសំណង់ អោយសមស្របទៅនិងការវិវត្តន៍រីកចំរើនរបស់ខេត្ត និងសង្គម។ ឯកឧត្តមក៏បានសំណូមពរសូមអោយប្រធានមន្ទីរ និងមន្រ្តីនៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវបន្តពង្រឹង គុណភាព ប្រសិទ្ធភាពនៃការផ្តល់សេវាសុរិយោដី និងសំណង់ ជូនប្រជាពលរដ្ឋអោយបានកាន់តែប្រសើឡើង។ ពង្រឹងកិច្ចសហការជាមួយអង្គភាព និងស្ថាប័នពាក់ព័ន្ធក្នុងការប្រមូលចំណូល ចូលថវិកាជាតិ។ បន្តពន្លឿនការចុះបញ្ជីដីជាលក្ខណៈប្រព័ន្ធ ទាំងដីរដ្ឋ ដីឯកជន និងដីសហគមន៍ ដោយក្នុងនោះត្រូវធ្វើការសំរួលទំហំតំបន់វិន្និច្ឆ័យពីមួយឃុំ មកមួយភូមិវិញ សំដៅពង្រឹងសុវត្ថភាព នៃការកាន់កាប់ដីធ្លីរបស់ប្រជាពលរដ្ឋ។
vv
[youtube id= “dzDJiXvHkig”]
