(09-12-2015) ប៉ៃលិន៖ ថ្ងៃទី៩ ខែធ្នូ ឆ្នាំ២០១៥ ក្រុមប្រឹក្សាខេត្តប៉ៃលិនបានបើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត នៅវត្តភ្នំកុយ ក្នុងស្រុកសាលាក្រៅខេត្តប៉ៃលិន។ វិទិការផ្សព្វផ្សាយនេះ ស្ថិតក្រោមអធិបតីភាព ឯកឧត្តមឡី ចាន់ឆាយ ប្រធានក្រុមប្រឹក្សាខេត្ត និងដោយមានការអញ្ជើញចូលរួមពីសំណាក់ ឯកឧត្តម អភិបាលរងខេត្ត លោកប្រធាន អនុប្រធានមន្ទីរជំនាញជុំវិញខេត្ត មន្រ្តីរាជការ លោកមេភូមិ លោកមេឃុំ ព្រមទាំងប្រជាពលរដ្ឋប្រមាណជិត ២០០នាក់។
វេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនេះ ធ្វើឡើងក្នុងគោលបំណងផ្សព្វផ្សាយពីសមិទ្ធផលនានាដែលខេត្តសំរេចបានរយៈពេល១ឆ្នាំកន្លងមកនេះ ផ្សព្វផ្សាយពីតួនាទី ភារកិច្ចរបស់ក្រុមប្រឹក្សាខេត្ត ពិសេសគឺថ្នាក់ដឹកនាំខេត្ត ក្រុមប្រឹក្សាខេត្ត បានស្តាប់នូវបញ្ហាប្រឈម និងការកង្វល់នានា ក៏ដូចជាសំណូមពររបស់ប្រជាពលរដ្ឋមូលដ្ឋាន ដើម្បីយកទៅដោះស្រាយអោយបានល្អប្រសើជូនប្រជាពលរដ្ឋយើង។
វេទិការពិគ្រោះយោបល់នេះប្រព្រឹត្តទៅរយៈពេលពេញមួយព្រឹក ដោយមានប្រជាពលរដ្ឋ មួយចំនួនបានលើកជាសំនួរ និង សំណូមពរផ្ទាល់ ហើយក៏មានប្រជាពលរដ្ឋមួយ ចំនួន ទៀតបានសរសេរជាក្រដាសសួរដល់អង្គវេទិការ។ក្នុងឱកាសនោះ ថ្នាក់ដឹកនាំខេត្ត និងមន្រ្តីជំនាញពាក់ព័ន្ធ បានស្រាយបំភ្លឺ និងទទួលយកនូវសំណូមពររបស់ប្រជាពលរដ្ឋទៅដោះស្រាយ។ ទូរទស្សន៍ខេត្តប៉ៃលិន សូមចាក់ផ្សាយទាំងស្រុងនូវ ខ្លឹមសារនៃអង្គវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត។
(ឃ្លីប)
vv
[youtube id= “3MvddM3xhoI”]
