(09-01-2016) ប៉ៃលិន៖ រសៀលថ្ងៃទី០៩ ខែមករា ឆ្នាំ ២០១៦ លោកឌឹន គឹម សមាជីកអចិន្ត្រៃយ៍គណបក្សខេត្ត និងជាប្រធានក្រុមការងារគណបក្សប្រជាជនកម្ពុជាចុះជួយ សង្កាត់ទួលល្វា រួមដំណើរដោយ លោក ទុំ សុង សមាជិកក្រុមការងារ លោក សំ ភួង ចៅសង្កាត់ទួលល្វា បាននាំយកថវិកា គ្រឿងឧបភោគ បរិភោគមួយចំនួន ទៅចួលរួមបុណ្យសព លោកស្រី ទួន ផាន់ អាយុ ៦២ឆ្នាំ រស់នៅភូមិទួលនិម្មិត សង្កាត់ទួលល្វា ក្រុងប៉ៃលិន ខេត្តប៉ៃលិន ដែលបានទទួលមរណៈភាព កាលពីថ្ងៃទី៨ ខែមករា ដោយរោគាពាធ។
ថវិកា និង គ្រឿងឧបភោគ បរិភោគដែលបានយកទៅជួយក្នុងកម្មវិធីបុណ្យសពនាពេលនោះមាន អង្ករ៥០Kg នំធុង ទឹកសុទ្ធ ទឹកក្រូចដបធំ និងថវិកា ៤០ម៉ឺនរៀល។
លោក ឌិន គឹម បានមានប្រសាសន៍សំដែង ការចែករំលែកមរណទុក្ខពីសំណាក់ឯកឧត្តម កើត សុធា ប្រធានគណបក្សប្រជាជនកម្ពុជាខេត្តប៉ៃលិន និងជាអភិបាលនៃគណអភិបាលខេត្តប៉ៃលិន ជូនចំពោះក្រុមគ្រួសារសព ដែលបានបាត់បង់ភរិយា បាត់បង់ម្តាយ ទីគោរពស្រឡាញ់ ដោយគ្មានថ្ងៃវិលត្រលប់ វិញ ។ លោក ឌឹន គឹម បានមានប្រសាសន៍ថា ការបាត់បង់ភរិយា បាត់បង់ម្តាយជាទីគោរពស្រឡាញ់របស់ខ្លួន គឺជាទុក្ខព្រួយដ៏ធំធេងណាស់សំរាប់ស្វាមី កូនចៅគ្រប់ៗរូប តែមនុស្សយើងវិលកើត វិលស្លាប់មិនទៀងទាត់ ដែលគ្មាននណាម្នាក់អាចគេចរួចបាន។ លោកបានសំណូមពរសូមអោយក្រុមគ្រួសារនៃសព ត្រូវកាត់ចិត្ត និងបន្តការខិតខំ ដឹកនាំក្រុមគ្រួសារ ប្រកបរបររកទទួលទានអោយបានរីកចំរើនបន្តទៀត។ លោកបានបន្តទៀតថា ថវិកា គ្រឿងឧបភោគ បរិភោគដែលបានយកមកជួយក្នុងកម្មវិធីបុណ្យសពនាពេលនេះ មានចំនួនតិចតួច តែជាទឹកចិត្តរបស់ថ្នាក់ដឹកនាំ ក្រុមការងារគណបក្សប្រជាជនកម្ពុជាចុះជួយសង្កាត់ទួលល្វា សំរាប់ចូលរួមចំណែកជាមួយគ្រួសារសព ក្នុងការជួយដល់ការធ្វើពិធីបុណ្យជូនដល់សពលោកស្រី ទួន ផាន់នាពេលនេះ។ ឆ្លៀតក្នុងឱកាសនោះដែរ លោកឌិនគឹមប្រធានក្រុមការងារគណបក្សប្រជាជនកម្ពុជាចុះជួយ សង្កាត់ទួលល្វា និងជាប្រធានមន្ទីរ សាធារណៈការ និងដឹកជញ្ជូនខេត្តប៉ៃលិន បានជំរាបជូនដល់ប្រជាពលរដ្ឋទាំងអស់ អោយបានជ្រាបថា ចំពោះទោចក្រយានយន្តដែលមានកំលាំងម៉ាស៊ីនចាប់ពី ១២៥ CC ចុះមកក្រោម គឺមិនតម្រូវអោយធ្វើប័ណ្ណបើកបរទៀតឡើយ ហើយបើបងប្អូនប្រជាពលរដ្ឋដែលបានធ្វើប័ណ្ណរួចហើយ គឺអាចយកប័ណ្ណបើកបរនោះ ឬក្រដាសបញ្ជាក់នានាពីការធ្វើប័ណ្ណបើកបរនោះ មកប្តូរយកលុយវិញបាន ដែលដំណើរការនៃការប្តូរនេះគឺធ្វើឡើងចាប់ពីថ្ងៃច័ន្ទទី១១ ខែមករា នេះរហូតដល់បំណាច់ខែមិនា ឆ្នាំ២០១៦។ ចំណែកឯម្ចាស់យានជំនិះគ្រប់ប្រភេទ ដូចជា ម៉ូតូ ឡាន ជាដើម ដែលបានទិញតគ្នាពីម្នាក់ទៅម្នាក់ នាពេលកន្លងមក ក៏ត្រូវយកឯកសារទិញ លក់ យាន្តជំនិះទាំងនោះទៅកាត់ឈ្មោះម្ចាស់ដើមចេញ និងដាក់បញ្ចូលឈ្មោះយើងជាម្ចាស់កម្មសិទ្ធបច្ចុប្បន្នវិញ ដែលដំណើរការនៃការកាត់ឈ្មោះនេះ ត្រូវធ្វើឡើងចាប់ពី ថ្ងៃច័ន្ទទី១០ ខែមករា នេះរហូតដល់បំណាច់ខែមិនា ឆ្នាំ២០១៦ដូចគ្នា។
vv
[youtube id= “cz8uu0zRaTs”]
