(19-01-2016) ប៉ៃលិន៖ ព្រឹកថ្ងៃទី១៩ ខែមករា ឆ្នាំ២០១៦ លោកជំទាវ គង់ ស្តី កើតសុធាអភិបាលខេត្តប៉ៃលិន លោកជំទាវ ជា លាប អភិបាលរងខេត្តប៉ៃលិន រួមដំណើរដោយលោក ស្រី ស្រ៊ី ចាន់អេង អនុប្រធានមន្ទីរព័ត៌មាន លោកស្រី សោ មុន្នីរ័ត្ន ប្រធានមន្ទីរអភិវឌ្ឍន៏ជនបទ លោកស្រី សាន់ សាវឿន ស្នងការរងនគរបាលខេត្តប៉ៃលិន និងក្រុមការងារជាច្រើននាក់ទៀតចុះសាកសួរសុខទុក្ខនិងនាំយកសំភារៈនិងថវិកា ចែកជូនដល់បងប្អូនប្រជាពលរដ្ឋដែលខ្វះខាតស្បៀងចំនួន៣១គ្រួសារ ស្ថិតនៅភូមិក្រចាប់លើ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
លោកជំទាវ ជា លាប អភិបាលរងខេត្តប៉ៃលិនបានមានប្រសាសន៍ថា កន្លងមកថ្នាក់ដឹកនាំខេត្តប៉ៃលិនតែងតែចុះសាកសួរសុខទុក្ខនិងគិតគូរការលំបាក របស់បងប្អូនប្រជាពលរដ្ឋនៅទូទាំងខេត្ត ដោយបានសហការជាមួយអាជ្ញាធរមូលដ្ឋានស្រង់ឈ្មោះគ្រួសារប្រជាពលរដ្ឋដែលខ្វះខាតស្បៀង ដើម្បីនាំយក ថវិកា សំភារៈគ្រឿងឧបភោគ បរិភោគចែកជូនបងប្អូនទាន់ពេលវេលា ដោយមិនអោយប្រជាពលរដ្ឋណាម្នាក់ដាច់បាយស្លាប់មិនបានដឹងនោះទេ។ជាក់ស្តែងពេលនេះគ្រាន់តែទទួលដំណឹងអាជ្ញាធរថ្នាក់មូលដ្ឋានភ្លាម ឯកឧត្តម កើត សុធា អភិបាលនៃគណៈអភិបាលខេត្តបានចាត់តាំងក្រុមការងារ ថ្នាក់ដឹកនាំខេត្តនាំ យកសំភារៈថវិកាចែកជូនបងប្អូនដល់លំនៅដ្ឋានរបស់បងប្អូនភ្លាមៗ។ ទោះបីសំភារៈទាំងនេះមិនអាចឆ្លើយតបការខ្វះខាតគ្រប់ពេលក៏ពិតមែន តែវាអាចដោះស្រាយ ជីវភាពបងប្អូនបានកំរិតផងដែរ។
លោកជំទាវបានផ្តាំផ្ញើដល់ប្រជាពលរដ្ឋទាំងអស់ត្រូវតែចេះថែរក្សាអនាម័យក្នុងការរស់នៅប្រចាំថ្ងៃ ដោយរស់នៅស្អាត ហូបស្អាត ដើម្បីបញ្ចៀសកុំឲ្យមានជំងឺឆ្លងផ្សេងៗ ដែលតែងតែកើតរាតត្បាត ពិសេស ជំងឺរាក ជំងឺគ្រុនចាញ់និងជំងឺគ្រុនឈាមជាដើម ។ក្នុងករណីណាមានជម្ងឺសូមបងប្អូនទៅមន្ទីរពេទ្យឬមណ្ឌលសុខភាពដែលនៅជិតលំនៅដ្ឋានបងប្អូនដើម្បីព្យាបាលបន្ទាន់ ។ទទឹ្ទមនឹងនេះសូមបងប្អូន កុំធ្វើចំណាក់ស្រុកទៅធ្វើការនៅក្រៅប្រទេសខុសច្បាប់អោយសោះ ព្រោះនាំអោយគ្រោះថ្នាក់។
អំណោយចែកជូនដល់បងប្អូនប្រជាពលរដ្ឋខ្វះស្បៀងចំនួន៣១គ្រួសារ ក្នុងមួយគ្រួសារៗទទួលបាន អង្ករ២៥គីឡូក្រាម មី១កេះ ព្រមទាំងថវិការបស់លោកជំទាវ គង់ ស្តី កើតសុធា ក្នុង ១គ្រួសារទទួលបាន ២ម៉ឺនរៀល។ ក្នុងឱកាសនោះដែរ លោកជំទាវ គង់ ស្តី កើតសុធា និងក្រុមការងារបាននាំយកអង្ក២៥ គីឡូក្រាម មី១កេះនិងថវិកា២ម៉ឺនរៀលជូនដល់លោកយាយ សុម ឆេង អាយុ៨៤ឆ្នាំ និងជូន លោក ដុក ណុប អាយុ៤៦ ឆ្នាំរស់នៅភូមិភ្នំរាំង សង្កាត់អូតាវ៉ៅ ក្រុងប៉ៃលិន ខេត្តប៉ៃលិន ទទួលបានអង្គ២៥គីឡូក្រាម និងថវិកា៥ម៉ឺនរៀលផងដែរ។
vv
[youtube id= “k0lWM5lH3fc”]
