(21-01-2016) ប៉ៃលិន៖ ថ្ងៃទី២១ ខែមករា ឆ្នាំ២០១៦ លោក ឌិន គឹម ប្រធានក្រុមការងារគណបក្សប្រជាជនកម្ពុជា ចុះជួយសង្កាត់ទួលល្វា តំណាងឯកឧត្តម កើត សុធា ប្រធានគណបក្សប្រជាជនកម្ពុជាខេត្តប៉ៃលិន រួមនឹងសមាជិកក្រុមប្រឹក្សាក្រុងប៉ៃលិន ព្រមទាំង សមាជិកក្រុមការងារចុះជួយសង្កាត់ទួលល្វា មួយចំនួនទៀត បាន អញ្ជើញសាកសួរសុខទុក្ខនាំយកថវិកា ផ្លែឈើ ទៅឧបត្ថម្ភដល់ លោក ស្រេង ស្រៀង សមាជិកក្រុមប្រឹក្សាក្រុងប៉ៃលិន ដែលបានជួបគ្រោះថ្នាក់ចរាចរណ៍ ដែលកំពុងសំរាកព្យាបាលនៅមន្ទីរពេទ្យ Emergency ខេត្តបាត់ដំបង។
ថវិកាដែលបាននាំយកទៅឧបត្ថម្ភដល់លោកស្រេង ស្រៀងនាពេលនោះ សរុបមានចំនួន ៤០០$ និង ២៥ម៉ឺនរៀល ដែលក្នុងនោះ ថវិការបស់ក្រុមការងារគណបក្សប្រជាជនកម្ពុជា ចុះជួយសង្កាត់ទួលល្វាចំនួន៤០០$ និងថវិការបស់ ក្រុមប្រឹក្សាក្រុងប៉ៃលិនចំនួន ២៥ម៉ឺនរៀល។
លោក ឌឹន គឹម ប្រធានក្រុមការងារគណបក្សប្រជាជនកម្ពុជា ចុះជួយសង្កាត់ទួលល្វាបានមានប្រសាសន៍សោកស្តាយ អាណិតអាសូចំពោះលោកស្រេងស្រៀង ដែលបានជួបគ្រោះថ្នាក់ចរាចរណ៍ដ៏អាក្រក់នេះ។ លោកបានមានប្រសាសន៍ថា ទាំងឯកឧត្តម កើត សុធា ប្រធានគណបក្សប្រជាជនកម្ពុជាខេត្តប៉ៃលិន និងក្រុមការងារបក្សចុះជួយសង្កាត់ មានការតក់ស្លុត និងសោកស្តាយ ចំពោះគ្រោះថ្នាក់ចរាចរណ៍ដ៏អាក្រក់ ដែលបានកើតឡើងមកលើលោក ស្រេង ស្រៀង រហូតដល់បញ្ជូនមកសង្គ្រោះបន្ទាន់នៅមន្ទីរពេទ្យ Emergency ខេត្តបាត់ដំបងនេះ។ លោកបានបន្តថា បច្ចុប្បន្ននេះ បញ្ហាគ្រោះថ្នាក់ចរាចរណ៍ បានសំលាប់មនុស្ស និងបំផ្លាញទ្រព្យសម្បត្តិយ៉ាងច្រើន ដែលជាកង្វល់ដ៏ធំរបស់រាជរដ្ឋាភិបាល ។ដូច្នេះសូមអោយប្រជាពលរដ្ឋ មន្រ្តីរាជការអ្នកដែលធ្វើដំណើរតាមដងផ្លូវទាំងអស់ត្រូវមានការប្រុងប្រយ័ត្នខ្ពស់ក្នុងពេលបើកបរ ត្រូវគោរពច្បាប់ចរាចរណ៍អោយបានគ្រប់គ្នា កុំពិសាគ្រឿងស្រវឹងក្នុងពេលបើកបរ បើកបរត្រូវចេះអធ្យាស្រ័យយោគយល់គ្នា និងកុំបើកបរលឿន ហួសល្បឿនកំណត់។ លោកឌឹន គឹម ក៏បានសំនូមពរសូមអោយលោកស្រេង ស្រៀង និងក្រុមគ្រួសារកុំអោយមានការព្រួយបារម្ភ ខ្វាយខ្វល់លើបញ្ហាផ្សេងៗ ត្រូវសំរាកអោយបានច្រើន ថែទាំសុខភាព ដើម្បីឆាប់បានជាសះស្បើយបានត្រលប់មកផ្ទះវិញ។សូមបញ្ជាក់ថាៈ បច្ចុប្បន្ននេះ លោកស្រេង ស្រៀង ត្រូវបានក្រុមគ្រូពេទ្យបានជួយ សង្គ្រោះអោយរួចផុតពីគ្រោះថ្នាក់ដល់អាយុជីវិត ហើយកំពុងបន្តរៀបចំវះកាត់តឆ្អឹងដងកាំបិតដែលបានបាក់បន្តទៀត។
vv
[youtube id= “5SvMz7SzGRA”]
