(23-02-2016) ប៉ៃលិន៖ ព្រឹកថ្ងៃទី២៣ ខែកុម្ភៈ ឆ្នាំ២០១៦ មន្ទីរសេដ្ឋកិច្ចនិងហិញ្ញវត្ថុខេត្តប៉ៃលិនបានបើកវគ្គបណ្តុះបណ្តាលនិងបំប៉នស្តីពីនិតិវិធីលទ្ធកម្មសាធារណៈដល់ក្រុមលទ្ធកម្មនៃអង្គភាពថវិការនិងអង្គភាពលទ្ធកម្មក្រុង/ស្រុកក្រោមអធិបតីយភាព ឯកឧត្តម អៀង វុធ អភិបាលរងខេត្តប៉ៃលិន លោករាម សុមាន ប្រធានមន្ទីរសេដ្ឋកិច្ចនិងហិញ្ញវត្ថុខេត្តប៉ៃលិន និងមានការអញ្ជើញចូលរួមពីលោកប្រធានអនុប្រធានមន្ទីរ ព្រមទាំងប្រធានអនុប្រធានការិយាល័យហិរញ្ញិវត្ថុតាមបណ្តាមន្ទីរជំនាញជាច្រើននាក់ផងដែរ។
បន្ទាប់ពី លោក នុត សោភារៈ អនុប្រធានមន្ទីរសេដ្ឋកិច្ចនិងហិរញ្ញវត្ថុបានធ្វើបទបង្ហាញស្តីពីបទប្បញ្ញត្តិរួមនៃលទ្ធកម្មសាធារណៈរួចមក លោក រាម សុមាន បានលើកឡើងថា៖ការបើកវគ្គបណ្តុះបណ្តាលនេះគឺធ្វើឡើងរយៈពេល៧ថ្ងៃចាប់ពីថ្ងៃទី២៣ ខែកុម្ភៈ ឆ្នាំ២០១៦ រហូតដល់ថ្ងៃទី២ខែ មិនា ឆ្នាំ២០១៦ ក្នុងគោលបំណងអោយមន្ទីរទាំងអស់យល់ដឹកអំពីលទ្ធកម្ម ក្នុងការចាយថវិការក្នុងកម្មវិធី និងមិនមែនកម្មវិធីអោយបានត្រឹមត្រូវ ច្បាស់លាស់ ជៀសវៀងកើតនូវបញ្ហាឡើង។
ឯកឧត្តម អៀង វុធ អភិបាលរងខេត្តប៉ៃលិនបានមានប្រសាសន៏ណែនាំដល់មន្ទីជំនាញទាំងអស់ត្រូវស្វែងយល់រៀនសូត្រ ស្តាប់ គ្រូបង្គោលអោយបានច្បាស់លាស់ជាពិសេសត្រូវលើកជាសំនួរដើម្បីដកពិសោធន៏ពីបញ្ហាដែលយើងធ្វើកន្លងមក ។ឯកឧត្តមបន្តថា៖វគ្គបណ្តុះបណ្តាលនេះមានសារៈសំខាន់ណាស់ចំពោះការងារខ្លួងឯងនិងប្រទេសជាតិទៅថ្ងៃអនាគត់ និង ដើម្បីសម្រេចនូវគោលនយោបាយរបស់រាជរដ្ឋាភិបាលដែលមានពាក្សស្លោកថាគឺងូតទឹក ដុសខ្អែល ឆ្លុះកញ្ចក់ និងព្យាបាល ។ឯកឧត្តមបន្តទៀតថា៖សិក្ខាកាមទាំងអស់ត្រូវគោរពវិន័យ និងចុះអវត្តមានអោយត្រឹមត្រូវ ព្រមទាំងត្រូវសហការជាមួយគ្រូបង្គោល ព្រោះថាគ្រូបង្គោលអាចធ្វើការបកស្រាយជូនបញ្ហាដែលយើងឆ្ងល់បាន។ជាចុងក្រោយឯកឧត្តមសង្ឃឹមថាសិក្ខាកាមទាំងអស់ដែលរៀនវគ្គបណ្តុះបណ្តាលលទ្ធកម្មក្នុងរយៈ៧ថ្ងៃនេះនឹងទទួលនូវចំនេះដឹងកាន់តែច្បាស់លាស់ ដើម្បីយកទៅអនុវត្តការងារអោយទទួលបាននូវប្រសិទ្ធិភាពក្នុងឆ្នាំ២០១៦នេះ។
vv
[youtube id= “oBA9SiDLwOQ”]
