អាជ្ញាធរខេត្តប៉ៃលិន ចុះសាកសួរសុខទុក្ខនិងនាំយកអំណោយចែកជូនដល់បងប្អូនប្រជាពលរដ្ឋរងនូវខ្យល់ព្យុះរលំផ្ទះសំបែងចំនួន០៧ភូមិនៅឃុំស្ទឹងត្រង់ស្រុកសាលាក្រៅ


(03-05-2016) ប៉ៃលិន៖ ​ព្រឹក​ថ្ងៃទី ​០៣ ​ខែឧសភា ​ឆ្នាំ២០១៦ ​លោក​ជំទាវ ​ជា ​លាប ​អភិបាល​រង​ខេត្ត​ប៉ៃលិន ​ក្នុង​នាម​ឯក​ឧត្តម ​កើត​ សុធា ​គណៈ​អភិ​បាល​ខេត្ត​ប៉ៃលិន​ថ្នាក់​ដឹក​នាំ​ក្រុម​ការងារ​ខេត្ត​ អនុ​សាខា​កាក​បាទ​ក្រហម​ស្រុក​ អញ្ជើញ​ចុះ​សាក​សួរសុខ​ទុក្ខ​និង​នាំយក​ អំណោយ​ចែក​ជូន​ដល់​បងប្អូន​ប្រជា​ពល​រដ្ឋ​ចំនួន ​៣៥គ្រួសារ​ ដែល​ទទួល​រង​គ្រោះ​ខ្យល់​កន្ត្រាក់​រលំ​ផ្ទះ​សំបែង ​ចំនួន ​០៧ភូមិ ​ដែល​ស្ថិត​នៅ​ឃុំស្ទឹង​ត្រង់ ​ស្រុក​សាលា​ក្រៅ ​ខេត្ត​ប៉ៃលិន​។​

​ប្រជា​ពល​រដ្ឋ​ដែល​រងគ្រោះ​ខ្យល់​កន្ត្រាក់​មាន​ភូមិ​កូន​ដំរី ​៥គ្រួសារ  ​ភូមិ​ផ្ទះ​ស្បូវ​ ១១គ្រួសារ​ ភូមិ​ អូរកន្ធៀងវ៉ា​ ៣គ្រួសារ ​ភូមិ​ព្រៃ​សន្ទះ ​៧គ្រួសារ ​ភូមិ​អូរ​ដូន​តាលើ ​១គ្រួសារ​ភូមិ​អន្លង់​រក្សា​ ៦គ្រួសារ ​និង​ភូមិ​បាយ​សី​ ២គ្រួសារ​ ហើយ​ផ្ទះ​ដែល​ខូត​ខាត​ធ្ងន់ធ្ងរ​មាន ​០៣ខ្នង​ផ្ទះ។​

​លោក​ជំទាវ ​ជា ​លាភ ​អភិបាល​រង​ខេត្ត​ប៉ៃលិន ​បាន​មាន​ប្រសាសន៍​សំដែង​នូវ​ការសោក​ស្តាយ​និង​ចូល​រួម​រំលែក​ទុក​លំបាក​ដល់​បងប្អូន​ប្រជា​ពល​រដ្ឋ​ជួប​ប្រទះ​ ភ្លៀង​និង​ខ្យល់​កន្រ្តាក់​ជា​ខូចខាត ​ផ្ទះ​សំបែង​។​លោក​ជំទាវ​បន្តៈ ​គ្រាន់​តែ​ទទួល​ព័ត៌​មាន​ពី ​គ្រោះ​មហន្តរាយ​ដោយ​ធម្មជាតិ ​ដែល​បាន​ធ្វើ​អោយ​ខូតខាត​ផ្ទះ​សំបែង​ប្រជា​ពល​រដ្ឋ​ ក្រុម​ការងារ​ខេត្ត​បាន​ចុះ​មក​សួរ​សុខ​ទុក្ខ​និង​នាំ​យក​ អំណោយ​ដើម្បី​ជួយ​ចែក​រំលែក​ទុក្ខ​លំបាក​របស់​បងប្អូន​អោយ​បាន​ទាន់​ពេល​វេលា​។​ លោក​ជំទាវ​បាន​សំណូម​ពរ​ដល់​ បងប្អូន​ប្រជា​ពល​រដ្ឋ ​ត្រូវ​ចេះ​ថែទាំ​សុខ​ភាព​អោយ​បាន​ ល្អ​ដោយ​រស់នៅ​ស្អាត​ ហូប​ស្អាត​ ជា​និច្ច​។​

​អំណោយ​ដែល​បាន​ចែក​ជូន​នៅ​ពេល​នោះ​រួមមាន​៖​ មួយ​គ្រួសារៗ​ទទួល​បាន​អង្ករ​ ២៥គីឡូក្រាម​ មីមួយ​កេះ ​ទឹក​សុទ្ធ ​០២យួរ​ និង​ ចែក​តង់​ចំនួន ​០៣ ​ជូន​ដល់​អ្នក​ប៉ើង​ដំបូល​ផ្ទះ ​។​

នៅ​ថ្ងៃ​ដដែល​នោះ ​លោក​ជំទាវ ​ជា ​លាភ ​និង​ក្រុម​ការងារ​ខេត្ត​ បន្ត​ចុះ​សួរ​សុខ​ទុក្ខ​និង​ចែក​អំណោយ​ដល់​បងប្អូន​ប្រជា​ពល​រដ្ឋ​ចំនួន ​៤២គ្រួសារ​ នៅ​សង្កាត់​អូរតាវ៉ៅ ​ក្រុង​ប៉ៃលិន​  ដែល​ទទួល​រង​គ្រោះ​ដោយ​ខ្យល់​កន្រ្តាក់​ ដែល​ក្នុង​នោះ​រួមមាន ​ភូមិ​ភ្នំរាំង ​ ភូមិ​ប៉ាង​រលឹម​ ភូមិ​ព្រៃ​មង្គល​ ភូមិ​សួស្តី​ និង​ភូមិដី​ក្រហម ​ ខូចខាត​ផ្ទះ​ធ្ងន់ធ្ងរ​ចំនួន​ ១៧​ខ្នង​ផ្ទះ​។​

អំណោយ​ដែល​បាន​ចែក​ជូន​នៅ​ពេល​នោះ​រួមមាន​៖​ មួយ​គ្រួសារ​ៗទទួល​បាន​អង្ករ​ ២៥គីឡូ​ក្រាម​ មីមួយ​កេះ ​ទឹក​សុទ្ធ ​០២យួរ​ និង ​ចែក​តង់​ចំនួន​ ១៧​ ដល់​អ្នក​ប៉ើង​ដំបូល​ផ្ទះផង​ដែរ​។​ ក្នុង​ឱកាស​នោះ​លោក​ជំទាវ​ ជា​លាប ​និង​ក្រុម​ការងារ​ក៏​បាន​សាក​សួរ​សុខ​ទុក្ខ​ដល់​គ្រួសារ​ដែល​មាន​ជីវភាព​ខ្វះខាត​និង​មាន​ជម្ងឺ​នៅ​ភូមិ​ក្រចាប់​ ដោយ​បាន​ផ្តល់​ សម្ភារះ​និង​ថវិកា​មួយ​ចំនួន​ទៀត​ផង​ដែរ​ ៕ ​

cpp-03-05-2016-001 cpp-03-05-2016-002 cpp-03-05-2016-003 cpp-03-05-2016-004vv

[youtube id= “tAlqGWDED6I”]