(08-03-2015) ប៉ៃលិន៖ នៅសង្កាត់បរយ៉ាខា នាល្ងាច ថ្ងៃទី ០៨ មីនា ២០១៥ ឯកឧត្តម ផាន់ ចាន់ធុល ជាប្រធានក្រុមការងារបក្សប្រជាជនកម្ពុជាចុះជួយសង្កាត់បរយ៉ាខាដោយមានការចូលរួមពីសំណាក់ លោក ស៊ុន យី អនុប្រធានក្រុមការងារបក្សប្រជាជនកម្ពុជាចុះជួយសង្កាត់បរយ៉ាខា ព្រមទាំងប្រធានបក្សសង្កាត់ មេភូមិ និងសមាជិកសមាជិកាជាច្រើនអ្នកទៀត បានជួបសំណេះសំណាល ជាមួយបងប្អូនប្រជាពលរដ្ឋដែលជា សមាជិកសមាជិកាបក្សប្រជាជន កម្ពុជាមកពីបណ្តាភូមិទូទាំងសង្កាត់ដើម្បីផ្សព្វផ្សាយសេចក្តីសម្រេចនៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា និងដើម្បីពង្រឹងជំហរស្មារតីសាមគ្គីភាពឯកភាពផ្ទៃក្នុងជួរគណបក្សសំរាប់បន្តសកម្មភាពដឹកនាំអភិវឌ្ឍន៍មូលដ្ឋានផងដែរ។
នៅក្នុងកិច្ចប្រជុំនោះលោក ស៊ុន យី អនុប្រធានក្រុមកាងារចុះជួយសង្កាត់បរយ៉ាខាបានអាននូវសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជាជូនដល់សមាជិកសមាជិកាដើម្បីយល់កាន់តែច្បាស់អំពីខ្លឹមសារនៃមហាសន្និបាតនិងគោលនយោបាយរបស់គណបក្សដើម្បីលើកទិសដៅភារកិច្ចសម្រាប់អនុវត្តឆ្នាំ២០១៥និងឆ្នាំបន្តបន្ទាប់ទៀតប្រកបដោយការឯកភាពខ្ពស់។
អង្គប្រជុំក៏បានពិភាក្សាអំពីចំណុចគោលដៅការអភិវឌ្ឍន៏មូលដ្ឋានដែលនៅក្នុងសង្កាត់ បរយ៉ាខាមានភូមិមួយចំនួនកំពុងដំណើរការអភិវឌ្ឍន៏ជាបណ្តើរៗហើយភូមិមួយចំនួនទៀតនៅមានការខ្វះខាតក្នុងនោះប្រជាពលរដ្ឋបានលើកសំណូមពរដូចជា៖ បញ្ហាផ្លូវថ្នល់នៅតំបន់ទួលម្តេង ២ខ្សែ ពុំទាន់មានប្រព័ន្ធលូ និងស្ពានសម្រាប់បញ្ចៀសបញ្ហាទឹកហូរច្រោះខូចផ្លូវ ។ ចំពោះបណ្តាញទឹកស្អាតនៅសង្កាត់បរយ៉ាខាពុំទាន់តបណ្តាញបានគ្រប់ផ្ទះនៅឡើយនៅមូលដ្ឋាន បញ្ហាទឹកហូរច្រោះស្ទឹងអូរច្រាអាចប្រឈមបញ្ហាបាក់ស្ពាននិងខូចថ្នល់។ ក្រៅពីនោះមានបញ្ហាជាច្រើនទៀតដែលសមាជិកបានលើកឡើងក្នុងអង្គប្រជុំដើម្បីស្វែងរកដំណោះស្រាយ ។ ដើម្បីអោយមានការអភិវឌ្ឍន៏ស្មើគ្នានោះអង្គប្រជុំបានស្នើរឲ្យមានគណៈកម្មការត្រូវចុះត្រួតពិនិត្យមើលលើចំនុចភូមិដែលនៅខ្វះខាតទាំងនោះដើម្បីរៀបចំដំណើរការអភិវឌ្ឍន៏បន្តទៀត។
បន្ទាប់មកឯកឧត្តម ផាន់ ចាន់ធុល ជាប្រធានក្រុមការងារបក្សប្រជាជនកម្ពុជាចុះជួយសង្កាត់បរយ៉ាខា បានលើកឡើងថាសមាជិករបស់បក្សត្រូវចេះចងក្រងជាក្រុមនៅតាមភូមិនីមួយៗដែលមានផ្ទះជាប់គ្នាដើម្បីងាយស្រួលកិច្ច សហកា រល្អ នឹង ស្គាល់ ចិត្ត ថ្លើម គ្នា ងាយ ស្រួល ក្នុង ការ ជួយ យក អា សា គ្នា ទៅ វិញ ទៅ មកនៅពេលមានធុរៈម្តងៗដោយមិនប្រកាន់និន្នាការនយោបាយ។ ទន្ទឹមនឹងនេះត្រូវបន្តពង្រីកសមាជិកគណបក្សបន្ថែមទៀតដើម្បីជាគ្រឹះដ៏រឹងមាំសម្រាប់ការអភិវឌ្ឍន៍មូលដ្ឋានរបស់យើង។ ឯកឧត្តមក៏បានលើកឡើងអំពីបញ្ហាសន្តិសុខរបស់បងប្អូនប្រជាពលរដ្ឋចំណាកស្រុកដែលធ្វើអោយកំលាំងពលកម្មក្នុងមូលដ្ឋានមានការខ្វះខាត។ ពាក់ព័ន្ធនឹងរាល់សំណូមពរខាងលើត្រូវបានឯកឧត្តមនឹងជួបពិភាក្សាជាមួយមន្ត្រីជំនាញដែលពាក់ព័ន្ធដើម្បីអោយដំណើរការដំណោះស្រាយរាល់បញ្ហាអោយបានឆាប់ ដើម្បីបម្រើសេចក្តីត្រូវការក្នុងជីវភាពប្រចាំថ្ងៃរបស់បងប្អូនប្រជាពលរដ្ឋ ។
[youtube id= “hblmv_rqLUM”]
