(01-06-2016) ប៉ៃលិន៖ ក្នុងឱកាសទិវាកុមារអន្តរជាតិ១មិថុនាខួបលើកទី៦៧ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន និងលោកជំទាវ គង់ស្តី កើតសុធា រួមដំណើរដោយលោកជំទាវជា លាប អភិបាលរងខេត្ត ព្រមទាំងថ្នាក់ដឹកនាំមន្ត្រីរាជការមួយចំនួនទៀតបានអញ្ជើញសាកសួរសុខទុក្ខនិងចែកអំណោយដល់កុមារកំព្រា នៅមណ្ឌលកុមារកំព្រា ស្ថិតក្នុងភូមិអូរតាពុកក្រោម សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
បន្ទាប់ពីលោកស្រី ប៊ុន គឹមហេង អនុប្រធានមន្ទីរសង្គមកិច្ចនិងអតីតៈយុទ្ធជនខេត្តអានប្រវត្តនៃទិវាកុមារអន្តរជាតិ០១មិថុនាខួបលើកទី៦៧ រួចមក ឯកឧត្តម កើត សុធា អភិបាលនៃ គណៈអភិបាលខេត្តប៉ៃលិនបានមានប្រសាសន៍ថាៈរាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រីបានយកចិត្តទុកដាក់ដល់កុមារ ដោយផ្តល់ នូវសិទ្ធរស់រានមានជីវិត សិទ្ធបានចូលរៀន សិទ្ធការពារដោយច្បាប់។ ដូច្នេះក្មួយៗត្រូវយកចិត្តទុកដាក់ខិតខំរៀនសូត្រ ស្តាប់ការណែនាំពីសំណាក់លោកគ្រូ អ្នកគ្រូ មាតាបីតា និងត្រូវធ្វើខ្លួនជាកូនល្អ សិស្សល្អ ជាទំពាំងស្នងឬស្សី ជាពិសេសត្រូវជៀសអោយឆ្ងាយពីគ្រឿងញៀន ល្បែងស៊ីសង គ្រប់ប្រភេទ និងចូលរួមគោរពច្បាប់ចរាចរណ៍ផ្លូវគោគអោយបានគ្រប់គ្នាដើម្បីការពារអាយុជីវិតយើងទាំងអស់គ្នា។
ក្នុងឱកាសនោះ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន និងលោកជំទាវ គង់ស្តី កើតសុធា ព្រមទាំងថ្នាក់ដឹកនាំមន្ត្រីរាជការក៏បានចែកអំណោយដល់ក្មួយៗកុមារកំព្រាចំនួន១៦០នាក់ដោយម្នាក់ៗទទួលបានឃីត១កញ្ចប់ មាននំសៀវភៅប៊ិច និងថវិកាចំនួន៥០០០រៀល។ឧបត្តម្ភដល់បណ្ឌលកុមារកំព្រាអង្ករ២០០គីឡូក្រោម និង មី៥កេះផងដែរ។
vv
[youtube id= “lRffdncQsD4”]
