(27-06-2016) ប៉ៃលិន៖ នៅព្រឹកថ្ងៃទី២៧ ខែមិថុនា ឆ្នាំ២០១៦ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន រួមដំណើរជាមួយ លោក គង់ដួងប្រធានមន្ទីរព័ត៌មាន និងមន្រ្តីជំនាញ មួយចំនួនទៀត បានអញ្ជើញចុះពិនិត្យមើល ដំណើរការសាងសង់អគាររដ្ឋបាលសាលាស្រុក សាលាក្រៅ និងអគារសាលប្រជុំ ស្ថិតនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ដែលសព្វថ្ងៃក្រុមជាងកំពុងតែដំណើរសាងសង់ឲ្យបានរួចរាល់ ទៅតាមគម្រោងប្លង់ច្ចេកទេស ។ អគាររដ្ឋបាលសាលាស្រុកសាលាក្រៅនេះ មានបណ្តោយ២៨ម៉ែត្រ និងទទឹង១២ម៉ែត្រមានកម្ពស់ពីរជាន់ ដែលចាប់ផ្តើមដំណើរសាងសង់ ពីថ្ងៃទី១៩ ខែកញ្ញា ឆ្នាំ២០១៥ រហូតមកពេលនេះ សាងសង់បានប្រហែលជា៧០%ហើយ។
ក្នុងឱកាសអញ្ជើញចុះពិនិត្យមើល ដំណើរសាងសង់អគាររដ្ឋបាលស្រុកសាលាក្រៅ ឯកឧត្តម កើត សុធាអភិបាលខេត្ត បានមានប្រសាសន៍ថា៖ នេះជាសមិទិ្ឋផលថ្មីមួយទៀត សម្រាប់ប្រជាពលរដ្ឋ និង មន្ត្រីរាជការស្រុកសាលាក្រៅហើយអាគាររដ្ឋបាលនេះ គឺជាអាគារដ៏សំខាន់ សម្រាប់មន្រ្តីរាជការយើងមានកន្លែងធ្វើការបានល្អផង និងសម្រាប់បំរើសេវាសាធារណ:ជូនប្រជាពលរដ្ឋយើងបានទាន់ពេលវេលាផង ។ ឯកឧត្តម បន្តទៀតថា រដ្ឋបាលមូលដ្ឋាន មានការងារជាច្រើន ត្រូវបំរើប្រជាពលរដ្ឋ ដែលប្រជាពលរដ្ឋយើងត្រូវការជាចាំបាច់ ។ ដូចនេះយើងមានកន្លែងធ្វើការស្អាតហើយ ក៏ត្រូវខិតខំធ្វើការបំរើប្រជាជនយើងឲ្យបានល្អថែមទៀត។
ឯកឧត្តម ក៏បានណែនាំ ដល់ក្រុមហ៊ុនម៉ៅការសាងសង់សំណង់ នេះត្រូវយកចិត្តទុកដាក់ សាងសង់ឲ្យបានត្រឹមត្រូវតាមគម្រោងប្លង់បច្ចេកទេស ហើយក៏ត្រូវយកចិត្តទុកដាក់ឲ្យបានខ្ពស់បំផុតចំពោះសុវត្ថិភាពខ្លួនយើងផងដែរ កុំឲ្យមានការធ្វេរប្រហែសឲ្យសោះ នៅពេលដែលធ្វើសំណង់អគារខ្ពស់ៗ ខ្លាចមានបញ្ហាណាមួយកើតឡើងជាយថាហេតុគ្រោះថ្នាក់ដល់អាយុជីវិត។
ក្នុងនោះផងដែរ ឯកឧត្តម អភិបាលខេត្ត ក៏បានចែកជូនសម្ភារៈគ្រឿងឧបភោគបរិភោគ ជូនក្រុមជាងសាងសង់ មានមី៣កេះ ទឹកផ្លែឈើ១កេះ និងទឹកស្អាតអង្គពូរ៉ូចំនួន៣កេះ និងថវិការ ២០០០ បាតផងដែរ។ ហើយឯកឧត្តម ក៏បានជូបសំណេះសំណាល ជាមូយបងប្អូនមន្ត្រីរាជការសាលាស្រុក និងបុគ្គលិកជាប់និងសន្យា ព្រមទាំងបានណែនាំ ផ្ដាំផ្ញើរ ឲ្យក្មួយៗខិតខំប្រឹងប្រែងធ្វើការបំរើប្រជាពលរដ្ឋយើងឲ្យបានល្អបន្តទៀត លើការផ្ដល់សេវាសាធារណ: ដែលជាសេវាតម្រូវការចាំបាច់របស់ប្រជាពលរដ្ឋ ។ឯកឧត្តម បានឧបត្ថម្ភលើកទឹកចិត្តដល់មន្ត្រីក្នុងម្នាក់ ៣០០០០ម៉ីនរៀល។ បន្ទាប់មក ឯកឧត្តម កើត សុធា និង មន្ត្រីរួមដំណើរ ក៏បានទៅពិនិត្យមើលប្រព័ន្ធធារាសាស្រ្ត ទំនប់បង្ហៀទឹកស្ថិតនៅភូមិទំនប់ ឃុំស្ទឹងត្រង់ ស្រុកសាលាក្រៅ ផងដែរ។
vv
[youtube id= “WsFjWMhIB-w”]
