(08-09-2016) ប៉ៃលិន៖ ថ្ងៃទី០៨ ខែកញ្ញា ឆ្នាំ២០១៦ នៅសាលាខេត្តប៉ៃលិន មានពិធីប្រកាសចូលកាន់មុខតំណែងអភិបាលរងខេត្តប៉ៃលិន ដែលពិធីនេះស្ថិតក្រោមអធិបតីភាព ឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃនិងជា តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឯកឧត្តម ឡីចាន់ ឆាយ ប្រធានក្រុមប្រឹក្សាខេត្ត ឯកឧត្តម កើត សុធា អភិបាល នៃគណៈអភិបាលខេត្តប៉ៃលិន ។
លោក អ៊ុំ ចំរើន អនុប្រធាននាយកដ្ឋានបុគ្គលឹកនៃអគ្គនាយករដ្ឋបាលក្រសួងមហាផ្ទៃ អានសេចក្តីប្រកាសរបស់រាជរដ្ឋាភិបាលលេខ៨៨៥ អនក្រ តត ត្រូវបានតែងតាំង លោកស្រី សោ មុនីរ័ត្ន ឋានន្តរស័ក្កឧត្តមមន្ត្រីថ្នាក់លេខ៦នៃក្របខ័ណ្ឌក្រសួងមន្ទីរអភិវឌ្បន៏ជនបទ អោយកាន់មុខតំណែងអភិបាលរងខេត្ត ជំនួសឯកឧត្តម ម៉ី មគ្គ ដែលត្រូវចូលនិវត្តន៍។
ឯកឧត្តម កើត សុធា អភិបាលនៃគណៈអភិបាលខេត្តប៉ៃលិនបានមានប្រសាសន៍ថា៖រាជរដ្ឋាភិបាលកម្ពុជាបានអនុវត្តគោលនយោបាយកំណែទម្រង់រដ្ឋបាលសាធារណៈ និងមុខងារសាធារណៈនៅតែជាអទិភាពក្នុងដំណើការពីដំណាក់កាលមួយទៅដំណាក់កាលមួយទៀតប្រកបដោយរលូនល្អ និងរីកចំរើនជាលំដាប់ដោយមានច្បាប់ស្តីពីសហលក្ខន្តិកៈមន្ត្រីរាជការស៊ីវិលនិងច្បាប់គោលមួយចំនួនទៀត។ ដូច្នេះអភិបាលរងដែលបានតែងតាំងថ្មីនេះត្រូវប្រកាន់ភ្ជាប់នូវតួនាទីភារកិច្ចស្នូលរបស់ខ្លួន ត្រូវមានការទទួលខុសត្រូវ មានតម្លាភាព មានសាមគ្គីភាព និងត្រូវបន្តសិក្សាស្រាវជ្រាវរកនូវប្រភពឯកសារ លិខិតបទដ្ឋាននានា យកមកធ្វើការបណ្តុះបណ្តាលបង្កើនសមត្ថភាពក្នុងវិជ្ជាជីវៈសំដៅកែទម្រង់សេវាសាធារណៈអោយ មានប្រសិទ្ធភាព។
បន្ទាប់ពី លោកជំទាវសោ មុនីរ័ត្ន អភិបាលរងថ្មីបានប្តេជ្ញាចិត្តខិតខំពង្រឹង សាមគ្គីភាពឯកភាពផ្ទៃក្នុងអោយបានល្អ បង្កើនសមត្ថភាពដឹកនាំនិងអនុវត្តការងារតាមយុទ្ធសាស្រ្តនិង បទដ្ឋាននានារបស់រាជរដ្ឋាភិបាលអោយបានល្អ។
ឯកឧត្តមសក់ សេដ្ឋា រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានមានប្រសាសន៍សំដែងការកោតសរសើចំពោះថ្នាក់ដឹកនាំខេត្តប៉ៃលិនដែលបានយកអស់កំលាំងកាយចិត្ត ក្នុងការបំពេញតួនាទីភារកិច្ចលើគ្រប់វិស័យក្នុងខេត្តប៉ៃលិនអោយមានការរីកចំរើន ដោយទទួលបានលទ្ធផលល្អគួរជាទីមោទនៈ។ ឯកឧត្តមបានផ្តាំផ្ញើដល់អភិបាលរងថ្មីត្រូវយកចិត្តទុកដាក់នៅគ្រប់ពេលវេលាបំពេញភារកិច្ច ត្រូវអនុវត្តស្មារតីសាមគ្គីភាព ក្រោមដំបូលរដ្ឋធម្មនុញ្ញនៃព្រះរាជាណាចក្រកម្ពុជាដើម្បីសន្តិភាពនិងការអភិវឌ្ឍន៍។ត្រូវខិតខំស្វែងយល់និងអនុវត្តអោយបានល្អនូវកម្មវិធីនយោបាយយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាលកម្ពុជានិតិកាលទី៥នៃរដ្ឋសភា ដែលមានសម្តេចតេជោ ហ៊ុនសែន ជាប្រមុខ ជាពិសេសគឺត្រូវយល់ច្បាស់ខ្លឹមសារនិងគោលបំណងទាំង៤ នៃយុទ្ធសាស្ត្រដំណាក់កាលទី៣ គឺ់កំណើន ការងារ សមធម៌ និងប្រសិទ្ធភាព។ទន្ទឹមនេះត្រូវចេះសំរបសំរួលការបំរើសេវាសាធារណៈដល់បងប្អូនប្រជាពលរដ្ឋ ត្រូវធ្វើអោយបានទាន់ពេលវេលា ហើយជាពិសេសការពង្រឹងពង្រីកធនធានមនុស្សអោយបានច្រើនដើម្បីធ្វើការអភិវឌ្ឍន៍ខេត្តប៉ៃលិនអោយមានរីកចំរើនលើគ្រប់វិស័យទៅថ្ងៃអនាគត់។
vv
[youtube id= “jJgrAkdUBFs”]
