(26-09-2016) ប៉ៃលិន៖ នៅរសៀលថ្ងៃទី២៦ ខែកញ្ញា ឆ្នាំ២០១៦ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទបានអញ្ជើញសំណេះសំណាលនិងសាកសួរសុខទុក្ខថ្នាក់ដឹកនាំមន្ត្រីរាជការមន្ទីរអភិវឌ្ឍន៍ជនបទខេត្តក្នុងឱកាសបុណ្យភ្ជុំបិណ្ឌ និងដើម្បីស្វែងយល់ និងតម្រង់ទិសអំពីចំនុចខ្លាំង ចំនុចខ្សោយ ដែលមន្ទីរបានអនុវត្តន៍កាងារកន្លងមក។
លោក ពេជ្រ សំបូរ អនុប្រធានមន្ទីរអភិវឌ្ឍន៍ជនបទខេត្តបានឱ្យដឹងថា៖ មន្ត្រីនៃមន្ទីរអភិវឌ្ឍន៍កន្លងមក បានខិតខំបំពេញភារៈកិច្ចរបស់ខ្លួនក្នុងការស្តារកសាងហេដ្ឋារចនាសម្ព័ន្ធរូបវ័ន្តតំបន់ជនបទ មានផ្លវ ស្ពាន លូរំដោះទឹក ប្រព័ន្ធធារាសាស្ត្រខ្នាតតូច សាងសង់ជួសជុលអណ្តូងទឹកស្អាត ផ្តល់ស្រះទឹកសហគមន៍ សាងសងអាងស្តុកទឹកភ្លៀង ផ្តល់ធុងចម្រោះទឹកស្អាត និងអប់រំផ្សព្វផ្សាយដល់ប្រជាពលរដ្ឋក្នុងការប្រើប្រាស់ទឹកស្អាត និងអនាម័យជនបទ។
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានមានប្រសាសន៍ក្រើនរលឹកដល់ថ្នាក់ដឹកនាំ និងមន្ត្រីរាជការនៃមន្ទីរអភិវឌ្ឍន៍ជនបទខេត្តត្រូវបន្តខិតខំបំពេញភារៈកិច្ច ដែលរាជរដ្ឋាភិបាល បានប្រគល់ជូនអោយបានល្អថែមទៀត ដើម្បីផ្តល់សេវាជូនប្រជាពលរដ្ឋលើវស័យជនបទដូចជា សាងសង់ផ្លូវលំជនបទ អណ្តូងទឹកស្អាត អាងស្តុកទឹកក្នុងសហគមន៍ អប់រំផ្សព្វផ្សាយសុខភាពអនាម័យជនបទ និងការងារក្នុងសហគមន៍ជាច្រើនទៀត ។ទន្ទឹមនេះមន្ទីរត្រូវមានកិច្ចសហការជាមួយប្រជាពលរដ្ឋ និងអាជ្ញាធរមូលដ្ឋានអោយបានជិតស្និទ្ធ ដើម្បីដឹងពីសុខទុក្ខ និងតម្រូវការចាំបាច់របស់បងប្អូនប្រជាពលរដ្ឋនៅមូលដ្ឋាន ជាពិសេសត្រូវពង្រឹងសាមគ្គីភាពឯកភាពផ្ទៃក្នុងអោយបានល្អ។ក្នុងឱកាសនោះ ឯកឧត្តមបណ្ឌិត អ៊ុក រ៉ាប៊ុន ក៍បានកោតសរសើដល់ថ្នាក់ដឹកនាំមន្ត្រីរាជការនៃមន្ទីរអភិវឌ្ឍន៍ជនបទខេត្តប៉ៃលិនទាំងអស់ ដែលបានខិតខំបំពេញការងារបំរើប្រជាពលរដ្ឋបានល្អប្រសើនាពេលកន្លងមក និងបានឧបត្ថម្ភថវិកាដល់មន្ត្រីរាជការក្នុងម្នាក់ៗ៤ម៉ឺនរៀលផងដែរ ក្នុងឱកាសបុណ្យភ្ជុំបិណ្ឌ។
តមកនៅថ្ងៃដដែល ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ អមដំណើដោយ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន និង គណៈប្រតិភូបានអញ្ជើញពិនិត្យមើលផ្លូវក្រវ៉ាត់ព្រំដែនកម្ពុជា-ថៃ ស្ថិតនៅក្នុងភូមិសាស្ត្រខេត្តប៉ៃលិន ដែលសម្រេចបាន ១០០% ក្នុងជំហ៊ាន ១ មានប្រវែង២០គីឡូម៉ែត្រដែលជាគម្រោងថវិការបស់ក្រសួងអភិវឌ្ឍន៍ជនបទ និងទទួលកសាងដោយកម្លាំងវិស្វកម្ម នៃកងយុទ្ធពលខេមរភូមិន្ទ ។
vv
[youtube id= “ycdQ_jbWOw4”]
