ឯកឧត្តមកើត សុធា អភិបាលនៃអភិបាលខេត្តប៉ៃលិនអញ្ជើញចូលរួមពិធីដាំកូនឈើជាមួយក្រុមការងារវិទ្យាសាស្រ្ត វិទ្យាស្ថានជាតិនៃរដ្ឋបាលអភិវឌ្ឍន៏បរិស្ថាន (NIDA) នៃខេត្តចាន់បុរី ប្រទេសថៃនៅវិទ្យាល័យហ៊ុនសែនក្រុងទេពនិម្មិតប៉ៃលិន


​(24-10-2016) ប៉ៃលិន៖ នៅ​វិទ្យា​ល័យ​ហ៊ុន​សែន​ក្រុង​ទេព​និម្មិត​ប៉ៃលិន ​ស្ថិត​នៅ​ភូមិ​អូរ​តាពុក​ក្រោម​ សង្កាត់​ទួល​ល្វា ​ ក្រុង​ប៉ៃលិន​ ខេត្ត​ប៉ៃលិន​ព្រឹក​ថ្ងៃទី​២៤​ ខែតុលា ​ឆ្នាំ​២០១៦ ​ឯក​ឧត្តម​កើត ​សុធា ​អភិ​បាល​នៃ​គណៈ​អភិបាល​ខេត្ត​និង​មន្ត្រី​រាជ​ការ​បាន​អញ្ជើញ​ចូល​រួម​ពិធី​ដាំកូន​ឈើ​ជា​មួយ​គណៈ​ប្រតិភូ​ក្រុម​ការងារ​វិទ្យា​សាស្រ្ត ​វិទ្យា​ស្ថាន​ជាតិ​នៃ​រដ្ឋ​បាល​អភិវឌ្ឍន៏ ​ បរិស្ថាន​ (​NIDA​)​ នៃ​ខេត្ត​ចាន់​បុរី​ នៃ​ព្រះ​រាជា​ណា​ចក្រ​ថៃ​។​

​លោក ​ចាំ​លូង​ភូន​បូន ​ប្រធាន​គ្រប់​គ្រង​វិទ្យា​សាស្រ្ត​ វិទ្យា​ស្ថាន​ជាតិ​នៃ​រដ្ឋ​បាល​អភិ​វឌ្ឍន៏​បរិស្ថាន​នៃ​ខេត្ត​ចាន់​បុរី​ ប្រទេស​ថៃ​បាន​អោយ​ដឹង​ថា​៖​ក្នុង​ឱកាស​កាន់​ទុក្ខ​ដ៏​ក្រៀម​ក្រំ​ ចំពោះ​ការ​ចូល​ទិវង្គត​របស់​ព្រះ​មហា​ក្សត្រ​ ភូមិ​បុល ​អាប់​ឌុល​យ៉ា​ដេត​ កាល​ពី​ថ្ងៃ​ព្រហស្បតិ៍ ​ទី១៣ ​តុលា​ ឆ្នាំ​២០១៦​ក្នុង​ព្រះ​ជន្ម​៨៨វស្សា​ ថ្នាក់​ដឹក​នាំ​និង​មន្ត្រី​វិទ្យាស្ថាន​ជាតិ​នៃ​រដ្ឋ​បាល​អភិ​វឌ្ឍន៏​បរិស្ថាន​នៃ​ខេត្ត​ចាន់​បុរី​ ប្រទេស​ថៃ​នាំ​យក​កូន​ ចំនួន​៧៥ដើម ​សំរាប់​ដាំ​នៅ​វិទ្យា​ល័យ​ហ៊ុន​សែន​ក្រុង​ទេព​និម្មិត​ប៉ៃលិន​ ដើម្បី​ជា​និមិត្ត​រូប​នៃ​កិច្ច​ការពារ​បរិស្ថាន​និង​ទប់​ស្កាត់​ការ​ប្រែប្រួល​អាកាស​ធាតុ​ ។​

​ឯក​ឧត្តម ​កើត ​សុធា ​អភិបាល​ខេត្ត​ប៉ៃលិន​បាន​មាន​ប្រសាសន៏​ថ្លែង​នូវ​អំណរ​គុណ​យ៉ាង​ជ្រាវជ្រៅ​ដល់​លោក ​ចាំ​លូង​ភូន​បូន​ ប្រធាន​គ្រប់​គ្រង​វិទ្យា​សាស្រ្ត​ វិទ្យា​ស្ថាន​ជាតិ​នៃ​រដ្ឋ​បាល​អភិវឌ្ឍន៏​បរិស្ថាន​នៃ​ខេត្ត​ចាន់​បុរី​ ប្រទេស​ថៃ​និង​គណៈ​ប្រតិភូ​ទាំង​អស់​ដែល​បាន​នាំ​យក​កូន​ឈើ​មក​ដាំ​នៅ​វិទ្យា​ល័យ​ហ៊ុន​សែន​ក្រុង​ទេព​និម្មិត​ប៉ៃលិន ​នៅ​ពេល​នេះ​ក្នុង​គោល​បំណង​ធ្វើ​អោយ​បរិស្ថាន​ប្រសើ​ឡើង​។​ដូច្នេះ​សិស្សា​នុសិស្ស​និង​លោក​អ្នក​គ្រូ​ទាំង​អស់​ត្រូវ​ខិតខំ​ប្រឹង​បែ្រង​ថែរ​ក្សា​ការពារ​កូន​ឈើ​ដែល​បាន​ដាំរួច​ អោយ​បាន​គង់​វង្ស​ ដើម្បី​អោយ​ក្មួយៗ​ជំនាន់​ក្រោយ​ស្គាល់​ និង​ជា​ពិសេស ​ចូល​រួម​ចំណែក​ ការពារ ​ការ​បំរែ​បំរួល​អាកាស​ធាតុ​នៅ​ពេល​ថ្ងៃ​អនា​គត់​ផង​ដែរ​។​ ឯក​ឧត្តម​សង្ឃឹម​ថា​តាម​រយះ​ការ​ដាំកូន​ឈើ​ពេល​នេះ​គឺ​ជា​និមិត្ត​រូប​នៃ​ការ​ទំនាក់​ទំនង​សាមគ្គី​ភាព​មិត្ត​ភាព​រវាង​ថា្នក់​ដឹកនាំ​មន្ត្រី​រាជ​ការ ​ប្រជា​ពល​រដ្ឋ​ខេត្ត​ប៉ៃលិន​ និង​ខេត្ត​ចាន់​បុរី​កាន់​តែ​ជិត​ស្និទ្ធ​ថែម​ទៀត ​ជា​ពិសេស​បាន​ពង្រឹង​កិច្ច​សហ​ប្រតិ​បត្តិ​ការ​លើ​គ្រប់​វិស័យ​ ដោយ​ឈរ​លើ​ផល​ប្រយោជន៍​ទៅ​វិញ​ទៅ​មក​។​ឯក​ឧត្តម ​កើត​សុធា ​ក្នុង​នាម​ជា​ថ្នាក់​ដឹកនាំ​ មន្ត្រី​រាជ​ការ​និង​ប្រជា​ពល​រដ្ឋ​ខេត្ត​ប៉ៃលិន​បាន​សម្តែង​នូវ​ ការ​ចូល​រួម​រំលែក​ទុក្ខ​ និង​សោក​សង្រេង​ជា​ទីបំផុត​ជា​មួយ​ប្រជា​ជន​ថៃ​ ចំពោះ​ការ​បាត់​បង់​ដ៏​ធំធេង​ ព្រះ​មហា​ក្សត្រ​ថៃ ​ភូមិ​បុល​ អាឌុល​យ៉ា​ដេត​(​Bhum​ibol​ Adul​ya​dej​)​  និង​សូម​បួង​សួង​សូម​វិញ្ញាណ​ក្ខន្ធ​ព្រះ​អង្គ ​ឆាប់​បាន​ចាប់​បដិសន្ធិ​ក្នុង​ព្រះ​បរម​សុគតិភព​ គ្រប់​ជាតិ​កុំ​បី​ឃ្លៀង​ឃ្លាត​ឡើយ​។​

cpp-24-10-2016-005 cpp-24-10-2016-006 cpp-24-10-2016-007 cpp-24-10-2016-008 cpp-24-10-2016-009 cpp-24-10-2016-010 cpp-24-10-2016-011 cpp-24-10-2016-012vv

[youtube id= “vq5JI1MxMD0”]