(07-01-2017) ប៉ៃលិន៖ ថ្ងៃទី៧ ខែមករា ឆ្នាំ២០១៦ មន្ទីរអប់រំយុវជននិងកីឡាខេត្តប៉ៃលិនសហការជាមួយclubបាល់ទាត់សួនរីករាយបានធ្វើពិធីបិទការប្រកួតបាល់ទាត់ដើម្បីអបអរសាទរខួបលើកទី៣៨ទិវាជ័យជំនះ៧មករា ឆ្នាំ១៩៧៩ ៧មករា២០១៧ ក្រោមអធិបតីឯកឧត្តម កើត សុធា អភិបាលនៃគណៈអភិបាលខេត្តប៉ៃលិន និងមានការអញ្ជើញចូលរួមពីសំណាក់លោកប្រធានអនុប្រធានមន្ទីរ លោកគ្រូអ្នកគ្រូសិស្សានុសិស្សនិងបងប្អូនប្រជាពលរដ្ឋផងដែរ។
លោកតង់ ធារ៉ា ប្រធានមន្ទីរអប់រំយុវជននិងកីឡាបានអោយដឹងថា៖ ការប្រកួតបាល់ទាត់នៅពេលនេះគឺដើម្បីអបអរសាទរខួបលើកទី៣៨ទិវាជ័យជំនះ៧មករា ឆ្នាំ១៩៧៩ ៧មករា២០១៧ និងដើម្បីពង្រឹងសមត្ថភាព សុខភាពមាំមួន និងពង្រឹងកិច្ចសហការសាមគ្គីគ្នាអោយល្អ ជៀសវៀងកុំសេពគ្រឿងញៀន ឫធ្វើអ្វីដែលអត់ប្រយោជន៏នៅក្នុងសង្គម ព្រមទាំងផ្តល់កិតិយសជូនប្រទេសជាតិទាំងមូលផងដែរ។លោកបន្តថា៖ ការប្រកួតគឺមានរយៈពេល២ថ្ងៃនេះមានក្រុមកីឡាករចូលរួមប្រកួតចំនួន៨ក្រុមគឺទី១/ ក្រុមមន្ទីរសូយោដីនគរូបនីយកម្មខេត្ត ។ទី២/ក្រុមមន្ទីរអប់រំយុវជននិងកីឡាខេត្ត។ទី៣/ក្រុមមន្ទីរពេទ្យខេត្ត។ទី៤/ក្រុមសាលាខេត្តប៉ៃលិន។ទី៥/ក្រុមស្នងការដ្ឋាននគរបាលខេត្តប៉ៃលិន។ទី៦/ក្រុមតំបន់ប្រតិបត្តិសឹងខេត្តប៉ៃលិន។ទី៧/ក្រុមត្បូងពេជ្រ។ទី៨/ក្រុមមន្ទីរកសិកម្ម។ លោកបន្តថា៖ឆ្លងការការប្រកួត ក៏បានធ្វើការប្រកួតជម្រុះម្តងមួយ ក្រុមៗរកឃើញអ្នកឈ្នះទទួលជ័យលាភីចាប់ពីលេខ១ លេខ២ លេខ៣ គឺក្រុមតំបន់ប្រតិបត្តិការសឹងខេត្តប៉ៃលិនយកឈ្នះក្រុមមន្ទីរសូយោដីនគរូបនីយកម្មដោយលទ្ធផល ២ទល់នឹង០ ដែលទទួលជ័យជំលាភីលេខ១ទទួលបានពាន់១ និងថវិកា១លានរៀល ។ ចំណែកក្រុមមន្ទីរសូយោដីនគរូបនីយកម្មទទួលបានជ័យជំលាភីលេខ២ទទួលបានថវិកា៧សែនរៀល។រីឯក្រុមស្នងការដ្ឋាននគរបាលខេត្តប៉ៃលិនបានយកឈ្នះក្រុមសាលាខេត្តប៉ៃលិនដោយលទ្ធផល៥ទល់នឹង២ដែលទទួលជ័យលាភីលេខ៣ ទទួលបានថវិកា៥សែនរៀលផងដែរ ។
ឯកឧត្តម កើត សុធា អភិបាលខេត្តប៉ៃលិនបានមានប្រសាសន៏កោតសសើរដល់មន្ទីរអប់រំយុវជននិងកីឡាខេត្តប៉ៃលិនសហការជាមួយclubបាលទាត់សួនរីករាយដែលបាន រៀបចំធ្វើការប្រកួតនេះឡើងដើម្បីអបអរសាទរខួបលើកទី៣៨ទិវាជ័យជំនះ៧មករា ឆ្នាំ១៩៧៩ ៧មករា២០១៧ ជាពិសេសគឺអោយយុវ វ័យជនទាំងអស់ចូលរួមបង្កើនសមត្ថភាព និងស្មារតីប្រាជ្ញាដើម្បីធ្វើយ៉ាងអោយក្រុមរបស់ខ្លូនទទួលបានជ័យ ជំនះ និងចូលរួមចំណែកលើកកំពស់វិស័យកីឡាក្នុងខេត្តអោយបានរីកចំរើនផងដែរ។ឯកឧត្តមបន្តថា៖ថ្ងៃ៧មករា គឺជាអាយុជីវិតទី២ របស់ប្រជាពលរដ្ឋខ្មែរទូទាំង ប្រទេសដែលបានរស់ឡើងវិញពីរបបប្រល័យពូជសាសន៍ប៉ុលពត និងបានផ្តល់ជីវិត និងសិទ្ធិសេរីភាពពេញលេញដល់ ពលរដ្ឋជាមួយនិងឱកាសគ្រប់យ៉ាងក្នុងការកសាងសង្គម គ្រួសារ និងការអភិវឌ្ឍលើកគ្រប់វិស័យ ក្នុងនោះក៏មានវិស័យកីឡា ដែលបង្ហាញអោយឃើញថានៅបច្ចុប្បន្ននេះគឺមានការរីកចំរើន។ ដូច្នេះ ប្រជាពលរដ្ឋទូទាំងប្រទេសត្រូវចងចាំ និងរក្សាសុខសន្តិភាពនេះអោយបានគង់វង្ស ព្រមទាំងចូលរួមចំណែកលើកស្ទួយវិស័យកីឡាអោយមានកា រីកចំរើនទៅថ្ងៃអនាគត់។ ឯកឧត្តមបន្តទៀតថា៖ក្នុងការប្រកួតបាលទាត់ ពេលនេះ ពិតជាមានមោទនៈភាពចំពោះខេត្តប៉ៃលិនណាស់ក្នុងការបំផុសសា្មរតីដល់យុវ័យទាំងអស់ចូលរួមលេងកីឡាអោយបានគ្រប់ៗគ្នាដើម្បីសុខភាពមាំមួន មានមិត្តភាព សាមគ្គីភាព ជៀងឆ្ងាយពីគ្រឿងញៀនផងដែរ។ឯកឧត្តមបានផ្តាំផ្ញើដល់ ក្រុមកីឡាករទាំងអស់ត្រូវបន្តខិតខំប្រឹងប្រែងហ្វឹកហាត់ដើម្បី ប្រកួតឆ្នាំក្រោយៗ ទៀតដណ្តើមជ័យលាភីជូនក្រុមនិងជូនខេត្តប៉ៃលិនយើង។ទន្ទឹមនេះការប្រកួតត្រូវធ្វើតាមបច្ចេកទេស ដោយចេះយោយល់ អធ្យាស្រ័យគ្នាទៅវិញទៅមក ព្រោះថាការប្រកួតតែងតែ មានការប៉ះពាល់គ្នាបន្តិចបន្តូច។
ឯកឧត្តម កើត សុធា អភិបាលខេត្តប៉ៃលិន និងលោកតង់ ធារ៉ា ប្រធានមន្ទីអប់រំយុវជននិងកីឡាក៏បានធ្វើការប្រគល់ពាន់និងថវិកាដល់ក្រុមដែលទទួលជ័យជំនះចាប់ពីលេខ១រហូតដល់លេខ៣ផងដែរ។ ក្នុងឱកាសនោះឯកឧត្តម កើត សុធា អភិបាលនៃគណៈអភិបាលខេត្តប៉ៃលិនក៏បានអញ្ជើញកាត់ខ្សែបូសម្ពោធដាក់អោយប្រើប្រាស់នូវសមិទ្ធផលទីលានបាត់ទាត់សួនរីករាយអោយប្រើប្រាស់ជាផ្លូវការផងដែរ។
vv
[youtube id= “YD9V2Hhx34M”]
