មន្ទីរសេដ្ឋកិច្ចនិងហិរញ្ញវត្ថុខេត្តបើកកិច្ចប្រជុំស្តីពីការធ្វើតារាងប្រៀបធៀបទ្រព្យសម្បត្តិរដ្ឋកើនឡើង ថយចុះ ដល់មន្ទីរទាំង២៤និងក្រុមប្រឹក្សាឃុំ/សង្កាត់


(09-02-2017) ប៉ៃលិន៖ ​ព្រឹក​ថ្ងៃទី៩ ​ខែកុម្ភៈ​ ឆ្នាំ២០១៧​ មន្ទីរ​សេដ្ឋ​កិច្ច​និង​ហិរញ្ញ​វត្ថុ​បាន​បើក​កិច្ច​ប្រជុំ​ស្តីពី​ការ​ធ្វើ​តារាង​ប្រៀប​ធៀប​ទ្រព្យ​សម្បត្តិ​រដ្ឋ​កើន​ឡើង ​ថយ​ចុះ​ទៅ​ដល់​មន្ទីរ​ អង្គ​ភាព​មន្ទីរ​ស្ថាប័ន​ទាំង​២៤ ​និង​ ក្រុម​ប្រឹក្សា​ឃុំ/​សង្កាត់ ​ក្រោម​អធិបតី​ភាព​ឯក​ឧត្តម​ អៀង​ វុធ ​អភិបាល​រង​ខេត្ត​ប៉ៃលិន​ លោក​ រាម ​សុមាន​ ប្រធាន​មន្ទីរ​សេដ្ឋ​កិច្ច​និង​ហិរញ្ញ​វត្ថុ​ខេត្ត​ប៉ៃលិន​ និង​មាន​ការ​អញ្ជើញ​ចូល​រួម​ពី​សំណាក់​លោក​លោក​ស្រី​ប្រធាន​ អនុ​ប្រធាន​មន្ទីរ​ និង​លោក​មេឃុំ/​ចៅ​សង្កាត់ ​ផង​ដែរ​។​

​បន្ទាប់​ពី​លោក ​រាម ​សុមាន​ ប្រធាន​មន្ទីរ​សេដ្ឋ​កិច្ច​និង​ហិរញ្ញ​វត្ថុ​បាន​អាន​ចរាចរណ៏​ណែនាំ​របស់​ក្រសួង​សេដ្ឋ​កិច្ច​និង​ហិរញ្ញ​វត្ថុ​ស្តីពី​ការ​ធ្វើ​តារាង​ប្រៀប​ធៀប​ទ្រព្យ​សម្បត្តិ​រដ្ឋ​កើន​ឡើង​ ថយ​ចុះ​រួច​មក​ លោក​ ប៉ូច​ សាអែម​ បាន​ធ្វើ​ការ​ណែនាំ​ពី​បច្ចេក​ទេស​និង​និតិ​វិធី​នៃ​ការ​ចុះ​បញ្ជី​សារ​ពើភ័ណ្ឌ​ទ្រព្យ​សម្បត្តិ​រដ្ឋ​ដើម្បី​អោយ​លោក​ប្រធាន​ អនុ​ប្រធាន​មន្ទីរ​និង​ក្រុម​ប្រឹក្សាឃុំ​/​សង្កាត់ ​បាន​យល់​ដឹង​កាន់​តែ​ច្បាស់​ពី​និតិ​វិធី​នៃ​ការ​ចុះ​បញ្ជីសារ​ពើភ័ណ្ឌ ​ដើម្បី​យក​ទៅ​អនុវត្ត​តាម​មន្ទីរ​ស្ថាប័ន​របស់​ខ្លួន​អោយ​មាន​ប្រសិទ្ធិ​ភាព​។​

ឯក​ឧត្តម ​អៀង ​វុធ ​ អភិបាល​រង​ខេត្ត​ប៉ៃលិន​បាន​មាន​ប្រសាសន៏​ ណែនាំ​ដល់​ប្រធាន​ អនុ​ប្រធាន​មន្ទីរ ​និង​មន្ត្រី​ជំនាញ ​ព្រម​ទាំង​ក្រុម​ប្រឹក្សា​ឃុំ​ /​សង្កាត់​ត្រូវ​យក​ចិត្ត​ទុក​ដាក់​រៀន​សូត្រ​ពី​និតិ​វិធី​និង​រៀប​ចំ​ចុះ​បញ្ជី​ទ្រព្យ​សម្បត្តិ​រដ្ឋ​នៅ​តាម​អង្គ​ភាព​មន្ទីរ​ស្ថាប័ន​របស់​ខ្លូន​អោយ​បាន​ត្រឹម​ត្រូវ​ ជៀស​វៀង​កុំ​អោយ​កើត​មាន​បញ្ហា​ទៅ​ថ្ងៃ​ក្រោយ ​ជា​ពិសេស​ត្រូវ​ជំរុញ​អោយ​មន្រ្តី​ជំនាញ​ទាំង​អស់​ត្រូវ​ចេះ​ថែ​រក្សា​ការពារ​ទ្រព្យ​សម្បត្តិ​របស់​រដ្ឋ​អោយ​បាន​គង់​វង់​ ។ ​ឯក​ឧត្តម​បន្ត​ថា​៖​រាជ​រដ្ឋា​ភិបាល​កម្ពុជា​បាន​កែ​ទម្រង់​ស៊ីជំរៅ​លើ​គ្រប់​វិស័យ​ក្នុង​នោះ​មាន​វិស័យ​ហិរញ្ញ​វត្ថុ​ផង​ដែរ ​ដែល​យើង​ទាំង​អស់​គ្នា​ត្រូវ​ខិត​ខំ​ប្រឹង​ប្រែង​ធ្វើ​ការងារ ​និង​អនុវត្ត​តាម​បទ​ដ្ឋាន​ និង​និតិ​វិធី​ យុទ្ធ​សាស្រ្ត​នានា ​អោយ​បាន​ល្អ​ប្រកប​ដោយ​វិជ្ជា​ជីវៈ​និង​មាន​ប្រសិទ្ធិ​ភាព​ ​។​ ឯក​ឧត្តម​បន្ត​ទៀត​ថា ​៖​ការ​ធ្វើ​តារាង​ប្រៀប​ធៀប​ទ្រព្យ​សម្បត្តិ​រដ្ឋ​គឺ​មាន​សារៈ​សំខាន់​ណាស់​  សំរាប់​គ្រប់​អង្គភាព ​មន្ទីរ​ស្ថាប័ន​ទាំង​អស់​យក​ទៅ​អនុវត្ត​ដោយ​ផ្ទាល់ ​។​ដូច្នេះ​យើង​ទាំង​អស់​គ្នា​ត្រូវ​ខិត​ខំ​សិក្សា​ស្វែង​យល់​ពី​និតិ​វធីធ្វើ​តារាង​ប្រៀប​ធៀប​ទ្រព្យ​សម្បត្តិ​រដ្ឋ​ អោយ​បាន​ច្បាស់​លាស់។​បើ​សិន​មាន​បញ្ហា​អ្វី​មិន​យល់​ពី​ការ​ធ្វើ​តារាង​ប្រៀប​ធៀប​ទ្រព្យ​សម្បត្តិ​រដ្ឋ​កើន​ឡើង​ ថយ​ចុះ ​មន្ត្រី​ជំនាញ​នៅ​តាម​មន្ទីរ​អង្គភាព​ទំាង​២៤ ​និង​ក្រុម​ប្រឹក្សាឃុំ​/សង្កាត់​ទាក់​ទង​មក​មន្ត្រី​ជំនាញ​នៃ​មន្ទីរ​សេដ្ឋ​កិច្ច​និង​ហិរញ្ញ​វត្ថុ​ខេត្ត​ដើម្បី​ជួយ​ធ្វើ​ការ​ណែនាំ​បន្ថែម​ទៀត​។​

ឯក​ឧត្តម​ក៏​បាន​ផ្តាំផ្ញើរ​ដល់​មន្រ្តី​ជំនាញ​ទាំង​អស់​ត្រូវ​ពង្រឹង​សមត្ថ​ភាព​បច្ចេក​ទេស ​និង​ត្រូវ​មាន​ឆន្ទៈ​ក្នុង​ការ​អនុវត្ត​ការងារ​ដើម្បី​សំរេច​ការងារ​ប្រៀប​ធៀប​សម្បត្តិ​រដ្ឋ​កើន​ឡើង​និង​ថយ​ចុះ​អោយ​បាន​នៅ​ថ្ងៃទី​៣១​ខែ​មិនា ​ឆ្នាំ​២០១៧​ យក​មក​ប្រគល់​ជូន​មន្ទីរ​សេដ្ឋ​កិច្ច​និង​ហិរញ្ញ​វត្ថុ​នៅ​ពេល​ខាង​មុខ​នេះ​។​

cpp-09-02-2017-007 cpp-09-02-2017-008 cpp-09-02-2017-009 cpp-09-02-2017-010vv

[youtube id= “”]