(19-11-2015) ប៉ៃលិន៖ ថ្ងៃទី១៩ ខែវិច្ឆិកា ឆ្នាំ២០១៥ នៅមន្ទីរសេដ្ឋកិច្ចនិងហិរញ្ញវត្ថុខេត្តប៉ៃលិនបានប្រជុំផ្សព្វផ្សាយសារាចរណ៏ណែនាំស្តីពីការ បិទបញ្ជីចំណូលចំណាយថវិកានិងធ្វើរបាយការណ៏បូកសរុបការអនុវត្តចំណូលចំណាយថវិការថ្នាក់ជាតិឆ្នាំ២០១៥ ក្រោមអធិបតីភាពឯកឧត្តម អៀង វុធ អភិបាលរងខេត្តប៉ៃលិន លោករៀមសុមាន ប្រធានមន្ទីរសេដ្ឋកិច្ចនិងហិរញ្ញវត្ថុ និងមានការអញ្ជើញចូលរួមពីសំណាក់លោកប្រធានអនុប្រធានមន្ទីរ ព្រមទាំងមន្រ្តីជំនាញជាច្រើននាក់ទៀត។
បន្ទាប់ពីលោក រៀម សុមានប្រធានមន្ទីរហិរញ្ញវត្ថុខេត្តប៉ៃលិនបានអានសារាចរណ៏ណែនាំស្តីពីការ បិទបញ្ជីចំណូលចំណាយថវិកាជាតិនិងការធ្វើរបាយការណ៏បូកសរុបការអនុវត្តចំណូលចំណាយថវិការថ្នាក់ជាតិឆ្នាំ២០១៥រូចមក អង្គប្រជុំក៏ពិភាក្សាអំពីការណ៏បូកសរុបថវិការចំណាយ ចំណូល និងអាណិត្តដែលនៅសល់និងលើកបញ្ហានៅសេសសល់ជូនថ្នាក់ដឹកនាំបានជ្រាប់កាន់តែច្បាស់ដើម្បីធ្វើកត់ត្រារបាយការណ៏បូកសរុបទៅថ្នាក់លើផងដែរ។
ឯកឧត្តម អៀង វុធ អភិបាលរងខេត្តប៉ៃលិនបានមានប្រសាសន៏ថា៖ កិច្ចប្រជុំពេលនេះដើម្បីផ្សព្វផ្សាយពីសារាចណែនាំលេខ០១៤ និងការធ្វើរបាយការបូកសរុបការអនុវត្តចំណូល ចំណាយថវិការថ្នាក់ជាតិឆ្នាំ២០១៥ និងអាណិត្តដែលនៅសល់នៅតាមមន្ទីរនីមួយៗ ហើយពិភាក្សាលើកយោបល់ និងលើកពីបញ្ហាដែលកើតមានឡើងកន្លងមកដើម្បីអោយមន្ទីរសេដ្ឋកិច្ចនិងហិរញ្ញវត្ថធ្វើការបកស្រាយជូន។ ដូច្នោះហើយត្រូវតែយកចិត្តទុកដាក់ស្តាប់ មើលអោយបានច្បាស់លាស់ដើម្បីរាយការណ៏អោយអង្គប្រជុំផងដែរ។ ឯកឧត្តមមានប្រសាសន៏ថា៖កិច្ចប្រជុំពេលនេះមានសារៈសំខាន់ណាស់ក្នុងការអនុវត្តការងារជាក់ស្តែង និងលទ្ធផលការងារបានធ្វើកន្លងមកដែលបានអនុវត្តតាមបទដ្ឋាន និងនិតិវិធី វិធីសាស្រ្តរបស់រដ្ឋាភិបាល។ទទឹមនឹងនេះដែរឯកឧត្តមក៏បានសំនូមពរដល់មន្ទីរស្ថាប័នដែលជាប់ពាក់ព័ន្ធទាំងអស់ត្រូវធ្វើបៀវត្សដល់មន្ត្រីអោយបានទាន់ពេលវេលាដើម្បីធ្វើការបិទបញ្ជីអោយបានឆាប់នៅពេលដាច់ឆ្នាំ២០១៥នេះ។
[youtube id= “6fRZTHPZz_k”]
