(09-12-2015) ប៉ៃលិន៖ នៅរសៀលថ្ងៃទី៩ ខែធ្នូ ឆ្នាំ២០១៥ ក្រុមប្រឹក្សាខេត្តប៉ៃលិនបានបើកវេទិការផ្សព្វផ្សាយ និងពិគ្រោះយោបល់ នៅវត្តនៅវត្តអូរច្រា ក្នុងសង្កាត់ទួលល្វា ក្រុងប៉ៃលិន ស្ថិតក្រោមអធិបតីភាព ឯកឧត្តមឡី ចាន់ឆាយ ប្រធានក្រុមប្រឹក្សាខេត្ត ឯកឧត្តម កើត សុធា អភិបាលខេត្ត និងមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិក ក្រុមប្រឹក្សាខេត្ត ឯកឧត្តម អភិបាលរងខេត្ត លោកប្រធាន អនុប្រធានមន្ទីរជំនាញជុំវិញខេត្ត ព្រមទាំងប្រជាពលរដ្ឋអញ្ជើញមកពីសង្កាត់ទាំង៤ ក្នុងក្រុងប៉ៃលិនប្រមាណជាង ១០០នាក់។
ការធ្វើវេទិការផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តនេះគឺដើម្បីផ្សព្វផ្សាយពីតួនាទីនិងភារកិច្ចរបស់ក្រុមប្រឹក្សាខេត្ត និងផ្សព្វផ្សាយសមិទ្ធផលនានាដែលរដ្ឋបាលខេត្តសំរេចបានរយៈពេល១ឆ្នាំ កន្លងមកជាពិសេសគឺផ្ដល់ឪកាសឲ្យបងប្អូនប្រជាពលរដ្ឋបញ្ជេញយោបល់ផ្ទាល់ខ្លួននិងផ្លាស់ប្ដូរបទពិសោធន៏ដល់ក្រុមប្រឹក្សាខេត្ត រដ្ឋបាលខេត្ត ដើម្បីរួមគ្នាអភិវឌ្ឍន៏ខេត្តឲ្យបានរីកចំរើនបន្តទៀត។
ឯកឧត្តមឡីចាន់ឆាយប្រធានក្រុមប្រឹក្សាខេត្តមានប្រសាសន៏ថា ការធ្វើវេទិការផ្សព្វផ្សាយនិងពិ គ្រោះយោបល់របស់ក្រុមប្រឹក្សាខេត្តថ្ងៃនេះគឺជាឱកាសល្អដែលបងប្អូនប្រជាពលរដ្ឋទាំងអស់ត្រូវហ៊ានលើកឡើងនូវបញ្ហាប្រឈមនានានិងក្ដីកង្វល់ទាំងឡាយដែលបងប្អូនជួបប្រទះនិងលើកជាសំណូមពរដើម្បីឲ្យអាជ្ញាធរខេត្ត និងមន្ទីរជំនាញពាក់ព័ន្ធដោះស្រាយជូន ។
ក្នុងឱកាសនោះ មានបងប្អូនប្រជាពលរដ្ឋ បានលើកឡើងបញ្ហាប្រឈមជាច្រើន ឲ្យមន្រ្តីជំនាញពាក់ព័ន្ធ ក៏ដូចជា ថ្នាក់ដឹកនាំខេត្ត បានដោះស្រាយបំភ្លឺ ដូចជា ការកែតម្រូវឈ្មោះនូវតុលាអស់ថវិកាច្រើន, បញ្ហាបំពុលបរិស្ថានដោយកសិដ្ឋានចិញ្ចឹមជ្រូកនៅភូមិអូរតាពុក , បញ្ហាដំណាំកសិកម្មគ្មានតម្លៃ, បញ្ហាចំណីគ្មានគុណភាពលក់នៅតាមផ្សារ, បញ្ហាជញ្ជីងថ្លឹងកសិផលនៅតាមសៃឡូ, បញ្ហា ក្មេងទំនើង,ចោរកម្មនៅតែមានបញ្ហាមន្រ្តីប៉ុស្តិ៍រដ្ឋបាលនៅសង្កាត់បរយ៉ាខា យកថ្លៃសេវាការពាររោងការច្រើន ,បញ្ហាការធ្វើសៀវភៅគ្រួសារមានការយឺតយាវ។ល។ ទូរទស្សន៍ខេត្តប៉ៃលិន សូមចាក់ផ្សាយទាំងស្រុងនូវ ខ្លឹមសារនៃអង្គវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនេះ។
(ឃ្លីប)
vv
[youtube id= “c8VkSIyh3Yw”]
