(19-12-2015) ប៉ៃលិន៖ ថ្ងៃទី១៩ធ្នូ ឆ្នាំ២០១៥ សាខាកាំកុងត្រូលប្រចាំខេត្តប៉ៃលិនសហការជាមួយមន្ទីរ ពាណិជ្ជកម្មខេត្ត ចុះពិនិត្យមើលទំនិញហួសសុពលភាពនិងខូចគុណភាពដែលដាក់លក់នៅតាមតូបនីមួយៗនៅភូមិសួនអំពៅកើត សួនអំពៅលិច និងភូមិតាង៉ែនលើ សង្កាត់ប៉ៃលិន ក្រុងប៉ៃលិន ខេត្តប៉ៃលិន។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តប៉ៃលិនបានអោយដឹងថាៈ សាខាកាំកុងត្រូលខេត្តប៉ៃលិនបានសហការជាមួយមន្ទីរពាណិជ្ជកម្មខេត្តតែងតែចុះពិនិត្យទំនិញខូចគុណភាពជារៀងរាល់ខែ នៅតាមទីផ្សានានា និងនៅតាមតូបលក់ទំនិញនៅតាមសាលារៀនទូទាំងខេត្តជាបន្តបន្ទាប់ក្នុងគោលបំណងពិនិត្យមើលទំនិញដាក់តាំងលក់ ដែលហួសកាលកំណត់ប្រើប្រាស់ ទំនិញខូចគុណភាព មិនមានស្លាកសញ្ញាត្រឹមត្រូវ ពុំមានសំបកវិចខ្ចប់ត្រឹមត្រូវ និង ទំនិញមិនមានច្បាប់អនុញ្ញាតិ ។
ក្នុងពេលចុះត្រួតពិនិត្យទំនិញនៅតាមតូបនីមួយៗ លោក សាន វិជ្ជាសារ៉ាវុធ បានធ្វើការពន្យល់ណែនាំដល់អាជីវករទាំងអស់ត្រូវយកចិត្តទុកដាក់កុំយកទំនិញណាដែលខូចគុណភាព ទំនិញដែលមិនមានច្បាប់អនុញ្ញាតិ ឬទំនិញដែលមិនមានស្លាកសញ្ញាត្រឹមត្រូវមកដាក់តាំងលក់អោយសោះ ជាពិសេសបានណែនាំដល់អាជីវករដែលយកស្រាសមកលក់ត្រូវ មានផ្លាកសញ្ញាទីកន្លែងផលិតឬលេខទូរស័ព្ទអោយបានត្រឹមត្រូវ ហើយបើមានបញ្ហាពុលស្រាត្រូវរាយការណ៍ដល់អាជ្ញាធរនិងសមត្ថកិច្ចពាក់ព័ន្ធអោយទាន់ពេលវេលា។(ឃ្លីប)
ទាក់ទងបញ្ហាដកហូតទំនិញខូចគុណភាពអាជីវករបានបញ្ជាក់ថា(.ឃ្លីប)
ក្នុងពេលចុះពិនិត្យទំនិញសមត្ថកិច្ចកាំកុងត្រូលបានដកហូតទំនិញខូចគុណភាពមួយចំនួនពីអាជីវករដើម្បីយកទៅរក្សាទុកកំទេចចោលរួមមាន៖ទឹកក្រូច១.៥លីត្រ ៣៣ដប ទឹកក្រូចដបធំ៣លីត្រ៥៥ដប ទឹកក្រូចដបតូច៥៩ដប ទឹកម្ទេស៤៦ដប ទឹកក្រូចកំប៉ុង៨កំប៉ុង មីកំប៉ុង៤៧កំប៉ុង ទឹកផ្លែឈើ២កំប៉ុង ម្សៅស៊ុបខ្នរ១ប្រអប់ធំ និងកំទេចមី៣៥កញ្ចប់តូច។
vv
[youtube id= “JG2oPHilz40”]
