(25-12-2015) ប៉ៃលិន៖ ថ្ងៃទី ២៥ ខែធ្នូ ឆ្នាំ២០១៥ ឯកឧត្តម ផាន់ ចាន់ថុល ប្រធានក្រុមការងារគណបក្សប្រជាជនកម្ពុជាចុះជួយសង្កាត់បរយ៉ាខា លោក ស៊ុន យី អនុប្រធាន ព្រមទាំងសមាជិកក្រុមការងារបានអញ្ជើញសំណេះសំណាលសួរសុខទុក្ខ និងជូនពរក្នុងឱកាសឆ្នាំថ្មីឆ្នាំសកល ជូនដល់ជាសមាជិកសមាជិការគណបក្សក្នុងសង្កាត់បរយ៉ាខា ក្រុងប៉ៃលិន ខេត្តប៉ៃលិន ។ក្នុងពិធីជួបសំណេះសំណាលនេះក្រុមការងារថ្នាក់ភូមិក៏បានលើកឡើងពីបញ្ហាប្រឈមមួយចំនួនដើម្បីជំរុញអោយក្រុមការងារចុះជួយសង្កាត់ជួយដោះស្រាយដូចជាៈ ប្រជាការពារភូមិនៅមានការខ្វះខាតសំលៀកបំពាក់ ក្រុមការងារចុះ ជួយភូមិអូរស្ងួតមិនច្បាស់លាស់ ស្នើសុំជួសជុសផ្លូវ ២ខ្សែ នៅភូមិ អូរស្ងួត ព្រោះពិបាកធ្វើដំណើរនឹងដឹកកសិផល ។ លោកមេភូមិ អូរច្រាលិច ក៏បានស្នើសុំជួយធ្វើផ្លូវចូលភូមិអូរច្រាលិច ព្រោះផ្លូវមាន ជង្ហុកច្រើន ។ ប្រជាពលរដ្ឋ ចំនួន ៤២គ្រួសារ នៅភូមិអូរច្រាលិចមិនទាន់មាន បណ្តាញអគ្គីសនី ប្រើប្រាស់គ្រប់គ្រាន់ទេ។
ឯកឧត្តម ផាន់ ចាន់ថុល ប្រធានក្រុមការងារគណបក្សប្រជាជនកម្ពុជាចុះជួយសង្កាត់បរយ៉ាខា បានមានប្រសាសន៍ថាៈដើម្បីពង្រឹងការងារគណបក្សអោយសកម្មថែមទៀតក្រុមការងារគ្រប់ថ្នាក់ត្រូវខិតខំសហការសាមគ្គីគ្នាអោយបានជិតស្និទ្ធជាមួយសមាជិក សមាជិការបក្ស រួមគ្នាដោះស្រាយរាល់បញ្ហាប្រឈមនានាក្នុងមូលដ្ឋាន គ្រប់ពេលវេលា។ ឯកឧត្តមបន្តថាៈចំពោះ ប្រជាការពារភូមិត្រូវយកចិត្តទុកដាក់ គោរពវិន័យនិងតួនាទីការពារសន្តិសុខជូនបងប្អូនប្រជាពលរដ្ឋអោយបានល្អ ដើម្បីភាពកក់ក្តៅនៅមូលដ្ឋាន២៤ម៉ោងលើ២៤ម៉ោង ហើយត្រូវរាយការណ៍ជូនអាជ្ញាធរមូលដ្ឋានក៏ដូចជាលោកមេភូមិ ចៅសង្កាត់ ឬក្រុមការងារបក្សនូវចំណុចអវិជ្ជមានណាមួយដែលប្រឈម ដើម្បីអោយថ្នាក់ដឹកនាំដោះស្រាយអោយចំគោលដៅនិងទាន់ពេលវេលា ។
ឯកឧត្តមផាន់ ចាន់ថុល ក៏បានទទួលយកនូវសំណើររបស់សមាជិកបក្សដើម្បី ដំណោះស្រាយជូនក្នុងពេលឆាប់ៗខាងមុខ។ ឯកឧត្តម ក៏បានចែកជូននូវប្រតិទិនឆ្នាំថ្មីឆ្នាំ ២០១៦ ជូនដល់សមាជិកសមាជិការបក្សម្នាក់មួយ ព្រមទាំង បានជូនពរក្នុងឱកាសបុណ្យចូលឆ្នាំថ្មីឆ្នាំសកល២០១៦ សូមអោយសមាជិកសមាជិការគណបក្សប្រជាជនកម្ពុជាទាំងអស់ជួបតែសំណាងល្អ ក្នុងជីវិតគ្រប់ពេលវេលា។
vv
[youtube id= “Udo6XAxkU3A”]
