ឯកឧត្តម កើត សុធា ប្រធានគណៈកម្មាធិការគណ បក្សប្រជាជនកម្ពុជាខេត្តប៉ៃលិនជួបសំណេះ សំណាលជាមួយយុវជននិងបំពាក់ឯកសណ្ឋានដល់យុវជនបក្ស


(23-01-2016) ប៉ៃលិន៖ ​នៅ​ព្រឹក​ថ្ងៃ​ទី២៣ ​ខែមករា​ ឆ្នាំ​២០១៦​ នៅ​ទីស្នាក់​ការ​គណ​បក្ស​ប្រជា​ជន​កម្ពុជា​ខេត្ត​ប៉ៃលិន​មាន​ពិធី​ជួប​សំណេះ​សំណាល​ជា​មួយ​យុវជន ​និង​បំពាក់​ឯក​សណ្ឋាន​ដល់​យុវ​ជន​បក្ស​ក្រោម​អធិប​តីភាព​ ឯក​ឧត្តម​ កើត​ សុធា​ ប្រធាន​គណៈ​កម្មា​ធិការ​គណ​បក្ស​ប្រជា​ជន​កម្ពុជា​ខេត្ត​ប៉ៃលិន​ ឯក​ឧត្តម​ ឡី​ ចាន់​ឆាយ​ អនុ​ប្រធាន​គណៈ​កម្មាធិការ​គណ​បក្ស​ប្រជា​ជន​កម្ពុជា​ខេត្ត​ ព្រម​ទាំង​មាន​ការ​អញ្ជើញ​ចូល​រួម​ពី​សំណាក់​ ឯក​ឧត្តម​ លោក​ជំទាវ​ លោក​ លោក​ស្រី​សមា​ជិក​សមា​ជិការ​អចិ​ន្រ្តៃយ​គណៈ​កម្មា​ធិការ​គណ​បក្ស​ខេត្ត​ផង​ដែរ​។​

​លោក ​ស៊ុន​ យី​ អនុ​ប្រធាន​ក្រុម​ការងារ​គណ​បក្ស​ប្រជា​ជន​កម្ពុជា​ចុះ​ជួយ​សង្កាត់​បរយ៉ាខា​បាន​អោយ​ដឹង​ថា​៖​ សង្កាត់​បយ៉ាខា​មាន​យុវជន​គណ​បក្ស​ចំនួន​១៥០​នាក់​ ដែល​ជា​កំលាំង​ស្នូល​។​លោក​បន្តថាៈ ​ក្រុម​ការងារ​ចុះជួយ​សង្កាត់​បយ៉ាខា​កន្លង​មក​បាន​សហការ​គ្នា​បំពាក់​ឯក​សណ្ឋាន​ដល់​យុវ​ជន​គណ​បក្ស​និង​ប្រជា​ការពារ​ភូមិ​ ដើម្បី​ជា​ការ​លើក​ទឹក​ចិត្ត​ដល់​យុវជន​ខិត​ខំ​ធ្វើ​ការងារ​ពង្រឹង​សមា​ជិក​គណ​បក្ស​ប្រជា​ជន​កម្ពុជា​នៅ​ក្នុង​សង្កាត់​អោយ​បាន​រឹងមាំ ​ពង្រឹង​ដល់​យុវជន​អោយ​ចេះ​ធ្វើ​ការងារ​តាម​តួនាទី​និង​ភារៈកិច្ច​ ជា​ពិសេស​ចូល​រួម​បំផុស​ចលនា​យុវជន​អោយ​គាំ​ទ្រ​គណ​បក្ស​ប្រជា​ជន​កម្ពុជា​យើង​។​

​ ឯក​ឧត្តម ​កើត ​សុធា ​ប្រធាន​គណៈ​កម្មា​ធិការ​គណ​បក្ស​ប្រជា​ជន​កម្ពុជា​ខេត្ត​ប៉ៃលិន​បាន​មាន​ប្រសាសន៍​ថា​៖​ ការ​រៀប​ចំ​ក្រុម​យុវ​ជន​បក្ស​នៅ​ទូ​ទាំង​ខេត្ត​គឺ​ជា​ការ​ចាំបាច់​ត្រូវ​តែ​រៀប​ចំ​ចាត់​តាំង​អោយ​មាន​ការ​ឯក​ភាព​គ្នា​ ព្រោះ​ថា​យុវជន​គឺ​ជា​កម្លាំង​រឹងមាំ​ក្នុង​ការ​ការ​ពារ​កសាង​ប្រទេស​ជាតិ​ ។​ ឯក​ឧត្តម​បន្ត​ថាៈ​ នៅ​ពេល​នេះ​ យុវជន​នៅ​សង្កាត់​បរ​យ៉ាខា ​បាន​ដើរ​មួយ​ជំហាន​ទៅ​មុខ​ហើយ​ដោយ​ប្រធាន​ក្រុម​ការងារ​ចុះ​ជួយ​សង្កាត់ ​បាន​ពង្រឹង​យុវជន​នៅ​តាម​ភូមិ​ អោយ​បាន​ឯក​ភាព​គ្នា ​ដើម្បី​ដំណើរ​ការ​កសាង​យុវជន​អោយ​ចេះ​ធ្វើ​ការងារ​បក្ស​ត្រៀម​យក​ប្រៀប​ឈ្នះ​នៅ​ពេល​ខាង​មុខ​។ ​ឯក​ឧត្តម​បន្តថាៈ ​ដើម្បី​មាន​ស្មារតី​និង​មាន​គោល​ជំហ​ររឹងមាំ​  គណៈ​ចាត់​តាំង​ត្រូវ​មាន​ការ​អប់រំ​ ត្រូវ​មាន​ការ​រៀន​សូត្រ​នយោបាយ​និង​មាន​ការ​ចាត់​តាំង​ក្រុម​ការងារ​នៅ​មូល​ដ្ឋាន​ឲ្យ​មាន​សកម្ម​ភាព​ការងារ​ជា​ប្រចាំ ​ព្រោះ​ថា​ការងារ​មូល​ដ្ឋាន​គឺ​ជា​ការងារ​ចំបង​ដែល​កំណត់​បាន​ថា​កត្តា​ឈ្នះ​ចាញ់​អាស្រ័យ​ទៅ​លើ​មហា​ជន​គាំទ្រ​។ ​ដូច្នេះ​យុវ​ជន​ត្រូវ​មាន​ការ​យល់​ដឹង​ខ្ពស់​ពី​ព្រោះ​យុវជន​គឺ​ជា​ទំពាំង​ស្នង​ឬស្សី ​ជា​អ្នក​បន្ត​វេន​ពី​ជំនាន់​មួយ​ទៅ​ជំនាន់​មួយ ​ហើយ​ហ៊ាន​លះបង់​ដើម្បី​បុព្វ​ហេតុ​ជាតិ​ប្រជា​ជន​និង​មាន​ជំហរ​រឹងមាំ​ច្បាស់​លាស់​មិន​ចាញ់​ការ​ឃោសនា​របស់​អ្នក​ដទៃ។​ ទទឹម​នេះ​យុវ​ជន​បក្ស​នៅ​ក្នុង​ភូមិ​ត្រូវ​ធ្វើ​ជា​គំរូល្អ​គឺ​ជៀស​វាង​អំពើ​អបាយ​មុខ​ទាំង​ឡាយ​ដូច​ជា​ល្បែង​ស៊ីសង​ផឹក​ស៊ី​សេព​គ្រឿង​ញៀន​ជា​ដើម​។​ព្រម​ជា​មួយ​នេះ​យុវជន​ត្រូវ​រហ័ស​វាង​វៃ​ក្តាប់​បញ្ហា​ផ្តល់​ព័ត៌មាន​នៅ​ក្នុង​មូល​ដ្ឋាន​ដល់​ក្រុម​ការ​ងារ​បក្ស​ឲ្យ​បាន​ទាន់​ពេល​វេលា​។​   ឯក​ឧត្តម​ បាន​ជំរុញ​ឲ្យ​ក្រុម​យុវ​ជន​បក្ស​និង​សាខា​បក្ស​មន្ទីរ​អង្គភាព​ត្រូវ​ប្រជុំ​ផ្សព្វ​ផ្សាយ​គោល​នយោបាយ​បក្ស​ដើម្បី​ចង​ក្រង​សាម​គ្គី​ភាព​ឯក​ភាព​ផ្ទៃ​ក្នុង​និង​ធ្វើ​របាយការណ៍​ប្រចាំ​ខែ​ជូន​ថ្នាក់​លើ​។​  ឯក​ឧត្តម​ក៏​បាន​ថ្លែង​អំណរ​គុណ​ចំពោះ​ឯក​ឧត្តម​ផាន់​ ចាន់​ធុល​ ប្រធាន​ក្រុម​ការងារ​បក្ស​ចុះ​ជួយ​សង្កាត់​បយ៉ាខា​ដែល​បាន​ឧបត្ថម្ភ​អាវ​ដល់​ក្រុម​យុវជន​និង​ឯក​សណ្ឋាន​ប្រជា​ការពារ​ភូមិ​ផង​ដែរ​៕​

cpp-23-01-2016-001 cpp-23-01-2016-002 cpp-23-01-2016-003 cpp-23-01-2016-004 cpp-23-01-2016-005 cpp-23-01-2016-006 cpp-23-01-2016-007 cpp-23-01-2016-008 cpp-23-01-2016-009 cpp-23-01-2016-010 cpp-23-01-2016-011 cpp-23-01-2016-012vv

[youtube id= “PohuWgwKe3k”]