(21-05-2016) ប៉ៃលិន៖ ថ្ងៃទី២១ ខែឧសភា ឆ្នាំ២០១៦ ឯកឧត្តម វ៉េង សុធី អនុរដ្ឋលេខាធិការក្រសួងពាណិជ្ជកម្ម លោកជំទាវជា លាប អភិបាលរងខេត្តប៉ៃលិន និង ក្រុមការងារបាននាំយកទឹកបរិសុទ្ធចំនួន២០០យួដែលជាមូលនិធិ ឯកឧត្តម ប៉ាន សូរស័ក្ករដ្ឋមន្រ្តីក្រសួងពាណិជ្ចកម្ម និងជាប្រធានក្រុមការងារថ្នាក់ជាតិចុះជួយខេត្តប៉ៃលិន ចែកជូនដល់បងប្អូនប្រជាពលរដ្ឋចំនួន200គ្រួសារខ្វះខាតទឹកសំរាប់បរិភោគ ក្នុងភូមិ ទំនប់ ឃុំស្ទឹងត្រង់ស្រុកសាលាក្រៅខេត្តប៉ៃលិន។
ឯកឧត្តម វ៉េង សុធី អនុរដ្ឋលេខាធិកាក្រសួងពាណិជ្ជកម្មបានមានប្រសាសន៏ពាំនាំសាកសួរសុខទុកពីសំណាក់ឯកឧត្តម ប៉ាន់ សូរស័ក្ក រដ្ឋមន្ត្រីក្រសួងពាណិជ្ជកម្មជូនចំពេាះ បងប្អូនប្រជាពលរដ្ឋដែលខ្វះខាតទឹកនៅខេត្តប៉ៃលិន ។ឯកឧត្តមបន្តថា ថ្នាក់ដឹកនាំគ្រប់ថ្នាក់តែងតែគិតគូពីសុខទុក្ខនិងការលំបាកខ្វះខាតរបស់បងប្អូនគ្រប់ពេលវេលា។ជាក់ស្តែងពេលនេះខេត្តប៉ៃលិនជួបអាកាសធាតុប្រែប្រួលដោយមានភាពរាំងស្ថួត ធ្វើអោយប្រជាពលរដ្ឋគ្មានទឹកប្រើប្រាស់ និងបរិភោគ ថ្នាក់ដឹកនាំគ្រប់ជាន់ថ្នាក់បានសហការធ្វើយុទ្ធនាការចែកទឹកដើម្បីសម្រួលការលំបាករបស់បងប្អូនបានមួយកំរិតផងដែរ។ឯកឧត្តមក៏បានផ្តាំផ្ញើរដល់បងប្អូនប្រជាពលរដ្ឋទាំងអស់ត្រូវថែរក្សាការពារអនាម័យសុខភាព គឺរស់នៅស្អាត ហូបស្អាត ដើម្បីជៀសផុតពឺជំងឺផ្សេងៗ ។ទន្ទឹមនឹងនេះបងប្អូនត្រូវចួលរួមសហការ ការពារភូមិឃុំមានសុវត្តិភាព ជាពិសេសត្រូវចួលរួមគោរពច្បាប់ចរាចណ៏ផ្លូវគោកថ្មីអោយបានជាប្រចាំដើម្បីការពារអាយុជីវិតយើងទាំអស់គ្នា។
vv
[youtube id= “TZqHGoVUGuM”]
