(02-06-2016) ប៉ៃលិន៖ កាលពីថ្ងៃទី២ ខែមិថុនា ឆ្នាំ២០១៦ មន្ត្រីសាខាកាំកុងត្រូលខេត្តប៉ៃលិននិងមន្ត្រី មន្ទីរពាណិជ្ជកម្មខេត្តដឹកនាំដោយ លោក សាន វិជ្ជាសារ៉ាវុធ ប្រធានសាខាកាំកុងត្រួលខេត្តបានបន្តយុទ្ធនាការចុះត្រួតពិនិត្យនិងដកហូតទំនិញខូចគុណនិងហួសសុពលភាព ស្ថិតនៅភូមិក្បាលប្រលាន សង្កាត់អូរតាវ៉ៅ ក្រុងប៉ៃលិន និងភូមិអូរច្រា សង្កាត់ទួលល្វា ក្រុងប៉ៃលិន ខេត្តប៉ៃលិន។
លោកសាន វិជ្ជា សារ៉ាវុធ បានអោយដឹងថាៈការចុះត្រួតពិនិត្យទំនិញខូចគុណ និងហួសសុពលភាពអស់រយៈពេលពេញមួយព្រឹកនេះ សាខាកាំកុងត្រូលបានពិត្យឃើញទំនិញដែលដាក់តាំងលក់នៅតាមតូបនីមួយៗមានហួសកាលកំណត់ប្រើប្រាស់ជាច្រើន ដូចជាទឹកក្រូចកំប៉ុងcoca ដែលក្រុមហ៊ុនចែកចាយអោយប្រជាពលរដ្ឋលក់បន្តមានកាលបរិច្ឆេតរយៈពេល៦ខែគឺឆាប់ហួសកាលកំណត់ណាស់។ដូច្នេះបងប្អូនអាជីវករទាំងអស់ត្រូវលក់ចាយចែកអោយអស់ ជៀសវៀងមន្ត្រីជំនាញដកហូតដែលធ្វើអោយខាតបង់ថវិកាក្នុងគ្រួសារ ។ទន្ទឹមនេះអាជីវករ ត្រូវចេះពិនិត្យមើលទំនិញណា ដែលខូចគុណភាព ហួសសុពលភាព និងមើលថ្ងៃខែ ផលិត អោយបានច្បាស់លាស់ជៀសវាងបង្កប៉ះពាល់ដល់សុខភាពពលរដ្ឋ យ៉ាងធ្ងន់ធ្ងរ ប្រសិនជាគាត់ទទួលទានទំនិញដែលគ្មានគុណភាពនិងផុតកាល បរិច្ឆេទ។លោកក៏បាន ធ្វើការណែនាំ ពន្យល់ដល់អាជីវករ ដែលបានដាក់តាំងលក់មុខទំនិញទាំងអស់ធ្វើលិខិតសន្យា បញ្ឈប់លួចលាក់មុខទំនិញណាគ្មានគុណភាព និងផុតថ្ងៃបរិច្ឆេទដាក់លក់ដូរជាដាច់ខាត។
ក្នុងប្រតិបត្តិការនេះសាខាកាំកុងត្រូលខេត្ត និងមន្ត្រីជំនាញ បានប្រមូលបានមុខទំនិញ ដែលផុតកាលបរិច្ឆេទរួមមាន៖ ទឹកក្រូចដបជ័រធំ៦៣ ដប ទឹកក្រូចដបជ័រតូច២៦ដប ទឹកក្រូចកំប៉ុងcoca ៣៨២កំប៉ុង ទឹកផ្លែឈើដបជ័រ៤២ កំប៉ុង ទឹកភេសជ្ជៈកំប៉ុង៨១ ដប ទឹកផ្លែឈើប្រីសស៊ី ២១កំប៉ុង កាហ្វេកំប៉ុង២៥កំប៉ុង ដុំស៊ុបខ្នរ៦០កញ្ចប់ ម្សៅស៊ុបរ៉តនី៤២ ស្រាបៀខ្លាំង ១៨កំប៉ុង ការហ្វេកញ្ចប់២៩កញ្ចប់ ទឹកដោះគោជូ២៧ដបតូច ទឹកម្ទេស៦ដប ប៊ីចេង១៦កញ្ចប់ ទំនិញដែលហួសសុពលភាពទាំងអស់នេះយកទៅរក្សាទុកនៅសាខាកាំកុងត្រូលខេត្តប៉ៃលិនដើម្បីធ្វើការកំទិចចោល។
vv
[youtube id= “qzg44-ZqP8M”]
