រដ្ឋបាលខេត្តប៉ៃលិន នាំយកអំណោយស្បៀងទៅឧបត្ថម្ភដល់ប្រជាពលរដ្ឋខ្វះខាតចំនួន៣៦គ្រួសាររស់នៅឃុំស្ទឹងត្រង់


(09-08-2016) ប៉ៃលិន៖ ​ថ្ងៃទី៩ ​ខែសីហា ​ឆ្នាំ២០១៦​ រដ្ឋបាល​ខេត្ត​ប៉ៃលិន ​ដែល​មាន​លោក​ជំទាវ ​ជា ​លាភ​ អភិ ​បាល​រង​ខេត្ត​ ជា​តំណាង,​ បាន​ដឹកនាំ​ក្រុម​ការងារ​ខេត្ត​មាន​៖ ​លោក​ស្រីសោ ​មុន្នីរ័ត្ន ​ប្រធាន​មន្ទីរ​អភិវឌ្ឍន៍​ជនបទ ​លោកស្រី​ឧត្តម​សេនីយ៍ត្រី ​សាន់ ​សាវឿន ​ស្នង​ការរង​នគរ​បាល​ខេត្ត ​លោក​ ស្រី​ ប៊ុន ​គឹម​ហេង ​អនុ​ប្រធាន​មន្ទីរ​សង្គម​កិច្ច​ និង​អតីត​យុទ្ធជន ​លោក​អភិបាល​ស្រុក​សាលា​ក្រៅ ​លោក​ប្រធាន​ក្រុម​ប្រឹក្សា​ស្រុក ​ នាំយក​អំណោយ​ស្បៀង​ទៅ​ចែក​ជូន​ដល់​ប្រជា​ពល​រដ្ឋ​ក្រីក្រ ​ចំនួន​៣៦គ្រួសារ​រស់នៅ​ឃុំ​ស្ទឹងត្រង់​ ស្រុក​សាលា​ក្រៅ ​ខេត្ត​ប៉ៃលិន​។​

​ការ​ចែក​ស្បៀង​នេះ​បាន​ធ្វើ​ឡើង​នៅ​ទី​កន្លែង​ផ្សេងៗ​ពី​គ្នា ​នៅ​ក្នុង​ឃុំ​ស្ទឹង​ត្រង់​ ដោយ​មួយ​គ្រួសារៗ​ទទួល​បាន​អង្ករ​ ២០Kg​ ទឹក​សុទ្ធ​អង្គពូរ៉ូ​មួយ​យួរ ​ទឹក​ត្រី​មួយ​ដប ​និង ​ប៊ីចេង​មួយ​កញ្ចប់​។​

​លោក​ជំទាវ ​ជា ​លាភ ​អភិបាល​រង​ខេត្ត​ប៉ៃលិន​បាន​មាន​ប្រសាសន៍ថា ​ដោយ​ទទួល​បាន​ព័ត៌​មាន​តាម​រយៈ​លោក​មេភូមិ ​មេឃុំ ​អំពី​ប្រជា​ពល​រដ្ឋ​ដែល​ជួប​ការ​លំបាក​ក្នុង​ជីវភាព ​ឯក​ឧត្តម ​កើត ​សុធា ​អភិបាល​នៃ​គណ​អភិបាល​ខេត្ត​ប៉ៃលិន ​ បាន​ណែនាំ​អោយ​ក្រុម​ការងារ​ខេត្ត ​ ចុះ​យក​អំណោយ​ស្បៀង​ទាំង​នេះ​មក​ចែក​ជូន​ដល់​ប្រជា​ពល​រដ្ឋ​យើង។​ទោះ​បី​អំណោយ​ទាំង​នេះ​មាន​ចំនួន​តិចតួច ​តែ​ជា​ទឹកចិត្ត​របស់​ថ្នាក់​ដឹកនាំ​ខេត្ត​ ក្នុង​ការ​ចែក​រំលែក​នូវ​ធនធាន​មួយ​ចំនួន ​មក​ផ្តល់​ជូន​ដល់​បងប្អូន​ប្រជា​ពល​រដ្ឋ​ខ្វះ​ខាត​ស្បៀង​ សំរាប់​ជួយ​សំរួល​ដល់​ជីវភាព​របស់​បងប្អូន​ទាន់​ពេល​វេលា ​។ ​លោក​ជំទាវ​បាន​បន្តថា​ ៖​កន្លង​មក​រដ្ឋបាល​ខេត្ត​ប៉ៃលិន​ តែងតែ​យក​ចិត្ត​ទុក​ដាក់​ពី​សុខ​ទុក្ខ​ប្រជា​ពល​រដ្ឋ ​ព្រម​ទាំង​បាន​នាំ​អំណោយ​ទៅ​ឧបត្ថម្ភ​ដល់​បងប្អូន​ដែល​ខ្វះ​ខាត​ស្បៀង​ក្នុង​ខេត្ត​ប៉ៃលិន​ជា​ហូហែរ ​មិន​អោយ​ប្រជា​ពល​រដ្ឋ​ណា​ម្នាក់​រង​គ្រោះ​អត់​ឃ្លាន​ ខ្វះ​បាយ​ហូប ​ដោយ​មិន​មាន​ការ​ជួយ​ឧបត្ថម្ភ​ពី​អាជ្ញាធរ​ឡើយ​។ ​លោក​ជំទាវ​ក៏​បាន​ណែនាំ​ដល់​ប្រជា​ពល​រដ្ឋ​ត្រូវ​មាន​ការ​ប្រុង​ប្រយ័ត្ន​ថែទាំ​សុខភាព​អោយ​បាន​ល្អ  ​ត្រូវ​រស់នៅ​ស្អាត ​ផឹក​ស្អាត ​មាន​អនាម័យ ​និង​ដេក​ក្នុង​មុង​។​ ម្យ៉ាង​ទៀត​បងប្អូន​ប្រជា​ពល​រដ្ឋ​ដែល​មិន​ទាន់​បាន​ធ្វើ​អត្ត​សញ្ញាណ​ប័ណ្ណ ​ ត្រូវ​ប្រញាប់​រួសរាន់​ធ្វើ​អោយ​បាន​ឆាប់​រហ័ស ​សំរាប់​ចុះឈ្មោះ​បោះឆ្នោត ​និង​បោះឆ្នោត​ជ្រើស​រើស​ថ្នាក់​ដឹកនាំ ​ឃុំ​សង្កាត់ ​ដែល​ខ្លួន​ស្រឡាញ់​ពេញ​ចិត្ត​នៅ​ឆ្នាំ​២០១៧​ខាង​មុខ​នេះ។​

cpp-09-08-2016-001 cpp-09-08-2016-002 cpp-09-08-2016-003 cpp-09-08-2016-004vv

[youtube id= “Yg-35lMhdOA”]