(25-02-2017) ប៉ៃលិន៖ ព្រឹកថ្ងៃទី២៥ ខែកុម្ភៈ ឆ្នាំ២០១៧ នៅសាលាខេត្តប៉ៃលិន ក្រុមការងារថ្នាក់ជាតិចុះមូលដ្ឋានបានបើកកិច្ច ប្រជុំជា លើកដំបូង ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណតំ ណាក់កាល ទី៣ របស់រាជរដ្ឋាភិបាលកម្ពុជា ក្រោមអធិបតីភាព ឯកឧត្តមនាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពារជាតិ និងជាប្រធានក្រុមការងារថ្នាក់ជាតិចុះមូលដ្ឋានខេត្តប៉ៃលិន និងដោយដោយមានការអញ្ជើញចូលរួមពីសំណាក់ ឯកឧត្តម លោកជំទាវ ក្រុមប្រឹក្សាខេត្ត ឯកឧត្តមគណៈអភិបាលខេត្ត លោកអភិបាលស្រុក ក្រុង លោកប្រធាន អនុប្រធាន មន្ទីរ អង្គភាព ជំនាញ ជុំវិញខេត្ត ព្រមទាំងក្រុមប្រឹក្សាឃុំសង្កាត់ផងដែរ។
ឯកឧត្តមនាយឧត្តមសេនីយ៍ អ៊ី ឈាន បានមានប្រសាសន៍លើកឡើងថា គោលបំណងនៃកិច្ចប្រជុំនាពេលនេះ គឺចង់ឲ្យសមាជីកសមាជិការនៃអង្គប្រជុំទាំងមូល បានស្គាល់អំពីតួនាទី ភារកិច្ចរបស់ក្រុមការងារថ្នាក់ជាតិក្នុងការចុះតាម បណ្តាមូលដ្ឋាន នៅក្នុង ខេត្តប៉ៃលិន ក្នុងការកំណែទម្រង់ស៊ីជំរៅ ដើម្បីសំរេចអោយបាននូវគោលដៅជាយុទ្ធសាស្ត្រ ការអភិវឌ្ឍន៍សេដ្ឋកិច្ច សង្គមកិច្ចប្រកបដោយចក្ខុវិស័យសំខាន់របស់រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោហ៊ុន សែន នាយករដ្ឋមន្រ្តីក្នុងនិតិកាលថ្មីនេះ។ ហើយភារកិច្ច របស់ក្រុមការងារថ្នាក់ជាតិចុះមូលដ្ឋាន ទី១ ជាអ្នកផ្សារភ្ជាប់ទំនាក់ទំនងរវាងរាជរដ្ឋាភិបាលជាមួយប្រជាពលរដ្ឋតាមរយៈការផ្សព្វផ្សាយ អោយបានទូលំទូលាយនូវកម្មវិធីនយោបាយយុទ្ធសាស្រ្តចតុកោណតំណាក់កាលទី៣ផែនការយុទ្ធសាស្រ្តអភិវឌ្ឍន៍ជាតិ គោលនយោបាយភូមិ ឃុំមានសុវត្ថភាព កម្មវិធីគោលនយោបាយតាមវិស័យ ក៏ដូចជាសភាពការណ៍រួមរបស់ប្រទេសជាតិ ដោយផ្សាភ្ជាប់សភាពការណ៍ នៅមូលដ្ឋាន។ ទី២លើកកំពស់ការ ទទួលខុស ត្រូរបស់ក្រសួង ស្ថាប័ន ដូចជារដ្ឋបាលថ្នាក់ក្រោមជាតិ តាមរយៈការត្រួតពិនិត្យ តាមដាន និងគាំទ្រការអនុវត្តកម្មវិធី គម្រោង និងផែនការសកម្មភាពនានានៅតាមមូលដ្ឋាន។ ទី៣សហការជំរុញ និងលើកកម្ពស់គណនេយ្យភាពរបស់ក្រសួង ស្ថាប័ន និងអាជ្ញាធររដ្ឋបាលថ្នាក់ក្រោមជាតិ ក្នុងការផ្តល់សេវាសាធារណៈ និងការអភិវឌ្ឍន៍នៅមូលដ្ឋាន អោយមានប្រសិទ្ធភាព។ទី៤ សហការរៀបចំវេទិការសាធារណៈតាមមូលដ្ឋាន ដើម្បីស្តាប់សំនូមពរ និងសំណើររបស់ប្រជាពលរដ្ឋព្រមទាំងយកចិត្តទុកដាក់ដោះស្រាយនូវរាល់សំនូមពរ និងសំណើរទាំងនោះដោយផ្អែកលើច្បាប់ និងលិខិតបទដ្ឋានគតិយុត្តនានា។ទី៥ សហការដោះស្រាយ បញ្ហា ប្រឈម និងការលំបាកនានារបស់ប្រជាពលរដ្ឋនៅមូលដ្ឋាន ទី៦គៀងគរធនធានពីប្រភពនានាដើម្បីចូលរួម ការដោះស្រាយជីវភាពប្រជាពលរដ្ឋក៏ដូចជាការអភិវឌ្ឍន៍មូលដ្ឋាន។ឯកឧត្តមអ៊ី ឈាន បានមានប្រសាសន៍បន្តថា រាជរដ្ឋាភិបាលកម្ពុជាយើង បានប្រសូត្រចេញពីប្រជាជន ដែលប្រជាជនបោះឆ្នោតគាំទ្រផ្តល់ទំនុកចិត្តអោយដឹកនាំប្រទេសបន្តទៀត ដូច្នេះយើងត្រូវបំរើប្រជាជន អោយបានល្អ ធានាបាននូវក្តីសុខសាន្ត មានសិទ្ធិសេរីភាព ធ្វើអោយប្រជាជនមានជីវភាពធូធារ សម្បូសប្បាយ។ ហើយនៅក្នុងខេត្តប៉ៃលិនយើងមានសក្កានុពលខ្ពស់ខាងវិស័យកសិកម្ម ពិសេស ដំណាំដំឡូងមីដែលមានសក្កានុពលទី២បន្ទាប់ពីស្រូវ។ ឯកឧត្តមបានបន្តទៀតថា នៅពេលខាងមុខនេះ យើងនឹងរៀបចំវេទីការសាធារណៈអោយបានញឹកញាប់ដើម្បីស្វែងយល់ពីការលំបាកនិងសំនូមពរនានារបស់ប្រជាពលរដ្ឋ និងដោះស្រាយការលំបាកទាំងនោះជូនពួកគាត់ ពិសេសទាក់ទងទៅនឹង ការប្រើប្រាស់ និងចែកចាយគ្រឿងញៀន ការផ្តល់សេវាសាធារណៈជូនប្រជាពលរដ្ឋ បញ្ហាព្រៃឈើបញ្ហាសុខាភិបាល និងបញ្ហាចំណាក់ស្រុករបស់ប្រជាពលរដ្ឋជាដើម។
vv
[youtube id= “1p4TCZwRXlE”]
