(18-11-2016) ប៉ៃលិន៖ នៅវត្តអូរច្រា ស្ថិតក្នុងភូមិអូរច្រា សង្កាត់ទួលល្វា ក្រុងប៉ៃលិន ខេត្តប៉ៃលិន ថ្ងៃទី១៨ខែវិច្ឆិកាឆ្នាំ២០១៦ មានចែកអំណោយស្បៀងដែលជាអំណោយរបស់សប្បុរសជនខ្មែរនៅសហរដ្ឋអាមេរិកជូនដល់ប្រជា ពលរដ្ឋចំនួន១០៥គ្រួសារ ដែលពិធីនេះបានប្រព្រឹត្តិទៅស្ថិតក្រោមវត្តមាន លោកជំទាវ គង់ស្តី កើតសុធា និងមានការអញ្ជើញចូលរួមពីសំណាក់ថ្នាក់ដឹកនាំខេត្ត អាជ្ញាធរដែនដីផងដែរ។
តំណាងសប្បុរសជនខ្មែរមកពីសហរដ្ឋអាមេរិកបានអោយដឹងថាៈ អំណោយស្បៀងដែលចែកជូនដល់បងប្អូនប្រជាពលរដ្ឋខ្វះខាតពេលនេះ គឺបានមកពីការចូលរួមឧបត្ថម្ភរបស់សប្បុរសជនខ្មែររស់នៅសហ រដ្ឋអាមេរិក ដើម្បីផ្តល់ជូនបងប្អូនប្រជាពលរដ្ឋដែលកំពុងខ្វះខាតស្បៀង។
លោកជំទាវ គង់ស្តី កើតសុធា បានមានប្រសាសន៍ថា ថា្នក់ដឹនាំខេត្តប៉ៃលិនគឺបានបើកទូលាយដល់ សប្បុរសជនជាតិ អន្តរជាតិ និងអង្គការនានាដើម្បីជួយដល់ប្រជាពលរដ្ឋយើងជួបការលំបាកខ្វះខាតស្បៀងអាហារ ។ជាក់ស្តែងអំណោយសប្បុរសធម៌របស់បងប្អូនខ្មែរយើងនៅក្រៅប្រទេស ពេលនេះពិតជាបានរួមចំណែកនិងឆ្លើយតមទៅនឹងការខ្វះខាតស្បៀងរបស់ប្រជាពលរដ្ឋយើង ព្រោះថា ផលដំណាំកសិកម្មរបស់បងប្អូនប្រជាពលរដ្ឋរងផលបះពាល់ខ្លាំង ដោយសារតម្លៃទីផ្សាធ្លាក់ចុះ។ទន្ទឹមនេះថ្នាក់ដឹកនាំខេត្តក៏បានខិតខំរកទីផ្សាលក់កសិផល របស់បងប្អូនប្រជាពលរដ្ឋអោយមានតម្លៃខ្ពស់ ដោះស្រាយជីវភាពអោយធូធាឡើង។ លោកជំទាវ គង់ស្តី កើតសុធា បានថ្លែងអំណគុណដល់សប្បុរសជនខ្មែររស់នៅ ក្រៅប្រទេស ដែលបានផ្តល់អំណោយស្បៀងជូនដល់ប្រជាពល រដ្ឋពេលនេះ គឺបានបង្ហាញពីទឹកចិត្ត ស្រ ឡាញ់រាប់អាននិងសាមគ្គីគ្នារវាងខ្មែរនិងខ្មែរ។ លោកជំទាវបានក៏បានផ្តាំផ្ញើដល់បងប្អូន ប្រជា ពលរដ្ឋ ត្រូវយកចិត្តទុកដាក់ខិតខំបង្កបង្កើនផលដាំដំណាំចំរុះ ឲ្យអស់លទ្ធភាពដែលខ្លួន មាន ដើម្បីបង្កើនប្រាក់ចំណូលប្រចាំថ្ងៃដោះស្រាយជីវភាពក្នុងគ្រួសារឲ្យបានធូធាឡើងជាលំដាប់ ជាពិសេសបងប្អូនត្រូវយកចិត្តទុកដាក់ថែរក្សាអនាម័យកូនចៅឲ្យបានល្អ រស់នៅស្អាត ហូប ស្អាត ផឹកស្អាតជានិច្ច ។
អង្ករដែលបានចែកជូនប្រជាពលរដ្ឋខ្វះខាតស្បៀងទាំង១០៥គ្រួសារ ក្នុងមួយគ្រួសារ ទទួលបានអង្ករ១៥គីឡូក្រាម សារុង១ ក្រមា១ អាវ១ ថ្នាំពេទ្យ និងថវិកា២៥០០០រៀល ផងដែរ។
vv
[youtube id= “wc4ZNf1YYd8”]
