(26-01-2017) ប៉ៃលិន៖ នៅសាលាខេត្តប៉ៃលិនថ្ងៃទី២៦មករាឆ្នាំ២០១៧ បានរៀបចំបិទសិក្ខាសាលាស្តីពីការលើកកម្ពស់ការអភិវឌ្ឍន៍សេដ្ឋកិច្ចមូលដ្ឋានសំរាប់ក្រុមប្រឹក្សាក្រុង ស្រុក ក្រោមអធិបតីភាព ឯកឧត្តម ផាន់ ចាន់ធុល អភិបាលរងខេត្តប៉ៃលិន ព្រមទាំងមានការចូលរួមពីក្រុមប្រឹក្សាក្រុងស្រុកនិងមន្រ្តីមូលដ្ឋានផងដែរ។
សិក្ខាសាលានេះមានរយះពេល ០២ថ្ងៃ ចាប់ពីថ្ងៃទី ២៥ ដល់ព្រឹកថ្ងៃ ២៦ ខែមករា ឆ្នាំ២០១៧ ក្នុងគោលបំណងដើម្បីអោយក្រុមប្រឹក្សាក្រុង ស្រុក យល់ដឹងពីតួនាទីសំខាន់ៗរបស់អ្នកពាក់ព័ន្ធនានានៅក្នុងសកម្មភាពអភិវឌ្ឍន៍សេដ្ឋកិច្ចមូលដ្ឋានក៏ដូចជាការផ្សារភ្ជាប់និងជំរុញកិច្ចសហការរវាងអ្នកពាក់ព័ន្ធនានាដើម្បីចូលរួមរំលែកបទពិសោធន៍ ដោះស្រាយនូវបញ្ហាប្រឈម ទស្សនៈនានា និងផែនការរបស់អ្នកពាក់ព័ន្ធនីមួយៗនៅក្នុងការអភិវឌ្ឍន៍មូលដ្ឋាននាពេលអនាគត់។ ម្យ៉ាងវិញទៀតសិក្ខាសាលានេះក៏ដើម្បីអោយមានប្រសិទ្ធភាពនៃការប្រមូលទិន្នន័យនិងព័ត៌មានផ្សេងៗនៅតាមមូលដ្ឋាននិងសហគមន៍នីមួយៗកាន់តែរហ័សហើយច្បាស់លាស់ ព្រោះបច្ចុប្បន្នភាពព័ត៌មាននិងទិន្នន័យរបស់ក្រុមប្រឹក្សាក្រុងនិងស្រុកហាក់នៅមានការខ្វះចន្លោះនៅឡើយជាហេតុធ្វើអោយបញ្ហាកើតមានជាបន្តបន្ទាប់ពិបាកប្រមូលផ្តុំផងដែរ។ ក្នុងសិក្ខាសាលានេះក្រុមប្រឹក្សាក្រុង និងក្រុមប្រឹក្សាស្រុក និងសមាជិកដែលពាក់ព័ន្ធចូលរួមក៏បានធ្វើសំណួរពិភាក្សាបញ្ហាចម្បងនិងផែនការដើម្បីអភិវឌ្ឍន៍មូលដ្ឋានផងដែរ។
ឯកឧត្តម ផាន់ ចាន់ធុល អភិបាលរងខេត្តប៉ៃលិនបានមានប្រសាសន៍ថា សិក្ខាសាលា ដែលគណៈកម្មាធិការជាតិសំរាប់ធ្វើការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ គ.ជ.អ.ប ដើម្បីកម្ពស់ការអភិវឌ្ឍន៍សេដ្ឋកិច្ចមូលដ្ឋាន សម្រាប់ក្រុមប្រឹក្សាក្រុង និងក្រុមប្រឹក្សាស្រុក នាពេលនេះពិតជាមានសារៈសំខាន់ណាស់ ព្រោះវាបានចែករំលែក និងឆ្លុះបញ្ជាំងបទពិសោធន៍ជោគជ័យ និងបញ្ហាប្រឈមនានា ដើម្បីធ្វើឲ្យប្រសើរឡើងនូវសកម្មភាពដែលអសកម្មមួយចំនួន ហើយក្រុមប្រឹក្សាក្រុងស្រុកមានតួនាទីសំខាន់ក្នុងការរៀបចំព័ត៌មានទូទៅស្តីពីសេដ្ឋកិច្ចមូលដ្ឋាន។ ម្យ៉ាងវិញទៀតក្រុងស្រុកគួរលើកកម្ពស់ការងារដល់ស្ត្រីអោយបានច្រើនដើម្បីលើកកំពស់យេនឌ័រនិងបទពិសោធន៍ការងារថ្មីៗដែលកាន់តែមានប្រសិទ្ធភាពខ្ពស់ទៀតផង។ ដូច្នេះតាមរយះសិក្ខាសាលានេះសមាជិកសមាជិការក្រុមប្រឹក្សាក្រុង ស្រុក និងមន្ត្រីនៅមូលដ្ឋានទាំងអស់ត្រូវយកចិត្តទុកដាក់ខិតខំប្រមូលព័ត៌មាននិងទិន្នន័យផ្សេងៗដែលជាតម្រូវការចាំបាច់របស់បងប្អូនប្រជាពលរដ្ឋ ដើម្បីជួយដោះស្រាយជូនពួកគាត់អោយបានទាន់ពេលវេលា។
vv
[youtube id= “ZsMKbtvTrUc”]
